Danieli 8:10 - ÎVUKU RÎA ÛVORO MWARO

¹⁰ Karûvîa kau nîkaagîre na vinya mûno na gakîneneva îgûrû rîa ciûmbe cia îgûrû, nîkagwîthirie imwe cia njata icio na gagîikinyanga.

Danieli 8:10 Referencias Cruzadas

Isaia 14:13

Weîrire na ngoro atîrî, ‘Nîngunûkia nginya îgûrû; nîngaaiga gîtî gîakwa Kîam ûthamaki îgûrû rîa njata, nîngekara îgûrû rîa kîrîma kûrîa ngai cia mîvuanano icemanagia, kûndû kûraca mwena wa rûgûrû.

Jeremia 48:26

“Vani Moabu ndivei nîguo arîwe viû, nîûndû nîwenenevirie gûkîra Ngai-Mûnene. Moabu nîakagaraga matavîkarî make na nîakaathekererwa nî andû.

Danieli 11:28

Mûthamaki wa Sîria nîagaacoka vûrûri wake na indo cionthe irîa aatavîte arî mbaararî. Nwatî meciriarî make, akethîrwa akîthugunda ûrîa agûcûkangia ndini ya andû a Ngai. Ke nîageka ûrîa akenda, akînacoka vûrûrirî wake.

Danieli 11:30

Andû kuuma Kitimu nîmakaamûtharîkîra. Nîakegua guoya na ecûrîtwe nî marakara, nî akaageria gûcûkangia ndini ya andû a Ngai. Nîagaacoka athikagîrîrie mataaro ma andû arîa mareganîte na ndini îo.

Danieli 7:7

“Na wandoretie, nyamû ya kana nîyaumîrire. Nayo yarî ya kûmakania na ya magegania, nîûndû wa ûrîa yanenevete. Yarî na magego manene mûno ma cuuma. Nîyatamburûrangire nyamû icio ciîngî inuku, îgîcoka îgîikinyanga na magûrû mayo. Nyamû îo yarî ngûrani na nyamû icio ciîngî cionthe irîa noonete mbere yayo, nîûndû yarî na mvîa îkûmi.

Danieli 8:7

Nînoonire nthenge îo îkîtharîkîra ndûrûme îo. Nayo yarî ndakaru mûno, kwoguo nîyaringire ndûrûme îo na îkîmiuna mvîa ciayo cioîrî. Ndûrûme îo ndîarî na vinya wa gûtiirîria nthenge îo. Nthenge nîyarivanirie ndûrûme îo nthî na îkîmîkinyangîra vo; gûtirî mûndû ûngîatethûrire ndûrûme îo.

Kûguû 12:4

Njûnamatu îo nîyagucirie gîcunjî kîmwe Kîam ithatû Kîam njata cia îgûrû na mûkiia wayo, na îgîcikia nthî. Nayo nîyarûngamire mbere ya mûndûmûka ûcio warî vakuvî gûciara nîguo îrîe kaana gaciarwa warîo.