Danieli 9:3 - ÎVUKU RÎA ÛVORO MWARO

³ Nînathiîre kûrî Mwathani Ngai na ngîmûvoya ngîmûthaithaga na nîînyereketie, mbîkîrîte nguo cia macakaya, na ngevaka mûu.

Danieli 9:3 Referencias Cruzadas

2Sam 12:16

Daudi nîwavoere kaana kau nîguo kavone. Nîwenyerekirie na ûtukû nîwatonyaga nyomba gwake na akarara amamîte nthî.

Ezira 10:6

Nîwaumire vau mbere ya hekarû ya Ngai na akîthiî kûrî Jehohanani mûvîcî wa Eliashibu kanyombarî karîa aamamîte. Ndaarîcaga kîndû kana anyua manjî nîûndû nîwacakayaga nîûndû wa andû arîa maathamîtue kûrega kwîvokeka.

Ezira 8:21

Vakuvî na mûtaro wa manjî wa Ahava nînerire andû onthe twînyerekie na twînyivie mbere ya Ngai wetû na tûvoe. Nîtwavoire Ngai na tûkîmûria atûtongorie na atûgitîre rûgendorî rwetû tûrî vamwe na ciana na indo cietû cionthe.

Ezira 9:5

Rîrîa kavinda gaakinyire ka îgongoona rîa kîvwaî, nînaûkîrire ngiuma varîa nekarîte nthî nîrî na kîeva. Nîrî na nguo icio ndembûkangu, nînaturirie maru nîguo mvoe na ngîûkîrîria njara ciakwa na îgûrû kûrî Ngai-Mûnene, Ngai wakwa.

Nehemia 9:1

Mûthenya wa mîrongo îîrî na îna wa mweri wa ûcio andû a Isiraeli nîmaagomanire vamwe. Nîmeenyerekirie na magîkîra nguo cia macakaya na makîîminjîria rûkûngû ciongorî ciao.

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Ayubu 42:6

Kwoguo, nîngûvera ngîvakaga rûkûngû na mûu, nîreyonaga nîrî kîndû Kîam mana.”

Thaburi 35:13

Nwatî rîrîa maarî arwaru, nînekîrire nguo ya macakaya; nînenyerekirie, na naavoyaga nyînamîtie kîongo gîakwa,

Isaia 22:12

Mûthenya ûcio Ngai-Mûnene mwene vinya wonthe, nîwamwîtire mûrîre na mûcakae, mwenje njuîrî na mwîkîre nguo cia macakaya.

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Ezek 36:37

Mwathani Ngai-Mûnene arauga atîrî, “Nîngetîkîria andû a Isiraeli mamvoe nîmatethie na nîngaatûma andû ao mongerereke ta ndîthia ya ng'ondu.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Danieli 9:2

Mwaka wa mbere wa wathani wake, nie Danieli nînathomaga mandîko matheru na ngeciragia mûno ûvoro wîgiî mîaka mîrongo mûgwanja (70) îrîa Jerusalemu îgeekara îrî nyomomore, wata ûrîa Ngai-Mûnene aaguûrîrîtie mûrathi Jeremia.

Danieli 9:20

“Vîndî îrîa naaragia ngîvoyaga na ngiumbûraga mevia makwa, na mevia ma andû akwa, Isiraeli na ngîthaithaga Ngai-Mûnene, Ngai wakwa nîûndû wa kîrîma gîake kîtheru,

Danieli 9:4

Nînavoire Ngai-Mûnene, Ngai wakwa na ngiumbûra mevia marîa meekîtwe nî andû akwa. “Nînaugire atîrî, ‘Mwathani, wî Ngai mûnene na nîwîkaga maûndû ma magegania. We nîwigaga kîrîkanîro gîaku, na nîwonanagia wendo ûtathiraga kûrî andû arîa makwendete na mathîkagîra maathani maku.

Joeli 1:13

Mue athînjîri-Ngai, îkîrani nguo cia macakaya mûrîre, mue mûtungataga metharî ya kîgongoona rîrani. Thiîni hekarûrî na mûcakae ûtukû mûgima! Matega ma irio na ma ndivei matirî kuo nyombarî ya Ngai.

Joeli 2:12

“Nwatî kûnarî ûguo,” nie Ngai-Mûnene nauga atîrî, “Njokererani na ngoro yonthe, na njîra ya kwînyerekia, kûrîra na gûcakaya.

Jona 3:5

Andû a Nineve nîmeetîkirie ndûmîrîri ya Ngai îo meerirwe nî Jona. Kwoguo nîmaanîrîre kûgîe na îvinda rîa wînyerekia. Andû onthe nîmeekîrire nguo cia macakaya kuuma ûrîa mûnene nginya ûrîa mûnini.

Mathaayo 17:21

Ndaimono ya mûthemba ûyû ndîngîrutûrûrîka na njîra îngî tiga na njîra ya mavoya na kwînyerekia.]”

Luka 2:37

Ana nîwathiîcaga hekarûrî mûthenya wana ûtukû na akathaithaga Ngai mûno na njîra ya kûmûvoya na kwînyerekia.

Ciîko 10:30

Nake Korinelio nîwaugire atîrî, “Mîthenya îna mîthiru, nie nînavoyaga nîrî gwakwa nyomba mathaa ta mama thaa kenda cia mûthenya. Na wa rîmwe mûndû wekîrîte nguo yakengaga nîwarûngamire mbere yakwa,