Danieli 12:6 - ÎVUKU RÎA ÛVORO MWARO

⁶ Nînaûririe ûcio warûngamîte mwena wa îgûrû wa rûnjî, ekîrîte nguo mbaro, kavinda karîa maûndû mama ma kûmakania magwîkara magîkaathira.

Danieli 12:6 Referencias Cruzadas

Thaburi 74:9

Marûûri metû monthe marîa matheru nî mathiru; gûtirî mûrathi wanarî ûmwe mûtigaru, na gûtirî mûndû wanarî ûmwe gatagatîrî getû wicî nîgwîkara ûguo nginya rî.

Ezek 9:2

Wa rîmwe nîgwaûkire andû atandatû maumîte mwena wa kîvingo Kîam îgûrû kîrîa kîroretie mwena wa rûgûrû. Wa mûndû nîwanyitîte indo ciake cia mbaara. Maarî na mûndû wekîrîte nguo mbaro arî na kîndû gîa kwandîka. Nîmaatonyire hekarûrî na makîrûngama vakuvî na metha ya kîgongoona ya gîcango.

Danieli 12:5

“Nwatî nie, Danieli nînaroririe ngîona andû aîrî marûngamîte rûtere rwa rûnjî, ûmwe arî mwena ûmwe nake ûcio wîngî, mwena ûcio wîngî.

Danieli 12:8

“Nînegwire ûrîa augire, nwatî ndiataûkîrwa. Kwoguo nînaûririe atîrî, ‘Ngai-Mûnene gûkethîrwa gwîkariî atîa?’

Danieli 8:13

Nînacokire ngîgua ûrîa mûtheru akîaria, nake wîngî mûtheru akîmûcokeria atîrî, ‘Maûndû mau monekete na njîra ya kîoneki gîkî mageekîka kavinda kegana atîa? Maûndû marîa macûku nîmatûûra mekagwa kavinda kegana atîa vandûrî va magongoona ma wa mûthenya? Mbûtû ya îgûrû na hekarû nîitûûra ikinyangagwa nginya rî?’

Danieli 8:16

Nînegwire mûgambo wa mûndûmûrûme wetana kuuma ndeererî cia rûnjî rwa Ulai ûkiuga atîrî, ‘Gaburieli, taûrîra mûndûmûrûme ûyû kîoneki kîrîa wonire.’

Mathaayo 24:3

Vîndî îrîa Jesû eekarîte nthî kîrîmarî Kîam mîtî ya mîtamaiyû îrîa îciaraga matunda, arutwa ake nîmaathiîre kûrî ke marî oonga na makîmwîra atîrî, “Ta twîre atîrî, maûndû mama monthe mageekîka rî, na nîndûî gîgaatwonia atî îvinda rîa gûka gwaku na rîa îthirîro rîa nthî nîrîkinyu.”

Maariko 13:4

“Ta twîre atîrî, maûndû mama mageekîka rî, na nî ndûî gîgaatwonia atî îvinda rîu nîrîkinyu rîrîa maûndû mama monthe makaavinga.”

Aefeso 3:10

Na nîguo rîu na njîra ya kanitha athani na maavinya ma îgûrû mamenyithue ûrîa Ngai arî mûûgî maûndûrî monthe.

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.

Kûguû 15:6

Nao araika mûgwanja arîa maarî na ûvoti wa gûtûma nthî îgîe na mavera mûgwanja, nîmaaumire kûu hekarûrî. Araika acio meekîrîte nguo ntheru ciakengaga na ciarî na mîcivi ya rangi wa thaavu yovetwe ithûrirî ciao.

Kûguû 19:14

Nayo mbûtû ya athigari a îgûrû nîmaamûrûmîrîre mekarîrîte mbarathi cia rangi njerû, na mekîrîte nguo cia hariri ntheru cia rangi njerû.

Kûguû 6:10

Nayo mîoyo îo nîyaugîrîrie na mûgambo mûnene atîrî; “Mwathani mwene vinya wonthe, Mûtheru na wa ma! Nîwîkara nginya rî ûtarî mûtuîru na ûkaverithia andû a nthî nîûndû wa gûtûûraga?”