Josh 14:12 - ÎVUKU RÎA ÛVORO MWARO

¹² Kwoguo ngaîra vûrûri ûyû ûrî irîma ûrîa Ngai-Mûnene aambîrîre mûthenya ûcio twamwindîre ûvoro. Mûthenya ûcio twamwîrire atî andû arîa metagwa Anaki maatûûraga matûûrarî manene na mairigîre. Ngai-Mûnene nî akûndethia na nie nîngûmengata maume kuo wata ûrîa ke aaugire.”

Josh 14:12 Referencias Cruzadas

2Atha 19:4

Nwa kwîthîrwe atî, Ngai-Mûnene Ngai waku nîwegwire maûndû monthe ma kûthekerera Ngai ûrîa ûtûûraga mwoyo marîa mûthamaki wa Asîria aatûmîte ndungata yake. Ngai-Mûnene Ngai waku aroîgua irumi icio na averithie acio marumanîte. Kwoguo voerani andû arîa matigarîte.”

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

Thaburi 44:3

Andû aku matiegwatîra vûrûri na mbaara, kana mavootana na vinya wao; nwatî maavootanire na vinya na ûvoti waku, nîwethagîrwa nao vîndî cionthe, nîûndû nîwakenagua nîo.

Thaburi 60:12

Ngai arî mwena wetû nî tûkaavootana; nîke ûkaavoota nthû cietû.

Ndari 13:28

Nwatî andû arîa matûûraga vûrûrirî ûcio nî anene mûno na matûûra ma kuo nî mairigîre na nthingo cia vinya, na nî manene mûno. Makîria ya ûguo, nîtwonire njiarwa cia Anaki kuo.

Ndari 13:33

Wana nîtwonire njiarwa cia Anaki, andû arîa megana marimû, tweyonire tûnyivîte ta mvandi tûrî mbere yao. Na wanao nwaguo moonaga twîgana.”

Ndari 21:34

Nwatî Ngai-Mûnene nîwerire Musa atîrî, “Ndûkamwîtigîre, nîûndû nîngûkûvotithia kûmûvoota, andû ake onthe wana vûrûri wake. Mwîke wata ûrîa wekire Sihoni, mûthamaki wa Amori ûrîa wathanaga Heshiboni.”

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Gûco 1:28

Tûngîthiî kûu nîkî? Tue nî tûretigîra. Andû arîa twatûmire makathigane, maatwîrire atî vûrûri ûcio ûrî na andû araca na marî na vinya gûtûkîra, na andû acio matûûraga matûûrarî manene marî mairigîre na nthingo ikinyîte îgûrû matuurî, na nîmoonire avîcî a Anaki kuo arîa megana ta marimû!’

Gûco 9:1

“Tathikîrîriani, mue andû a Isiraeli! Ûmûnthî mûrî vakuvî kûringa Jorodani mûkegwatîre mavûrûri manene na marî na vinya kûrî mue. Matûûra ma mavûrûri mau nî manene na nîmaairigîre na nthingo nginya matuurî.

Gûco 9:3

Kwoguo menyani ûmûnthî atî Ngai-Mûnene, Ngai wenyu nîke ûkûmûtongoria avaana ta mwaki ûrîa ûvîvagia ûkathiria. Mûkîîgwatîra vûrûri ûcio, Ngai-Mûnene nîakaamavoota namue mûmengate na mûmathirie viû wa rîmwe wata ûrîa eeranîrîte.

Afil 4:13

Nwambîke maûndû monthe na njîra ya ûrîa ûmvecaga vinya.

Ahib 11:33

Na njîra ya wîtîkio nîmaarûire na mavûrûri monthe na makîmavoota. Nîmeekire ûrîa kwagîrîrîte na Ngai nîwamavere kîrîa aamerîrîte. Nîwavingire tûnyua twa mînyambû,

Josh 15:14

Kalebu nîwengatire njiarwa cia Anaki kuuma îtûûrarî rîa Heburoni. Njiarwa icio ciarî cia mbarî ya Sheshai, Ahimani na Talimai.

Atir 1:20

Kalebu nîwaverwe îtûûra rîa Heburoni wata ûrîa Musa aaugîte. Nake Kalebu nîwengatire avîcî athatû a Anaki kuuma kuo.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”