File 1:1 - ÎVUKU RÎA ÛVORO MWARO

¹ Kuuma kûrî nie Paûlo, mûndû wovetwe njeera nîûndû wa Jesû Kristû, tûrî na Timotheo, mûriû wa Îthe wetû. Kûrî we Filemona, mûrata wetû ûrîa tûrutithanagia wîra nake,

File 1:1 Referencias Cruzadas

Ciîko 16:1

Nake Paûlo nîwathiîre Deribe na agîcoka akîthiî Listra, kûrîa Mûkristiano ûmwe wetagwa Timotheo aatûûraga. Ng'ina, ûrîa wa nake warî Mûkristiano, aarî Mûyahudi, nwatî îthe aarî Mûngiriki.

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

2Akor 1:1

Nie Paûlo, mûtûmwa wa Kristû Jesû nîûndû wa wendi wa Ngai na kuuma kûrî mûrwaiya Timotheo. Tûramwandîkîra mue kanitha wa Ngai ûrîa ûrî Korinitho, na kûrî andû onthe a Ngai arîa marî Akaia kuonthe:

Agal 3:26

Muonthe mûrî ciana cia Ngai nîûndû wa kwîthîrwa mûrî ûrûmwe na Kristû na njîra ya wîtîkio.

Aefeso 3:1

Nîûndû wa gîtûmi gîkî, nie Paûlo njovetwe nîûndû wa gûtungatîra Jesû Kristû, nîmvoyaga Ngai nîûndû wenyu mue andû a Ndûrîrî.

Aefeso 4:1

Nie njovetwe nîûndû nîndungatagîra Mwathani, kwoguo nîramûthaitha mûtûûre na mîkarîre îringanîte na rîtana rîrîa mwetîrwe.

Aefeso 6:20

Nîrî mwarîrîria wa ûvoro mwaro, na nîreka ûguo rîu nîrî gûkû njeera. Mvoyagîrani nîguo mvunjagie ûvoro mwaro ndarî na guoya wata ûrîa mbagîrîrwe nî kwaria.

Afil 1:1

Kuuma kûrî Paûlo na Timotheo, ndungata cia Jesû Kristû. Kûrî andû a Ngai onthe a Filipi arîa methagîrwa marî kîndû kîmwe na Jesû Kristû, wa vamwe na atongoria a kanitha na arîa mamatethagîrîria.

Afil 2:25

Nîcirîtie na ngona kwagîrîrîte nîmûtûmîre Mûrû wa îthe wetû Epafarodito, ûrîa wîthîrîtwe vamwe nanie tûkîruta wîra tûrî athigari a ûvoro mwaro wa Jesû. Ke ethagîrwa arî mûnjaama wenyu ûrîa ûndethagia.

Afil 4:3

Wa nawe mûrata wakwa mwîvokeku, nîngwenda ûtethagîrîrie aka aya. Nîndutithanîtie wîra wa kûvunjia ûvoro mwaro nao, wa vamwe na Kîlementi marî na andû onthe arîa twarutithanagia wîra nao arîa marîîtwa mao mandîkîtwe îvukuurî rîa mwoyo.

Akol 1:1

Nie Paûlo mûtûmwa wa Jesû Kristû nîûndû wa wendi wa Ngai, tûrî na mûrû wa îthe wetû Timotheo nîtwamûkethia.

Akol 4:11

Wana Joshua ûrîa wîtagwa Jusito nîwamûkethia. Aya athatû nîo Ayahudi arîa metîkîtie Kristû, na nîo tûrutithanagia wîra nao nîûndû wa Ûthamaki wa Ngai na nîmandethetie mûno.

1Ath 3:2

na tûtûme kûrî mue mûrû wa îthe wetû Timotheo ndungata ya Ngai îrîa tûrutithanagia wîra ûyû wa kûvunjia ûvoro mwaro wîgiî Kristû nayo. Twamûtûmire nîguo amwîkîre vinya na amûûmîrîrie wîtîkiorî wenyu,

2Ath 1:1

Kuuma kûrî tue Paûlo, Sailasi na Timotheo. Kûrî andû a kanitha ûrîa ûrî Thesalonike. Andû aya nî a Ngai îthe wetû na Mwathani wetû Jesû Kristû.

2Tim 1:8

Ndûgaconoke rîrîa ûkumbûra Mwathani wetû, kana wîgue ûgîconoka nîûndû wakwa nie njovetwe nîûndû wa Kristû. Vandû va ûguo, nîwagîrîrwe nî kûgwatanîra nanie mînyamaarorî nîûndû wa ûvoro mwaro, nîûndû Ngai nîke ûtûvecaga vinya.

File 1:23

Epafara ûrîa twovetwe njera nake nîûndû wa kûvunjia ûvoro mwaro wîgiî Jesû Kristû nîwamûkethia.

File 1:24

Wana nîmwakethua nî andû arîa tûrutithanagia wîra nao, na nîo Maariko, Arisitariko, Dema na Luka.

File 1:9

Nwatî vandû va ûguo nînîrakûthaitha nîûndû nîngwendete. Nie Paûlo nîreka ûguo wana ethîrwa rîu nîrî mûthuuri mûkûrû na rîu njovetwe njeera nîûndû wa Jesû Kristû.