Danieli 3:1 - ÎVUKU RÎA ÛVORO MWARO

¹ Mûthamaki Nebukadinezarû nîwarûthithirie mûvuanano wa thaavu wa mita mîrongo îîrî na mûgwanja na îgûrû na wariî wa mita ithatû. Nîwaugire wigwe Dura, kûndû kûrîa kwaraganu vûrûrirî wa Babuloni.

Danieli 3:1 Referencias Cruzadas

1Atha 12:28

Kwoguo mûthamaki nîwaûririe ûtaaro na akîrûtha mîvuanano îîrî ya tûcaû twa thaavu na akîra andû ake atîrî, “Nîmûthiîte Jerusalemu kûgoocera kuo îvinda îraca. Mue andû a Isiraeli, ino nîcio ngai cienyu irîa ciamûrutire Misiri!”

Esita 1:1

Ahasuerusi aarî mûthamaki wa vûrûri ûrîa waumîte India nginya Ethiopia îvinda rîa mîaka îgana rîa mîrongo îîrî na mûgwanja (127).

Thaburi 135:15

Mîvuanano ya ngai cia mavûrûri irûthîtwe na sîlûva na thaavu, irûthîtwe na njara cia andû.

Ntha 20:23

Mûtikanerûthîre ngai cia mîvuanano cia sîlûva, kana cia thaavu cia kûgoocanagîrua nanie.

Ntha 32:31

Nake Musa nîwacokire kîrîmarî kûrî Ngai-Mûnene na akîmwîra atîrî, “Andû aya nîmekîte mevia manene mûno. Nîmerûthîrîte ngai ya thaavu na nîmamîgoocete.

Isaia 2:20

Mûthenya ûcio, andû nîmagaaikîria mbuko na mvuvu, mîvuanano yao ya sîlûva na ya thaavu, îrîa meerûthîre nîguo mamîgoocage.

Isaia 30:22

Nîmûgaacoka mûcûkangie mîvuanano yenyu ya gwacwa îrîa îvakîtwe sîlûva na mîvuanano yenyu îrîa îvakîtwe thaavu. Nîmûkaainyagia ta indo irî gîko, mûkiugaga atîrî, “Iroûra!”

Isaia 46:6

Andû arîa metûrûraga thaavu kuuma mîvukorî yao, makîthimaga sîlûva na ithimi ciao, mandîkaga mûturi wa thaavu, nake akathondeka mûvuanano wa ngai yao; nao macokaga makamîturîria maru makamîgooca!

Jeremia 10:9

Mîvuanano yao îgemetue na sîlûva kuuma Tarishishi, na thaavu kuuma Ofiri, îrûthîtwe nî andû marî na wara, wa kûrûtha indo na mbaû na aturi a thaavu, îcokete îgekîrwa itambaa cia rangi wa vururu na wa njambarawe, îtumîtwe nî andû marî na wara.

Jeremia 16:20

Mûndû nwa avote kwîrûthîra ngai? Icio tî ngai cia ma!”

Danieli 2:48

Mûthamaki nîwacokire agîtua Danieli mûnene na akîmûva iveo nyîngî, na akîmûtua mûndû wa kwatha vûrûri wonthe wa Babuloni wana akîmûtua mûrûngamîrîri wa andû onthe arîa maataaraga mûthamaki.

Danieli 2:49

Danieli nîwaûririe mûthamaki amûthuurîre Shadiraka Mîsheki na Abendinego, matuîke a kûrûngamagîrîra maûndû monthe ma vûrûri wa Babuloni. Nwatî Danieli ekarire kûu kwa mûthamaki.

Danieli 3:14

Nake nîwamerire atîrî, “Nî ûvoro wa ma atî, mue Shadiraka, Mîsheki na Abendinego, nîmûregete kûgooca ngai ciakwa na kwînamîrîra mûvuanano wa thaavu ûrîa naarûthithirie?

Danieli 3:30

Mûthamaki Nebukadinezarû nîwacokire akîva Shadiraka, Mîsheki na Abendinego wîra mûnene kûu vûrûrirî wa Babuloni.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Danieli 5:4

Maanyuire ndivei magîkumagia ngai irîa ciarûthîtwe na thaavu, sîlûva, gîcango, cuuma, mîtî na mathiga.

Hosea 2:8

Ke ndamenya atî nînie namûveere irio ndivei na maguta, na ngîmûva sîlûva na thaavu na wîngî, irîa ategeere Baali.

Hosea 8:4

Andû akwa nîmeethuurîre mûthamaki ndamavete rûtha, nîmeethuurîre atongoria arîa nie ndaicî. Nîmeerûthîrîte ngai cia sîlûva na cia thaavu, ûndû ûyû nîguo ûkamûthiria.

Habakuku 2:19

Kaî ûrî na thîna-î! We wîraga mûtî gîting'û atîrî: “Ûkîra!” Kana îthiga rîtaragia, “Rûngama.” Mûvuanano nwa ûkûthomithie ûndû? Mûvuanano nwa wîthîrwe ûkunîkîtwe na thaavu na sîlûva, nwatî ndûrî na mwoyo wanarî vanini.

Ciîko 17:29

Na nîûndû tue tûrî ciana cia Ngai, tûtiagîrîrwe nîgwîciria atî Ngai nî kîndû andû meciragîria kana mathondekaga kuumana na thaavu, sîlûva kana îthiga.

Ciîko 19:26

Rîu mue nîmûreyonera na mûkeîguîra maûndû marîa Paûlo areka. Ke augaga atî ngai cia mîvuanano irîa ithondeketwe na njara cia andû tî ngai cia ma. Ke nîarîkîtie kwîgwithia na akagarûra andû eengî arîa marî gûkû Efeso na arîa marî Asia vakuvî yonthe.

Gûco 7:25

Nîmûkaavîvia mîvuanano ya kumua ya ngai ciao. Mûtigacumîkîre sîlûva kana thaavu ciao kana mûcioce ituîke cienyu nîûndû nî mûgiro kûrî Ngai-Mûnene.

Kûguû 9:20

Nao andû acio engî mataakua na njîra ya mathîna mau mathatû, matiatigana na maûndû marîa o ene meethondekerete. Matiatiga kûgooca ndaimono, kana mîvuanano ya thaavu, ya sîlûva, gîcango, kana mathiga na mîtî. Mîvuanano îo ndîavotaga kwona, kwîgua kana kûthiî na magûrû.