Danieli 12:7 - ÎVUKU RÎA ÛVORO MWARO

⁷ Mûndû ûcio wekarîte mwena wa îgûrû wa rûnjî ekîrîte nguo mbaro, nîwaûkîrîrie njara ciake cioîrî na îgûrû. Nînaacokire ngîgua akîîvîta na rîîtwa rîa ûrîa ûtûûraga tene na tene akiuga atî, ‘Nî kavinda ka mîaka îthatû na nuthu. Vîndî îo andû arîa atheru a Ngai nîmagaatiga kûnyamarua na nîrîo maûndû monthe makethîrwa makîvinga.’

Danieli 12:7 Referencias Cruzadas

Ayubu 27:2

Nîrevîta na Ngai ûrîa ûtûûraga mwoyo na ûrîa ûnyimîte kîvooto, na Ngai mwene vinya wonthe ûrîa ûtûmîte mbîthîrwa na ruuo ngoro!

Isaia 62:12

Andû acio nîo mageetagwa, “Andû arîa atheru, arîa mavonoketue nî Ngai-Mûnene.” Nawe Jerusalemu ûgeetagwa, “Îtûûra rîrîa Ngai endete,” nwatî tî “Îtûûra rîrîa rîtiganîrie.”

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Ezek 20:5

Meere Ngai-Mûnene augîte atî, mûthenya ûrîa nie naathuurire andû a Isiraeli nîneranîre na mwîvîtwa kûrî njiarwa cia Jakovu na ngîîmenyithania kûrî o marî vûrûrirî wa Misiri. Nevîtire kûrî o ngiuga atî nie nînie Ngai-Mûnene Ngai wenyu.

Danieli 10:5

nînaroririe îgûrû na ngîona mûndû wekîrîte nguo mbaro, na weyovete mûcivi wa thaavu ntheri.

Danieli 11:13

“Mûthamaki wa Sîria nî agaacoka avarîrîrie gîkundi kînene Kîam athigari gûkîra kîrîa Kîam mbere. Nwatî vuva wa mîaka mîîngî, nî agaacoka arî na athigari marî na indo nyîngî cia mbaara.

Danieli 12:6

Nînaûririe ûcio warûngamîte mwena wa îgûrû wa rûnjî, ekîrîte nguo mbaro, kavinda karîa maûndû mama ma kûmakania magwîkara magîkaathira.

Danieli 12:8

“Nînegwire ûrîa augire, nwatî ndiataûkîrwa. Kwoguo nînaûririe atîrî, ‘Ngai-Mûnene gûkethîrwa gwîkariî atîa?’

Danieli 4:31

Mbere ya mûthamaki arîkia ûrîa aaragia, mûgambo nîwaumire îgûrû ûkiuga atîrî, “Mûthamaki Nebukadinezarû, tathikîrîria ûrîa ngûkwîra! Rîu nînathengutia ûthamaki kûrî we.

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Danieli 7:21

Wa ndoretie, rûvîa rûu nîrwarûire na andû a Ngai, na rûkîmavoota.

Danieli 7:25

Ke nîakaaria maûndû macûku megiî Ngai Ûrîa Mûnene na avinyîrîrie andû a Ngai. Nîakaagarûra mawatho mao na irugo ciao, na andû acio nîmakaathwa nîke îvinda rîa mîaka îthatû na nuthu.

Danieli 8:14

Nake ûrîa mûtheru wa mbere nîwacokirie atîrî, ‘Magongoona ma wa mûthenya nîmatûûra matakûrutwa kavinda ka ivwaî na iraûko ngiri igîrî na magana mathatû (2,300). Kavinda kau kathira, hekarû ya Ngai-Mûnene nîgaacokua ûrîa yatûûraga.’

Danieli 8:24

Ke nîakaagîa na vinya mûno. Nwatî tî ûvoti wake ke mwene. Nîagaacûkangia maûndû meengî na manene, na avootanage maûndûrî marîa ageekaga. Nîagaacûkangia andû arîa marî îgweta vamwe na andû a Ngai.

Luka 21:14

Tuani ciira mbere na mûtigetange mûgîîciria ûrîa mûgacokia mûgîcirithua.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Gûco 26:19

Nake nîakaamûtua rûrîrî rûnene gûkîra ndûrîrî cionthe irîa aaûmbire. Nao andû arîa engî onthe nîmakaamûvecaga gîtîîo na nî mûkethîrwa mûrî andû a Ngai-Mûnene, Ngai wenyu kîûmbe.”

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

Gûco 32:40

Wata ûrîa Nie nîrî Ngai ûrîa ûtûûraga mwoyo, nîngûkîrîria njara nîîvîte atî,

Gûco 7:6

Mue mûrî rûrîrî rûtheru rwa Ngai-Mûnene, Ngai wenyu. Ngai-Mûnene, Ngai wenyu aamûthuurire gatagatîrî ka andû onthe a nthî mûtuîke andû ake kîûmbe.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

Kûguû 12:14

Nwatî mûndûmûka ûcio nîwaverwe mathagu maîrî ma nderi nene, nîguo avote kûgûrûka athiî vandû varîa aathondekeretwe werûrî. Kûu nîkuo akaamenyererwa kwa îvinda rîa mîaka îthatû na nuthu, na agitîrwe kuumana na njûnamatu.

Kûguû 12:6

Nake mûndûmûka ûcio nîwaûrire na akîthiî werûrî. Kûu nîkuo Ngai aamûthondekerete vandû nîguo ekare akîmenyagîrîrwa vandû va mîthenya ngiri îmwe na magana maîrî ma mîrongo îtandatû (1,260).

Kûguû 13:5

Nayo nyamû nîyavotithirue kwaria ciugo cia gwîtîîa na cia kûruma Ngai. Nîyacokire îkîvewa ûvoti wa kwathana vandû va mîeri mîrongo îna na îîrî.

Kûguû 4:10

athuuri arîa mîrongo îîrî na ana nîmegwîthagia nthî mbere ya ûcio wîkarîrîte gîtî Kîam ûthamaki na makagooca ûcio ûtûûraga tene na tene. Nao nîmaigaga nthûmbî ciao nthî vau mbere ya gîtî kîu Kîam ûthamaki na makauga atîrî:

Kûguû 4:9

Ciûmbe icio inya irî mwoyo nîcinaga nyîmbo cia kûvecana riiri, gîtîîo na ngatho kûrî ûrîa wîkarîrîte gîtî Kîam ûthamaki, na ûtûûraga tene na tene. Na rîrîa rîonthe igwîka ûguo,