Danieli 7:8 - ÎVUKU RÎA ÛVORO MWARO

⁸ Na vîndî îrîa naaroretie mvîa cia nyamû îo, nînoonire karûvîa kanini keyumîria gatagatî ka mvîa icio ciîngî, na gagîkûûra mvîa icio ciîngî ithatû. Karûvîa kau kaarî na metho ta ma mûndû, na kanyua kaaragia na mwîtîîo.

Danieli 7:8 Referencias Cruzadas

Thaburi 12:3

Ngai-Mûnene ûrokiria mîromo îo înyûrûranagia, na ûkirie andû acio metîîaga,

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 7:19

“Nînaacokire ngîenda kûmenya nama ûvoro wîgiî nyamû ya kana, îo yarî ngûrani na nyamû icio ciîngî cionthe. Nyamû îo yarî mbaganu mûno, na nîyatamburûrangire nyamû icio ciîngî inuku na magego mayo ma cuuma na ngûnyû ciayo cia gîcango, na îgîkinyanga matigari ma cio na makinyo mayo.

2Ath 2:4

Ke nîakaaregana na kîndû wa kîonthe gîtagwa ngai, kana kîndû kîonthe andû magoocaga na enenevie mûno. Ke nîagekara hekarûrî ya Ngai na etue atî ke nîke Ngai.

2Tim 3:2

Nîûndû andû nîmagaatuîka eyendi, akorokeru mbeca, egani, arumani, andû matangîathîkîra aciari ao, andû matarî ngatho na matarî ndini.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.

Juda 1:16

Vîndî cionthe andû acio nîmanugunaga na makegwatia andû arîa engî. Nîmarûmagîrîra merirîria mao macûku. Nîmeganaga na makaveenereria andû arîa eengî nîguo megune o ene.

Kûguû 13:1

Nînaacokire ngîona nyamû îkiumîra îriarî. Nayo yarî na mvîa îkûmi na ciongo mûgwanja. Na wa rûvîarî rwayo kwarî na nthûmbî. Na wa kîongorî Kîamyo nîkwarî na rîîtwa rîa kûruma Ngai.

Kûguû 9:7

Ngige icio cionekaga ciîkariî ta mbarathi ciîvarîrîtie kûthiî mbaararî. Ciongorî ciacio ciarî na kîndû gîekariî ta nthûmbî ya thaavu. Namo mothiû ma cio moonekaga mekariî ta mothiû ma andû.

1Sam 2:3

Mûtigacoke kwaria na mwîtîîo rîngî. Tigani gwîtîîaga vîndî îrîa mûkwaria, nîûndû Ngai-Mûnene nîke Ngai ûrîa wicî maûndû, atucagîra andû onthe kûringana na ciîko ciao.