Danieli 7:21 - ÎVUKU RÎA ÛVORO MWARO

²¹ Wa ndoretie, rûvîa rûu nîrwarûire na andû a Ngai, na rûkîmavoota.

Danieli 7:21 Referencias Cruzadas

Danieli 11:31

Athigari amwe ake nî mageekîra hekarû na rûthingo rwayo mûgiro. Nî magaatigithia andû kûruta matega ma wa mûthenya, na macoke matûme hekarû îgîe mûgiro.

Danieli 12:7

Mûndû ûcio wekarîte mwena wa îgûrû wa rûnjî ekîrîte nguo mbaro, nîwaûkîrîrie njara ciake cioîrî na îgûrû. Nînaacokire ngîgua akîîvîta na rîîtwa rîa ûrîa ûtûûraga tene na tene akiuga atî, ‘Nî kavinda ka mîaka îthatû na nuthu. Vîndî îo andû arîa atheru a Ngai nîmagaatiga kûnyamarua na nîrîo maûndû monthe makethîrwa makîvinga.’

Danieli 7:20

Nînendire kûmenya ûvoro wa mvîa îkûmi irîa ciarî kîongorî Kîamyo na ûvoro wa rûvîa rûrîa rwîngî rwacokire kûmera na rûgîtûma mvîa icio ciîngî ithatû igûûke. Rûvîa rûu rwarî na metho na rwaragia na mwîtîîo, na nîruo rwonekaga rûrî rûnene gûkîra mvîa icio ciîngî.

Danieli 8:12

Ciûmbe cia îgûrû nîcianenganîrwe rungu rwa wathani wa karûvîa kau. Îthenyarî rîa magongoona marîa maarutagwa wa mûthenya, andû nîmambîrîrie gwîka maûndû macûku. Karûvîa kau nîgaacûkangirie ndini ya Ngai, na gagîtoorania maûndûrî monthe marîa geekaga.

Danieli 8:24

Ke nîakaagîa na vinya mûno. Nwatî tî ûvoti wake ke mwene. Nîagaacûkangia maûndû meengî na manene, na avootanage maûndûrî marîa ageekaga. Nîagaacûkangia andû arîa marî îgweta vamwe na andû a Ngai.

Danieli 8:9

Kuuma kûrî wa rûvîa rwa icio inya, nîvaaumîrire karûvîa kanini. Vinya wa wathani wa karûvîa kau wathiîre ûkîongererekaga na mwena wa îveti, mwena wa îrathîro, na kûthiî vûrûri wa Kîranîro.

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 17:6

Nanie nînoonire atî mûndûmûka ûcio aarî mûrîu nîûndû wa kûnyua nthakame ya andû arîa atheru a Ngai. Andû acio maaûragirwe nîûndû maarî evokeku kûrî Jesû. Rîrîa namwonire nînamakire mûno.

Kûguû 19:19

Nînacokire ngîona nyamû na athamaki a nthî na mbûtû ciao cia athigari a mbaara. Nao maagomanîte nîguo marûe na ûrîa wathiîte ekarîrîte mbarathi ya rangi njerû na mbûtû yake ya athigari a mbaara.