Danieli 10:9 - ÎVUKU RÎA ÛVORO MWARO

⁹ Na rîrîa neguire mûgambo wake nînaarivanire nthî na ngîkara vo ndurumithîtie ûthiû nthî ndakwîîgua.

Danieli 10:9 Referencias Cruzadas

Kîam 15:12

Na vîndî îrîa riûa rîathûaga, Aburamu nîwamamire toro mûnene mûno, na akîgîa na guoya na kîmako kînene.

Kîam 2:21

Ngai-Mûnene, Ngai nîwatûmire mûndû mûrûme ûcio amame toro nene mûno, na wa amamiî Ngai-Mûnene, Ngai nîwarutire rûvaru rûmwe kuuma kûrî mûndû ûcio na agîtumania nyama ciake.

Ayubu 33:15

Ngai aragîria andû na njîra ya iroto na cioneki, ûtukû rîrîa mamamiî toro mûnene.

Ayubu 4:13

Ta ûrîa kîroto kîthînagia mûndû, mûgambo ûcio nîwandere toro.

Rwîmbo rwa Nyîmbo 5:2

Naamamîte, nwatî ngoro yakwa ndîarî toro. Nînegwire mwendwa akîringaringa mûrango. Mvingûrîra mûviki wakwa mwendwa wakwa, ndutuura yakwa we mwaro viû. Kîongo gîakwa kîrî na îme, na njuîrî ciakwa irî na rûthuthuû rwa ûtukû.

Danieli 10:16

Vîndî wa îo, mûraika ûrîa wekariî ta mûndû nîwavutirie mîromo yakwa na njara yake. Nanie nînamwîrire atîrî, “Mwathi wakwa, kîoneki gîkî nî kîmbîkagîra guoya na ngathirwa nî vinya.

Danieli 8:18

“Na vîndî îo aambaragîria, nînaagwîre nthî na ngîgirîka, nwatî nîwanyitire akîmbûkîrîria na ngîrûngama na magûrû makwa.

Habakuku 3:16

Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.

Luka 22:45

Rîrîa Jesû aarîkirie kûvoya, nîwacokire varîa aatigîte arutwa ake na akîmethîrîria mamamîte na maûrîtwe nî vinya nîûndû wa kîeva.

Luka 9:32

Nake Petero vamwe na andû aîrî arîa maarî nake maarî toro, nwatî vîndî îo nîmaaramûkire na makîona Jesû arî na riiri na andû aîrî marûngamîte vamwe nake.

Kûguû 1:17

Rîrîa namwonire, nînegwîthirie nthî mbere yake ta mûndû mûkuû. Nwatî mûndû ûcio nîwakûnjûrire njara yake akîmbigîrîra na akîmbîra atîrî, “Ndûgetigîre! Nie nî nie wa mbere na wa mûthiia.