File 1:17 - ÎVUKU RÎA ÛVORO MWARO

¹⁷ Kwoguo ethîrwa nîwicî atî nîtûrutithanagia wîra wa Mwathani nawe, amûkîra Onesimo wata ûrîa ûngînyamûkîra.

File 1:17 Referencias Cruzadas

Mathaayo 10:40

“Mûndû wa wonthe ûmûgwataga ûgeni nînie agwataga ûgeni; na mûndû wa wonthe ûngwataga ûgeni agwataga ûgeni ûrîa wandûmire.

Mathaayo 18:5

Mûndû wa wonthe ûgwataga kaana ta gaka ûgeni nîûndû wakwa, nî nie agwataga ûgeni.

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Ciîko 16:15

Ke na andû onthe a mûciî wake nîmaavatithirue. Nîwacokire agîtûthaitha agîtwîra atîrî, “Ethîrwa mue nîmwatua atî nie na ma nîmbîtîkîtie Mwathani, ûkani vi mûgekare gwakwa mûciî.” Nake nîwageririe mûno gûtwîgwithia atî tûthiî tûgekaranie nake.

2Akor 8:23

Ûvororî wîgiî Tito, nîtûthiîcanagia na tûkarutithania wîra nake wa kûmûtethia. Ûvororî wîgiî ariû a îthe wetû acio engî marathiîcania nake, matûmîtwe nî makanitha na maretaga riiri kûrî Kristû.

Aefeso 3:6

Nayo nthitho nî atî na njîra ya ûvoro mwaro, andû a Ndûrîrî nî ciîga cia mwîrî ûmwe na nîmanyitaga kîrîa Ngai eeranîre na njîra ya Jesû Kristû.

Afil 1:7

Nîmbagîrîrwe nî kwîgua ûguo mbîgucaga nîûndû wenyu, nîûndû mwîthagîrwa mûrî ngororî yakwa vingo cionthe. Muonthe nîmûrutithanîtie wîra mwaro nanie ûrîa Ngai amvete. Mwekire ûguo vîndî îrîa naarî mwove njeera, wana rîrîa naarî na wîathi wa kûgitîra ûvoro mwaro na ngîtûma mwîtîkie mûtarî na nganja.

1Tim 6:2

Ngombo itiagîrîrwe nî kûnyarara anene a cio nîûndû atî anene nî etîkia wata cio. Nwatî nîciagîrîrwe nî gûtungata athani a cio waro makîria. Nîûndû andû arîa magunîkaga kuumana na ûtungata ûcio wao, nî etîkia arîa o mendete. Nwanginya ûvunjagie na ûthomithagie maûndû mama.

File 1:10

Kwoguo nîrakûthaitha îthenya rîa Onesimo mwana wakwa, nîûndû nîratuîkire îthe wake wa Kîîroho nîrî wa gûkû njera.

File 1:12

Nie nîramûtûma rîu acoke kûrî we, na ngîgûtûmîra ke, nî ta ngoro yakwa nîragûtûmîra.

File 1:18

Ethîrwa nîakûvîtîrîtie kana arî na thirî yaku, mbîra nîguo ngûrîve.

Ahib 3:1

Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

1Pet 5:1

Nie nîrî mûthuuri wa kanitha. Kûrî na ûndû ûmwe nîrenda kwîra athuuri arîa engî a kanitha methagîrwa gatagatîrî kenyu. Nîrî mûira wa mathîna marîa Kristû oonire, na nîngaagaîrwa riiri ûrîa ûkaaguûrua. Nîramûthaitha

1Joh 1:3

Maûndû marîa tûonete na tûkeîguîra nîmo tûmwîraga wa namue nîguo mûgwatanagîra natue ngwatanîrorî îrîa twîthagîrwa tûrî nayo na Îthe na Mûriû Jesû Kristû.