Danieli 4:9 - ÎVUKU RÎA ÛVORO MWARO

⁹ Beliteshazaru, mûnene wa aringi ciama, nie nîmbicî atî wîthagîrwa ûrî na roho kuuma kûrî ngai irîa ntheru na gûtirî nthitho ûtaicî; rîu ta ndaûrîra kîoneki kîrîa nonire na njîra ya kîroto.

Danieli 4:9 Referencias Cruzadas

Kîam 41:38

na akîra ndungata icio atîrî, “Nwatwone mûndû wîngî mwaro ta ûyû ûrî na Roho wa Ngai ndaarî yake?”

Isaia 33:18

Mûkaririkanaga maûndû ma tene mûrî na guoya, mûkaûria atîrî, “Arîa maaûnganagia na magîtaraga gooti marî kû? Arîa maataraga nyomba cietû irîa ndaca na îgûrû marî kû?”

Isaia 54:14

Nîûkeevanda ûvororî wa ûthingu. Ndûkaavinyîrîrua rîngî na ndûkegua guoya; na ndûkaamaka nîûndû kîmako gîtikaagûkuvîvîria.

Ezek 17:23

Ngaakavanda vandû îgûrû kîrîmarî kîrîa kîraca mûno gîa Isiraeli. Nîgagaakûra kagîe na mvûa, kagîe na maciaro na gatuîke mûtarakwe mwaro. Nyamû cia mîthemba yonthe nîigaatûûraga rungu rwa mwîgunyî wa guo, na iconi cionthe nîigaatuma ciomba ciacio mvûarî cia mûtarakwe ûcio.

Ezek 28:3

Nîma wîtucaga atî ûrî mûûgî gûkîra Danieli na gûtirî ûndû wa nthitho ûtaicî.

Danieli 1:20

Maûndûrî monthe megiî ûûgî na ûtaûki marîa mûthamaki angîendire kûmenya kuumana nao, nîwonire marî aro maita meengî mûno gûkîra aragûri kana aringi mbûgû, arîa maarî kûrîa kuonthe aathanaga.

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Danieli 2:48

Mûthamaki nîwacokire agîtua Danieli mûnene na akîmûva iveo nyîngî, na akîmûtua mûndû wa kwatha vûrûri wonthe wa Babuloni wana akîmûtua mûrûngamîrîri wa andû onthe arîa maataaraga mûthamaki.

Danieli 4:18

Gîkî nîkîo kîroto gîakwa, nie Mûthamaki Nebukadinezarû. Rîu, we Beliteshazaru, ndaûrîra kîroto gîkî, nîûndû arûme onthe arîa marî na ûûgî ûthamakirî wakwa nîmaaremirwe nî kûndaûrîra kîo, nwatî we nîûkûvota nîûndû roho wa ngai irîa ntheru arî vamwe nawe.

Danieli 4:5

nînarotire kîroto Kîammbîgwithirie guoya; na nîrî ûrîrî, nînonire cioneki ciamakirie mûno.

Danieli 4:8

Nwatî vîndî wa îo Danieli nîwatonyire mbere yakwa, (ûrîa na rîîtwa rîngî etagwa Baliteshazaru, rîîtwa rîa ngai yakwa. Ke aarî na roho kuuma kûrî ngai irîa ntheru) na nînaamwîrire kîroto gîakwa atîrî,

Danieli 5:11

Gûkû vûrûrirî ûyû wathanaga kûrî na mûndû ûrî na Roho wa ngai irîa ntheru. Kuuma vîndî îrîa aguo aarî mûthamaki, mûndûmûrûme ûyû nîwonanirie wara, ûtaûku na ûûgî mwîngî ta wa ngai. Aguo, mûthamaki Nebukadinezarû nîwamûtwire mûtongoria wa aragûri, arogi, aringi ciama na andû maarî na ûûgî wa njata.

1Sam 4:8

Na kaî tue tûrî arume-î! Nî ûrîkû ûngîtûvonokia kuuma kûrî ngai icio irî vinya ûguo? Nacio ngai icio nîcio ciaûragîîre Amisiri werûrî na mîrimû ya mîthemba yonthe!