Josh 22:15 - ÎVUKU RÎA ÛVORO MWARO

¹⁵ Nao nîmaathiîre Gileadi kûrî andû a Reubeni, Gadi na nuthu ya mûvîrîga wa Manase a mwena wa îrathîro.

Josh 22:15 Referencias Cruzadas

1Maû 21:3

Nwatî Joabu nîwaugire atîrî, “Ngai-Mûnene arotûma andû a vûrûri ûyû mongerereke maita îgana gûkîra ûrîa megana rîu! Mwathi wakwa mûthamaki, onthe nî ndungata ciaku. Nîkwa ûrenda gwîka ûndû ûyû nîkî mwathi wakwa? Ndûgûtûma andû a Isiraeli mevie?”

2Maû 10:19

Kwoguo andû a Isiraeli matwîre mareganaga na wathani wa mbarî ya Daudi nginya ûmûnthî.

2Maû 25:27

Kuuma rîrîa Amazia aatiganîrie Ngai-Mûnene andû a Jerusalemu nîmaavangire maregane nake. Mûthiiarî nîwaûrire akîthiî îtûûrarî rîa Lakishi. Nwatî andû acio maareganaga nake nîmaatûmire andû mathiî mamûrûmîrîrie kûu Lakishi na nîmaamûragîre kuo.

2Maû 26:18

na makîmûgiria avîvia ûbani. Nîmaamwîrire atîrî, “Mûthamaki Uzia, ndwagîrîrwe nî kûrutîra Ngai-Mûnene îgongoona rîa kûvîvia ûbani. Ûcio nî wîra wa athînjîri-Ngai, njiarwa cia Aroni nîûndû nîo amûrîre wîra wa kûvîvia ûbani. Thiî ume vandû ava vatheru, nîûndû nîwavîtia na ûndû ûyû ndûngîkûretere kîrathimo kuuma kûrî Ngai-Mûnene, Ngai.”

2Maû 28:13

Nîmaamerire atîrî, “Mûtikarete mîgwate îo gûkû nîûndû kûu nî kwongerera mavîtia îgûrû rîa mevia marîa twîvîrîtie Ngai-Mûnene. Mavîtia metû nî meengî mûno na Ngai-Mûnene nî mûrakarie mûno nî andû a Isiraeli”

Ezira 9:15

Ngai-Mûnene, Ngai wa Isiraeli, we ûrî mwîvokeku, nîûndû nîwîtîkîrîte tûtûûre mwoyo nginya ûmûnthî. Na rîu ava nîtûkumbûra mavîtia metû, nîûndû gûtirî mûndû mwagîrîru gatagatîrî getû wa kûrûngama mbere yaku.”

Ezira 9:2

Nîûndû Aisiraeli nîmaavikagia erîtu ao na avîcî ao mageka wa guo. Kwoguo andû a Ngai nîmeetukanîtie na andû a vûrûri na magatuîka acûku. Atongoria na anene nîo methîrîtwe magîka maûndû mau mûno.

Thaburi 78:8

Matigekara ûrîa methe mao meekariî; andû aûmû ngoro na mataarî athîki, rûciaro rûtaarî na wîtîkio mûkinyanîru, na rûtaarî rwîvokeku mbere ya Ngai.

Ntha 32:8

Nîmagarûrûkîte na magatiga njîra îrîa namaathire marûmagîrîre. Nîmeerûthîrîte o ene mûvuanano wa njaû ya ndegwa ya thaavu ya kûrarûrwa na nîmaramîgooca makîmîrutagîra îgongoona, makiugaga atî îo nî ngai îrîa yamarutire vûrûri wa Misiri.

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Alawi 26:40

“Nwatî njiarwa cienyu nî ikaaumbûra mevia mao na mevia ma methe mao ma tene, arîa maareganire nanie na makîrega kûmbathîkîra.

Alawi 5:19

Rîu nîrîo îtega rîa kûthiria wîvia ûrîa mûndû ûcio evîrîtie Ngai-Mûnene naguo.”

Ndari 14:43

Amaleki na Akanaani nîmakaarûa namue na mamûûrage, nîûndû nîmûregete kwathîkîra Ngai-Mûnene. Ke tîethîrwa arî vamwe namue nîûndû nîmûregete kwathîkîra Ngai-Mûnene.”

Ndari 32:15

Mue andû a Reubeni na a Gadi mwarega kûrûmîrîra Ngai-Mûnene, ke nîakaamûtiganîria werûrî rîngî, na nîmûgaatûma andû aya onthe mathire.

Ndari 5:6

“Rîrîa mûndû wa wonthe ethîrwa atarî mwîvokeku kûrî Ngai-Mûnene na eka mûndû ûrîa wîngî naaî,

Mathaayo 18:17

Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.

1Akor 1:10

Ariû na aarî a îthe wetû, na rîîtwa rîa Mwathani wetû Jesû Kristû nîramûthaitha muonthe mwîtîkanagie nîguo gûtikagîcage na nyamûkano gatagatîrî kenyu. Îthagîrwani mûgwatanîrîte viû na mûrî na rîciria na îtua rîmwe.

1Akor 5:4

Vîndî îrîa mûcemanîtie vamwe na rîîtwa rîa Mwathani wetû Jesû, na ngethîrwa nîrî vamwe namue kîîroho, na njîra ya vinya wa Mwathani wetû Jesû,

Gûco 30:17

Nwatî mûngîgarûrûka na mûrege kwathîka mûcoke mûgucîrîrue kûgooca ngai cia mîvuanano na gûitungatîra,

Gûco 7:4

nîûndû nwa matûme ciana cienyu itiganîrie Ngai-Mûnene na ciambîrîrie kûgooca ngai ciîngî. Ingîka ûguo, Ngai-Mûnene nîakaarakara nîmue na amûthirie wa rîmwe.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Josh 22:12

Vîndî îrîa andû a Isiraeli megwire ûvoro ûcio, onthe nîmaagomanire vamwe kûu Shilo, nîguo makarûe na mîvîrîga îo îngî ya mwena wa îrathîro.

Josh 22:14

Finehasi nîwathiîcanirie na anene îkûmi. Na wa mûnene aarî mûtongoria wa mbarî îmwe ya mîvîrîga îkûmi ya andû a Isiraeli mwena wa îthûîro.

Josh 22:16

Nîmaaririe vandûrî va andû onthe a Ngai-Mûnene na nîmaaûririe atîrî, “Nîkwa mûrekire ûndû ûyû mûcûku ûguo wa kûregana na Ngai wa Isiraeli nîkî na mûgîîtumîra metha ya kîgongoona? Mue mûtiramûrûmîrîra.

Josh 22:18

Ûmûnthî mûngîrega kûrûmîrîra Ngai-Mûnene na mûregane nake, rûyû nî akaarakara nî andû onthe a Isiraeli.

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”