Danieli 2:6 - ÎVUKU RÎA ÛVORO MWARO

⁶ Nwatî ethîrwa nî mûkûmbîra kîroto kîu na mûndaûrîre kîo, nîngaamûva iveo mbaro, na nîmûve gîtîîo kînene. Rîu ta mbîrani kîroto kîu na mûndaûrîre kîo.”

Danieli 2:6 Referencias Cruzadas

Danieli 2:48

Mûthamaki nîwacokire agîtua Danieli mûnene na akîmûva iveo nyîngî, na akîmûtua mûndû wa kwatha vûrûri wonthe wa Babuloni wana akîmûtua mûrûngamîrîri wa andû onthe arîa maataaraga mûthamaki.

Danieli 5:29

Na wa rîmwe Belishazaru nîwathanire Danieli ekîrwe nguo ya ûthamaki ya rangi wa njambarawe, na ekîrwe mûkathî wa thaavu ngingo. Nîwacokire akîanîrîra, atî Danieli nîke mûtongoria wa kathatû ngathîrî ya wathani.

Danieli 5:7

Nîwanîrîre na mûgambo mûnene akiuga aringi ciama, aragûri na andû arîa maarî na ûûgî wa njata mavirwe gwake. Rîrîa maakinyire, mûthamaki nîwamerire atîrî, “Mûndû ûrîa ûkûthoma mandîko mama, na ambîre ûrîa maugîte, nîagwîkîrwa nguo cia njambarawe, na acurue mûkathî wa thaavu ngingorî yake na ethîrwe arî wa kathatû ngathîrî ya wathani wa vûrûri.”

Ndari 22:17

Nîngûgwîka ûndû ûrî na gîtîîo kînene, na ûndû wa wonthe ûkambîra mbîke nie nîngeka. Nakûthaitha ûka ûrume andû aya.”

Ndari 22:37

Balaki nîwaûririe Balaamu atîrî, “Nîndûî kîgiririe ûûke nagûtûmanîra riita rîa mbere? Nîkwa wîciririe ndirî na kîndû nîngîkûva?”

Ndari 22:7

Kwoguo atongoria a Moabu na a Midiani nîmaaumire makîthiî kûrî Balaamu makuîte îrîvi rîa kûragûrîrwa. Makinya nîmaaveere Balaamu ndûmîrîri ya Balaki.

Ndari 24:11

Rîu, thiî wînûke! Nînakwîrîrîte iveo nyîngî, nwatî ndwarî wendi wa Ngai-Mûnene ûgîe na iveo icio.”