Danieli 6:12 - ÎVUKU RÎA ÛVORO MWARO

¹² Nao onthe nîmaathiîre kûrî mûthamaki na magîcuka Danieli atîrî, “Mûthamaki wetû, kinthî ndûrutire watho na wekîra kîrore, wauga atî îvinda rîa mîthenya mîrongo îthatû, mûndû ûrîa ûkaavoya ngai kana mûndû wîngî tiga we Mûthamaki wetû, nîkwa agaaikua îrimarî rîa mînyambû?” Mûthamaki nîwacokirie atîrî, “Nîguo kûrî, kûringana na watho wa Amede na Aperisia, ûrîa ûtangîgarûrwa.”

Danieli 6:12 Referencias Cruzadas

Esita 1:19

Mûthamaki, ethîrwa nîûkwona kwagîrîrîte athana vûrûri wonthe uge Vashiti ndagakinya mbere ya mûthamaki rîngî. Athana kwandîkwe mawathorî ma Perisia na Media nîguo watho ûyû ndûkagararwe. Nake Vashiti ndagacoke gûka varî we, we Ahasuerusi mûthamaki wetû. Naguo ûvoro wake wa gûtuîka mûka wa mûthamaki ûvewe mwîrîtu wîngî ûrîa mwaro kûmûkîra.

Danieli 6:15

Nwatî nthû cia Danieli nîciacokire kûrî Mûthamaki na ikîmwîra atîrî, “Mûthamaki wetû, menya atî kûringana na mawatho ma Amede na Aperizi, gûtirî, îtua kana watho ûvecanîtwe nî Mûthamaki ûngîgarûrwa.”

Danieli 6:8

Rîu mwathi wetû mûthamaki ruta watho na wandîkwe na ûwîkîre kîrore, nîguo ndûkagarûrwe. Watho ûyû ûkaarûmagîrîrwa nî andû a Mede na a Perisi, na ndûkaagarûrwa.”

Ciîko 16:19

Nwatî vîndî îrîa ene mwîrîtu ûcio maamenyire atî mwîrîgîrîro wao wa kûgîa na umithio nîwathira, nîmaanyitire Paûlo na Sailasi na makîmakururia makîmavira kûrî anene thokorî.

Ciîko 16:24

Na rîrîa mûrangîri ûcio wa njeera aamûkîîre watho ûcio, nîwamavingîre njeera ndaarî kûraca na akîoverera magûrû mao iting'ûûrî.