Danieli 12:8 - ÎVUKU RÎA ÛVORO MWARO

⁸ “Nînegwire ûrîa augire, nwatî ndiataûkîrwa. Kwoguo nînaûririe atîrî, ‘Ngai-Mûnene gûkethîrwa gwîkariî atîa?’

Danieli 12:8 Referencias Cruzadas

Danieli 10:14

Nie naûka gûgûtethia gûtaûkîrwa nî maûndû marîa mageekîka kûrî andû aku mavinda marîa magaaûka. Nîûndû kîoneki gîkî nîkîa mavinda marîa magaaûka.”

Danieli 12:6

Nînaûririe ûcio warûngamîte mwena wa îgûrû wa rûnjî, ekîrîte nguo mbaro, kavinda karîa maûndû mama ma kûmakania magwîkara magîkaathira.

Danieli 12:7

Mûndû ûcio wekarîte mwena wa îgûrû wa rûnjî ekîrîte nguo mbaro, nîwaûkîrîrie njara ciake cioîrî na îgûrû. Nînaacokire ngîgua akîîvîta na rîîtwa rîa ûrîa ûtûûraga tene na tene akiuga atî, ‘Nî kavinda ka mîaka îthatû na nuthu. Vîndî îo andû arîa atheru a Ngai nîmagaatiga kûnyamarua na nîrîo maûndû monthe makethîrwa makîvinga.’

Danieli 12:9

“Nake nîwanjokerie atîrî, ‘Danieli, ûthiî rîu, nîûndû nwanginya maûndû mama methîrwe marî nthitho nginya îvinda rîa mûthiia rîkinye.

Danieli 8:13

Nînacokire ngîgua ûrîa mûtheru akîaria, nake wîngî mûtheru akîmûcokeria atîrî, ‘Maûndû mau monekete na njîra ya kîoneki gîkî mageekîka kavinda kegana atîa? Maûndû marîa macûku nîmatûûra mekagwa kavinda kegana atîa vandûrî va magongoona ma wa mûthenya? Mbûtû ya îgûrû na hekarû nîitûûra ikinyangagwa nginya rî?’

Luka 18:34

Nwatî arutwa matiataûkîrwa nî maûndû mau. Maûndû marîa Jesû aaugaga maarî na nthitho, kwoguo matiamenya ûrîa aaugaga.

Johana 12:16

Nao arutwa ake matiataûkîrwa nî maûndû vîndî îo, nwatî rîrîa Jesû aarîkirie kûgîa na riiri nîmaaririkanire atî mandîko matheru nîmaugîte nîagekwa maûndû mama.

Ciîko 1:7

Nake Jesû nîwamerire atîrî, “Tî ûvoro wenyu kûmenya ciathî na mavinda irîa Vava atuîte ke mwene na wathani wake.

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.