Danieli 11:4 - ÎVUKU RÎA ÛVORO MWARO

⁴ Rîrîa akamaarîra wathanirî wake, vûrûri waku nîûgaatûkana na wîgaanie icunjî inya. Andû matarî a rûciaro rwake nîmagaatuîka athamaki vandûrî vake, nwatî matikethîrwa marî na ûvoti take.

Danieli 11:4 Referencias Cruzadas

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Mûvunjia 4:8

Nînoonire mûndû ûtarî ciana kana andû ao, nwatî ndatigaga kûruta wîra na ndeganagîra na ûtonga ûrîa arî naguo. Ndakiraga eyûria arutagîra û wîra na vinya ûguo na akeima ikeno. Ûcio wanaguo nî wîra wa mana na ûtûûro ûtarî gîkeno.

Jeremia 12:15

Narîkia kûmakûûra nîngameguîra ntha rîngî, na nîmacokie wa mûndû vûrûrirî wake kûrîa aagaîrwe.

Jeremia 12:17

Nwatî ethîrwa kûrî vûrûri ûtakanthikîrîria nîngaûkûûra viû na nîûcûkangie. Ûguo nîguo nie Ngai-Mûnene nîrauga.”

Jeremia 18:7

Vîndî îrîa nîngîkauga ûndû wîgiî vûrûri kana ûthamaki atî nîngaûkûûra, nîunange na nîûcûkangie viû,

Jeremia 31:40

Nakîo Kîamnda kîonthe kûrîa ciimba ithikagwa na gûtecagwa mûu na mûgûnda wonthe kuuma karûnjîrî ga Kidironi nginya mûthiiarî wa kîvingo Kîam mbarathi kîrîa kîrî mwena wa îrathîro nîgûkaamûrîrwa Ngai-Mûnene. Îtûûra rîu rîtigacoka kwanangwa kana kwomomorwa rîngî tene na tene.”

Jeremia 45:4

Nwatî Ngai-Mûnene ambîrîte ngwîre atîrî, “Taroria, kîrîa ndumîte nînîromomora, na kîrîa mvandîte nînîrakûûra. Nîmbîka ûguo nthî yonthe.

Jeremia 49:36

Nîngarekereria rûkûngi kuuma mîena îna ya nthî rûthiî vûrûrirî wa Elamu, na nyaganie andû a kuo mathiî mîena yonthe na nîmagecûra mavûrûrirî monthe.

Ezek 37:9

Ngai nîwacokire akîmbîra atîrî, “We mûndû, rathîra rûvuvo kuuma mîena îrîa îna na ûrwîre Mwathani Ngai-Mûnene augîte rûvurutane nîguo rûtonye kûrî mîîrî îno yaûragirwe nîguo îgîe mwoyo.”

Danieli 7:2

Aandîkire atîrî, “Ûtukû nîmonire kîoneki Kîam ngûngi inya ikîvurutana îgûrû rîa îria rîrîa rînene na ikîriunjuga.

Danieli 7:6

“Na wandoretie, nînoonire nyamû îngî. Nayo yekariî ta gîtang'a na yarî na mathagu mana mekariî ta ma gîconi mûrukuthurî wayo. Nyamû îo yarî na ciongo inya, na nîyaverwe wathani îgûrû rîa icio ciîngî.

Danieli 7:8

Na vîndî îrîa naaroretie mvîa cia nyamû îo, nînoonire karûvîa kanini keyumîria gatagatî ka mvîa icio ciîngî, na gagîkûûra mvîa icio ciîngî ithatû. Karûvîa kau kaarî na metho ta ma mûndû, na kanyua kaaragia na mwîtîîo.

Danieli 8:22

Mvîa inya irîa ciaumire rûvîa rwa mbere rwaunîka, cionanagia, atî ûthamaki wa mbere nîûkaagaûkana na vûrûri ûcio ûgîe na mothamaki mana, nwatî mothamaki mau mana matikethîrwa marî na vinya ta ûthamaki wa mbere.

Danieli 8:8

“Nthenge nîyetîire mûno makîria. Nwatî vîndî îrîa yegucaga îrî na vinya mûno, rûvîa rwayo rûrîa rwarî rûnene nîrwaunîkire na vandûrî va ruo, mvîa ciîngî inya ciarî na vinya nîciaumîrire, wa rûvîa rûroretie mwene wa ruo.

Zakaria 2:6

Ngai-Mûnene arera andû ake atîrî, “Ûkani! Umani kûu vûrûrirî wa mwena wa rûgûrû, kûrîa namûnyaganîtie mîena yonthe.

Zakaria 6:5

Mûraika ûcio nîwanjokerie atîrî, “Ikaari icio nî maroho mana ma îgûrû marîa matungatagîra Ngai-Mûnene Ngai wa nthî yonthe. Marathiî kûruta wîra wake.

Mathaayo 12:25

Nake Jesû nîwecî ûrîa meciragia, na kwoguo nîwamerire atîrî, “Ûthamaki wa wonthe ûngîgaûkana na andû a guo mambîrîrie kûrûa o ene, ûthamaki ûcio ndûngîvota kwîrûngamia. Narîo îtûûra wa rîonthe, kana nyomba îngîgaûkana, nao andû a îtûûra rîu kana nyomba îo mambîrîrie kûrûa o ene, nîkûvaragana mavaraganaga.

Luka 12:20

Nwatî Ngai nîwamwîrire atîrî, ‘We kîrimû gîkî! Ûtukû wa ûmûnthî nî ûkûnenganîra mwoyo ûcio waku. Kwoguo, nî ûrîkû ûkûnyita îgai rîu rîa indo ciaku?’ ”

Kûguû 7:1

Vuva wa ûguo nînoonire araika ana marûngamîte mîthiiarî îna ya nthî. Araika acio maarigîrîrîtie ngûngi cia mîthiia wa yo îna ya nthî itikavurutane nthî nyûmû, îriarî kana mûtîrî wana ûrîkû.