Danieli 7:4 - ÎVUKU RÎA ÛVORO MWARO

⁴ Ya mbere yekariî ta mûnyambû, na yarî na mathagu maîrî mekariî ta ma nderi. Wa ndoretie, mathagu mayo nî maagûkire na îgîûkîrua îkîrûngama ta mûndû; na îgîcoka îgîkîrwa meciria ta ma mûndû.

Danieli 7:4 Referencias Cruzadas

2Sam 1:23

“Saûlo na Jonathani marî mwoyo maarî a kwendeka na ega mûno, gûkua kana kûvona matiatigana; Maarî na îvenya gûkîra nderi, maarî na vinya gûkîra mînyambû.

Ayubu 25:6

mûndû nake nîndûî ûrîa wîgana kamumui, mûndû nîta kagunyû methorî ma Ngai!”

Thaburi 9:20

Tûma megue guoya, we Ngai-Mûnene; tûma andû a ndûrîrî mamenye atî, o nî andû.

Jeremia 25:38

Ngai-Mûnene nîatiganîrîtie andû ake, ta ûrîa mûnyambû ûtiganagîria ngurunga yaguo; vûrûri wao ûtuîkîte werû mûtheri, nîûndû wa mbaara ya arîa mavinyanagîrîria, na nîûndû wa marakara ma Ngai-Mûnene.

Jeremia 4:13

Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 48:40

Ngai-Mûnene arauga atîrî, “Taroria kûrî vûrûri ûgaûka na îvenya ûtharîkîre Moabu, ûgaûka wambîte mathagu ta nderi.

Jeremia 49:19

Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

Maca 4:19

Arîa maatûvinyûrîtie maarî na îvenya mûno, gûkîra ndiiû irî îgûrû, maavinyûranîrie natue irîmarî, na magîtwîthithîra werûrî.

Ezek 17:3

na ûmere nie Ngai-Mûnene mbugîte atî kwarî na nderi nene mûno yarî na mathagu manene. Mathagu maruo maarî na mbûî nyîngî ndaca cia rangi mwanya mwanya. Nderi îo nîyagûrûkire na îkîthiî kîrîmarî Kîam Lebanoni rûkîgwa îgûrû rîa mûtarakwe.

Ezek 28:2

“We mûndû, îra mûthamaki wa Turo ûrîa nie Ngai-Mûnene Ngai nîramwîra. Arî na mwîtîîo ngororî na arauga atî ke nî ngai na ekaragîra gîtî Kîam ûnene Kîam ngai gatagatî ka maria. Nwatî we wî mûndû nwa tîwe ngai wana ethîrwa wîyonaga ûrî na ûgî ta ngai.

Ezek 28:9

Nîûkaauga atî we wî ngai rîrîa ûkethîrwa ûrî mbere ya andû arîa magaûka gûkûraga? Wakinya njararî cia arîa magaaûka gûkûthiria nîûkaamenya atî we wî mûndû tu, nwatî ndûrî ngai.

Danieli 2:38

Nîagûtuîte Mwathi wa andû onthe arîa matûûraga gûkû nthî, nyamû cia kîthaka, na iconi cia rîerarî. We nîwe kîongo kîu Kîam thaavu.

Danieli 4:36

Narîkia gûcokerwa nî meciria makwa, nînagîre ngumo nene, wathani na riiri rîngî. Atongoria na athani a vûrûri wakwa nîmaaûkire kûnjaria na ngîcokua ûthamakirî wakwa rîngî, na ngîgîa vinya wa wathani wana gûkîra mbere.

Danieli 7:12

Nyamû icio ciîngî nîciacunirwe itî ciacio cia ûthamaki nwatî nîcietîkîrirue ithiî na mbere gûtûûra gwa kavinda kanini.

Danieli 7:5

“Nayo nyamû ya kaîrî yekariî ta Kîamthi nîyaumîrire na îkîrûgama na magûrû mayo ma vuva. Nyamû îo yanyitîte mbaru ithatû na magego. Nayo nîyerirwe atîrî, ‘Rîa nyama nyîngî wata ûrîa ûkavota.’

Mathaayo 24:28

Kûndû kûrîa kuonthe ciimba irî, nîkuo nderi igomanaga.

Gûco 28:49

Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.

Kûguû 13:2

Nyamû îo yonekaga îkariî ta gîtang'a. Nacio ithu ciayo ciekariî ta cia ngatûnyi, na kanyua ka yo gekariî ta ka mûnyambû. Nayo njûnamatu nîyavecanire vinya wayo, gîtî Kîamyo Kîam ûnene, na wathani mûnene wayo kûrî nyamû îo.