Josh 10:20 - ÎVUKU RÎA ÛVORO MWARO

²⁰ Joshua marî na andû a Isiraeli nîmaaûragire andû eengî mûno a Amori. Nwatî amwe nîmaavotire kûûra na magîtonya kûndû kûrîa kwarî kwirigîre kûu matûûrarî mao.

Josh 10:20 Referencias Cruzadas

2Sam 20:6

Kwoguo mûthamaki Daudi nîwerire Abishai atîrî, “Sheba mûvîcî wa Bikiri nîke ûgûtûthînia makîria ya Abusalomu. Oca ndungata ciakwa ûmûrûmîrîre na îvenya mbere ya akinya matûûra marîa mairigîre na atûthînie.”

1Atha 20:21

Ahabu mûthamaki wa Isiraeli nîwathiîre mîgûndarî, agîtava mbarathi na ikaari cia mbaara, na nîwaûragire andû eengî mûno a Sîria.

2Maû 13:17

Abija na athigari ake nîmaatharîkîre na makîûraga athigari eengî mûno a Isiraeli. Athigari arîa njamba a mbaara ngiri magana matano (500,000) a Isiraeli nîmaaûragirwe.

Jeremia 4:5

Ugîrîria Juda na wanîrîre Jerusalemu uuge atîrî, “Vuvani tûrumbeta kûu vûrûrirî, anîrîrani mwîre andû magomane vamwe; mathiî matûûrarî marîa mairigîre.

Jeremia 8:14

“Twîkarîte wa ûguo nîkî? Tûgomane vamwe tûthiî matûûrarî marîa mairigîre tûgakuîre kuo. Nîûndû Ngai-Mûnene Ngai wetû nîatûtuîrîrîte gûkuîra kuo, na nîatûvete manjî marî na ûrogi tûnyue, nîûndû nîtûmûvîtîrîtie.

Gûco 20:16

“Nwatî rîrîa mûkeegwatîra matûûra marîa marî vûrûrirî ûrîa Ngai-Mûnene Ngai wenyu akûmûva ûrî îgai rîenyu, mûkaaûraga kîndû wa kîonthe kîrî mwoyo kuo.

Josh 10:10

Ngai-Mûnene nîwatûmire Amori mamake mona athigari a mbaara a Isiraeli. Athigari a Isiraeli nîmaaûragire eengî kûu Gibeoni na nîmaavinyûririe mavîtûkîrîrîte mwanyarî wa kîrîma vandû vetagwa Bethi-horoni. Nîmaathiîre na mbere kûmatharîkîra nginya mwena wa îveti matûûrarî ma Azeka na Makeda.

Josh 10:19

nwatî mûtigekare vo mue ene. Vinyûriani nthû na mûitharîkîre kuuma mwena wa vuva. Mûtikareke matonye matûûrarî mao, nîûndû Ngai-Mûnene, Ngai wenyu nîamûvotithîtie kûmavoota.”

Josh 10:21

Nao andû onthe a Isiraeli nîmaacokire Makeda kûrî Joshua kûrîa maambîte magema. Gûtirî mûndû wanarî ûmwe waririe ûndû mûcûku wîgiî andû a Isiraeli.

Josh 11:12

Joshua nîwanyitire matûûra mau monthe wana athamaki a mo. Nîwaûragire andû onthe wata ûrîa Musa, ndungata ya Ngai-Mûnene, aamwathîte.

Josh 11:8

Ngai-Mûnene nîwavere andû a Isiraeli ûvootani. Nîmaamaûragire na makîmavinyûria nginya Misirefothu Maimu na Sidoni mwena wa rûgûrû na nginya Kîamndarî Kîam Mizipa mwena wa îrathîro. Mbaara îo nîyarûirwe îvinda îraca nginya nthû cionthe ikîûragwa.

Josh 8:24

Andû a Isiraeli nîmaaûragire nthû ciao cionthe irîa ciamarûmîrîrîtie nginya werûrî. Marîkia kûûraga acio, nîmaacokire makîthiî îtûûrarî rîa Ai na makîûraga andû onthe arîa maatigarîte kuo.