Danieli 2:11 - ÎVUKU RÎA ÛVORO MWARO

¹¹ Maûndû marîa we Mûthamaki wetû ûraûria nî maûmû mûno na gûtirî mûndû ûngîkwîra mo tiga ngai irîa itatûûranagia na andû.”

Danieli 2:11 Referencias Cruzadas

Kîam 41:39

Kwoguo mûthamaki nîwerire Josefu atîrî, “Nîûndû Ngai nîakwonetie maûndû mama monthe, gûtirî mûndû wîngî ûngîthîrwa arî na ûmenyo na ûûgî tawe.

Kîam 41:8

Kîraûko, mûthamaki aarî mûtangîku mûno ngororî yake. Kwoguo nîwatûmanîre aringi ciama onthe na andû onthe aûgî a vûrûri wa Misiri. Mûthamaki nîwamerire iroto irîa aarotete, nwatî gûtirî mûndû wavotire gûitaûra.

1Atha 8:27

“Nwatî we Ngai nama nwa ûtûûre gûkû nthî? Taroria, kûu îgûrû wana îgûrû mûno ndûngîganîra; ûngîganîra hekarûrî îno ngûtumîrîte atîa?

2Maû 6:18

“Nwatî we Ngai, nama nwa ûtûûre gûkû nthî na andû? Taroria, îgûrû, wana îgûrû mûno matuurî ndûngîganîra kuo, kwoguo ûngîvota kwîganîra atîa hekarû îno ndumîte?

Thaburi 132:14

“Îno nîyo nyomba yakwa îrîa ngûtûûra tene na tene; nîndûûra gûkû nîûndû nînîkwendete.

Thaburi 68:18

Nîaunûkia îgûrû rîa kîrîma arî na mîgwate mîîngî; nîakwamûkîra iveo kuuma kûrî andû arîa maareganire nake, Ngai-Mûnene, Ngai agaatûûra kûu.

Ntha 29:45

Nîngaatûûra gatagatîrî ka andû a Isiraeli na nduîke Ngai wao.

Ntha 8:19

Nao andû acio maaringaga ciama a Misiri nîmeerire mûthamaki atîrî, “Nî Ngai wîkîte ûndû ûyû.” Na wata ûrîa Ngai-Mûnene aaugîte, mûthamaki nîwatuîkire mûmû ngoro na akîrega kûthikîrîria Musa na Aroni.

Isaia 47:12

Îkara wîvokete ûgo na ûrogi waku mwîngî, indo irîa ûtwîre ûtûmagîra kuuma rîrîa warî mûnini. Ciavota gûgûtethia, ciavota gûtûma andû metigîre.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 8:18

Nie vamwe na ciana irîa Ngai-Mûnene amvete nî kîonereria na rûûri kûrî andû a Isiraeli kuuma kûrî Ngai-Mûnene, mwene vinya wonthe ûrîa ûtûûraga Kîrîmarî gîa Zayuni.

Danieli 4:4

“Rîrîa naarî gwakwa mûciî mbîganîrîte na nîrî na gîkeno nyombarî yakwa ya ûthamaki,

Danieli 5:11

Gûkû vûrûrirî ûyû wathanaga kûrî na mûndû ûrî na Roho wa ngai irîa ntheru. Kuuma vîndî îrîa aguo aarî mûthamaki, mûndûmûrûme ûyû nîwonanirie wara, ûtaûku na ûûgî mwîngî ta wa ngai. Aguo, mûthamaki Nebukadinezarû nîwamûtwire mûtongoria wa aragûri, arogi, aringi ciama na andû maarî na ûûgî wa njata.

Joeli 3:21

Nîngarîvîrîria andû a Juda, na ndigaatigana na arîa marî na mavîtia. Nie Ngai-Mûnene mbîkaraga Zayuni.

Ndari 35:34

Mûtigatûme vûrûri ûrîa mûtûûraga ûgîe gîko kûrîa wananie ndûûraga, nîûndû Nie Ngai-Mûnene ndûûranagia na andû a Isiraeli.”

Mathaayo 19:26

Nake Jesû nîwamaroririe na akîmeera atîrî, “Ûndû ta ûyû ndûngîvoteka nî andû, nwatî maûndû monthe nîmavotekaga nî Ngai.”

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 14:17

Ke nîke Roho ûrîa wonagia andû ûvoro wa ma. Andû a gûkû nthî matingîmwamûkîra, nîûndû matimwonaga wana kana mamûmenye. Nwatî mue nîmûmwîcî nîûndû atûûranagia namue na arî ndaarî yenyu.

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Kûguû 21:3

Nînegwire mûgambo mûnene ûkîaria kuuma gîtîrî Kîam ûthamaki ûkiuga atîrî: “Taroria, rîu mûciî wa Ngai ûrî vamwe na andû! Ke nîagaatûûrania nao, nao nîmagaatuîka andû ake. Ngai ke mwene agaatûûranagia nao, arî Ngai wao.