Danieli 11:2 - ÎVUKU RÎA ÛVORO MWARO

² Na rîu nîngûkwîra ûvoro wa ma.” Mûraika nîwaugire atîrî, “Athamaki engî athatû nî makaatha Perisi. Nî gûgaaûka mûthamaki wa kana ûrîa ûkethîrwa arî mûtongu mûno gûkîra acio engî. Ûtonga ûcio wake nî ûkaamûvotithia kûtharîkîra ûthamaki wa Ngiriki.

Danieli 11:2 Referencias Cruzadas

Ezira 4:24

Wîra wa gûtuma hekarû nîwarûngamire. Naguo warûngamire nginya mwaka wa kaîrî wa Dario kuuma atuîka mûthamaki wa Perasia.

Ezira 4:7

Rîrîa Aritakiserikise aatuîkire Mûthamaki wa Perisia, Bishilamu Mithiredathi, Tabeeli, na arata ao nîmaandîkîre mûthamaki maarûa. Maarûa îo yandîkirwe na rûthiomi rwa Gîsuriata na ikîthomwa îgîtaûrwa nîyataûragwa na Kîhibirania.

Esita 1:1

Ahasuerusi aarî mûthamaki wa vûrûri ûrîa waumîte India nginya Ethiopia îvinda rîa mîaka îgana rîa mîrongo îîrî na mûgwanja (127).

Nthi 22:21

nîguo ikûthomithie maûndû marîa magîrîrîte na ma ma, nîguo ûcokerie arîa maagûtûmire ûvoro wa ma.

Danieli 10:1

Mwaka wa kathatû Cairasi arî mûthamaki wa Perisi, Danieli, ûrîa watuîrîrwe rîîtwa Beliteshazaru, nîwaguûrîrue ndûmîrîri. Ndûmîrîri îo yarî ya ma, nwatî yarî nyûmû mûno, na ndîereekaga. Danieli nîwereithirue ûrîa ndûmîrîri îo yaugaga na njîra ya kîoneki.

Danieli 11:25

“Nîakoonania ûcamba na ûmîrîru wake rîrîa akaatharîkîra mûthamaki wa Misiri na gîkundi kînene Kîam athigari a mbaara. Nake mûthamaki wa Misiri nî akaavarîria gîkundi kînene mûno Kîam mbaara nîguo erîvîrîrie. Nwatî mûthamaki wa Misiri nîakaavootwa, nîûndû nî akaarûthîrwa mîvango ya wara ya kûmûvoota.

Danieli 7:5

“Nayo nyamû ya kaîrî yekariî ta Kîamthi nîyaumîrire na îkîrûgama na magûrû mayo ma vuva. Nyamû îo yanyitîte mbaru ithatû na magego. Nayo nîyerirwe atîrî, ‘Rîa nyama nyîngî wata ûrîa ûkavota.’

Danieli 8:21

Nthenge nayo yonanagia ûthamaki wa Ngiriki. Naruo rûvîa rûraca rûrîa rûrî gatagatî ka ûthiû wayo rwonanagia mûthamaki wa kuo wa mbere.

Danieli 8:26

Cioneki ciîgiî magongoona ma kîraûko na ma kîvwaî marîa matarîrîtue nîkavinga. Nwatî nîmaigîtwe marî nthithorî, nîûndû nîgûgwîkara kavinda karaca nginya rîrîa magaatuîkîka.’

Danieli 8:4

Nînoonire ndûrûme îo îkîtharîkîra mwena wa îthûîro, rûgûrû, na wa îveti. Gûtirî nyamû îngîamîtirîrie, na gûtirî nyamû îngîetethûrire kûrî yo. Yekaga wa ûrîa îkwenda na nîyeyonaga îrî na vinya mûno.

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Johana 10:35

Tue nîtuicî atî mandîko matheru maugaga ûma vîndî cionthe. Nake Ngai nîwetire andû acio maavunjîrue ndûmîrîri îo yake ngai cia mîvuanano.

Kûguû 21:5

Nake ûrîa wîkaragîra gîtî Kîam ûthamaki nîwaugire atîrî, “Taroria, nie nîrathondeka maûndû monthe matuîke macerû!” Wana rîngî nîwambîrire atîrî, “Andîka maûndû mama, nîûndû ciugo ino nî cia kwîvokeka na nî cia ma.”