Danieli 5:2 - ÎVUKU RÎA ÛVORO MWARO

² Wa akînyunyaga ndivei, nîwathanire avirîrwe ikombe na mbakûri cia thaavu na cia sîlûva irîa îthe Nebukadinezarû aarutîte Jerusalemu hekarûrî ya Ngai-Mûnene. Mûthamaki etirie indo icio nîguo ke, aka ake, aka ake a kwigwa manyue ndivei nacio.

Danieli 5:2 Referencias Cruzadas

2Sam 9:7

Daudi nîwamwîrire atîrî, “Tiga gwîtigîra nîngûgwîka maûndû ma ntha nîûndû wa aguo Jonathani; na nîngûgûcokeria kîthaka kîonthe kîrîa Kîamrî Kîam ûmaguo Saûlo, na tûkaarîcanagîra nawe vingo cionthe.”

2Atha 24:13

Nîwacokire agîkuua indo cionthe irîa ciarî hekarûrî na îrîa ciarî nyombarî ya mûthamaki na akîivira Babuloni. Nebukadinezarû nîwacûkangirie indo cionthe cia thaavu irîa ciarî hekarûrî irîa Solomoni, mûthamaki wa Isiraeli aatumîte. Ûndû ûcio wekîkire wata ûrîa Ngai-Mûnene aaugîte.

2Atha 25:15

na magîkuua tûraî twa mwaki na mbakûri. Nebuzaradani nîwakuuire indo irîa ciarûthîtwe na sîlûva na thaavu.

2Maû 11:20

Nîwacokire akîvikia Maaka mwarî wa Abusalomu. Nîmagîre na anake ana: Abija, Atai, Ziza na Shelomithi.

2Maû 15:16

Mûthamaki Asa nîwathengutirie ng'ina Maaka gîtîrî Kîam ûnene Kîam mûndûmûka mûthamaki, nîûndû nîwarûthîte mûvuanano wa Ashera, ngai ya mûndûmûka. Asa nîwatemire mûvuanano ûcio wa Ashera na ûkîgwa, akîunanga tûcunjî na akîûvîvîria karûnjîrî ga Kidironi.

2Maû 36:10

Îvinda rîa mvevo rîa mwaka, mûthamaki Nebukadinezarû nîwatûmanire Jehoiakini agîrwe na avirwe Babuloni vamwe na indo cia goro cia hekarû. Nebukadinezarû nîwacokire agîtua Zedekia, mûrwang'ina na Jehoiakini mûthamaki wa Juda na Jerusalemu.

2Maû 36:18

Mûthamaki nîwakuire indo cionthe cia hekarû irîa ciarî nene na nini na mûthithû wa wayo, ûtonga wa mûthamaki na anene ake, cionthe akîivira Babuloni ake.

Ezira 5:14

Nîmaacokirie indo cia hekarû irîa ciathondeketwe na thaavu na sîlûva. Indo icio ciarî cia gûtûmîrwa hekarûrî, irîa mûthamaki Nebukadinezarû aarutîre hekarûrî ya Jerusalemu na akîthiî agîcigithia hekarûrî ya Babuloni. Mûthamaki Cairasi nîwainenganîre kûrî mûndû wetagwa Sheshibazaru, ûrîa ke aathuurire atuîke mûnene wa vûrûri wa Juda.

Jeremia 27:7

Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Jeremia 50:35

Ngai-Mûnene arauga atîrî, “Ûragani Akalidei, mûrage andû a Babuloni, na mûrage anene na andû a kuo arîa aûgî!

Jeremia 52:19

Nîmaakuire tûbakûri tûnini, ngîo cia gûkuua mwaki, mbakûri, nyûngû, vandû va kwigîrîrwa taa, mbakûri cia kûvîvîria ûbani na mbakûri cia magongoona ma gwîtûrûra ndivei. Mûnene wa arangîri nîwakuire indo irîa ciarî cia thaavu na sîlûva.

Danieli 1:2

Nake Mwathani nîwarekererie Jehoiakimu anyitwe nî Nebukadinezarû. Nebukadinezarû nîwocire indo imwe irîa ciarî hekarûrî ya Ngai. Mûthamaki Nebukadinezarû nîwacokire Babuloni vamwe na mîgwate na nîwaigire indo icio hekarûrî ya ngai ciake.

Danieli 5:11

Gûkû vûrûrirî ûyû wathanaga kûrî na mûndû ûrî na Roho wa ngai irîa ntheru. Kuuma vîndî îrîa aguo aarî mûthamaki, mûndûmûrûme ûyû nîwonanirie wara, ûtaûku na ûûgî mwîngî ta wa ngai. Aguo, mûthamaki Nebukadinezarû nîwamûtwire mûtongoria wa aragûri, arogi, aringi ciama na andû maarî na ûûgî wa njata.

Danieli 5:13

Kwoguo Danieli nîwavirirwe kûrî mûthamaki. Nake Mûthamaki nîwamûririe atîrî, “Nîwe Danieli ûmwe wa andû arîa maathamirue kuuma Juda, na ûkîretwe gûkû nî vava mûthamaki?

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Danieli 5:3

Kwoguo indo cia thaavu na sîlûva irîa ciarutîtwe hekarûrî, nyomba ya Ngai îrîa yarî Jerusalemu nîciavirirwe, na andû onthe arîa maarî kûu kîrugorî makînyua ndivei nacio.

Danieli 5:30

Ûtukû wa mûthenya ûcio, Belishazaru, mûthamaki wa Babuloni nîwaûragirwe,

Danieli 5:4

Maanyuire ndivei magîkumagia ngai irîa ciarûthîtwe na thaavu, sîlûva, gîcango, cuuma, mîtî na mathiga.

Ndari 7:79

Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda.