Danieli 9:4 - ÎVUKU RÎA ÛVORO MWARO

⁴ Nînavoire Ngai-Mûnene, Ngai wakwa na ngiumbûra mevia marîa meekîtwe nî andû akwa. “Nînaugire atîrî, ‘Mwathani, wî Ngai mûnene na nîwîkaga maûndû ma magegania. We nîwigaga kîrîkanîro gîaku, na nîwonanagia wendo ûtathiraga kûrî andû arîa makwendete na mathîkagîra maathani maku.

Danieli 9:4 Referencias Cruzadas

1Atha 8:23

na akiuga atîrî, “Ngai-Mûnene, Ngai wa Isiraeli, gûtirî Ngai wîngî tawe îgûrû kana gûkû nthî! Nîûvingagia kîrîkanîro gîaku na andû aku na nîûmoonagia wendo ûtathiraga rîrîa matûûra makwîvokete.

2Maû 7:14

ethîrwa andû akwa arîa metanîtue na rîîtwa rîakwa nîmakaavera, mavoe na magarûrûke matige mîthiîre yao mîcûku, nîngaamegua nîrî îgûrû na nîngaamovera mevia mao na mvonie vûrûri wao.

Ezira 10:1

Ezira nîwavoyaga akîrîraga na akiumbûraga mevia make akîgwîthagia nthî mbere ya hekarû. Vîndî wa îo gîkundi kînene Kîam andû a Isiraeli arûme, aka, na ciana, nîmaaûkire na makîûngana mamûthiûrûrûkîrîtie makîrîraga marî na ûrûrû mwîngî mûno.

Nehemia 1:5

Navoire ngiugaga atîrî, “Ngai-Mûnene, Ngai wa îgûrû! Wî Ngai mûnene na nîtûgwîtigîrîte. We Ngai nîwigaga kîrîkanîro na ûrî wendo ûtathiraga kûrî andû arîa makwendete na marûmagîrîra maathani maku.

Nehemia 9:32

“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Thaburi 32:5

Nînaacokire ngiumbûra mevia makwa kûrî we, na ndiathitha mavîtia makwa. Nînatwire nyumbûre mevia makwa kûrî we, na nîwanjovere mevia makwa monthe.

Ntha 20:6

Nîmonanagia wendo ûtathiraga kûrî andû ngiri nyîngî arîa mamendete na megucaga maathani makwa.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Jeremia 32:23

Nao nîmaatonyire vûrûri ûcio makîwîgwatîra, nwatî matiakwathîkîra kana marûmîrîra watho waku. Matianeka ûndû wanarî ûmwe wa marîa wamaathire. Kwoguo nîûtûmîte manyitwe nî mathîna mama monthe.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Danieli 9:3

Nînathiîre kûrî Mwathani Ngai na ngîmûvoya ngîmûthaithaga na nîînyereketie, mbîkîrîte nguo cia macakaya, na ngevaka mûu.

Luka 1:72

Ke nîwaugire atî nîakeeguîra methe metû ntha, na aririkane kîrîkanîro gîake kîtheru.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

Gûco 5:10

Nwatî nîngoonania wendo ûtathiraga kûrî andû ngiri nyîngî, arîa mamendete na mathîkagîra maathani makwa.

Gûco 7:12

“Ethîrwa mûkegucaga maathani mama na mûmathîkagîre na kinyi, Ngai-Mûnene, Ngai wenyu akaavingagia kîrîkanîro gîake namue, na amwonagie wendo ûtathiraga wata ûrîa aarîkanîre na methe menyu.

Gûco 7:21

Kwoguo mûtigetigîre andû acio. Ngai-Mûnene, Ngai wenyu arî vamwe namue; nî Ngai mûnene na wagîrîrwe nî gwîtigîrwa.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.