Danieli 10:6 - ÎVUKU RÎA ÛVORO MWARO

⁶ Mwîrî wake wakengaga ta mathiga ma goro. Ûthiû wake wavenagia ta rûveni, namo metho make maakanaga ta nînîmbî cia mwaki. Njara na magûrû make ciatherete ta gîcango kîthûîtwe mûno. Mûgambo wake weguîkaga ta înegene rîa andû eengî.

Danieli 10:6 Referencias Cruzadas

Ntha 28:20

Mûvari wa kana ûkaawîkîra îthiga rîa mûthemba wa thumarati îrîa ntheru, na onigithi, na Jathiti. Mathiga mau ma goro ûmamundîrîre tûnyamûrî twa thaavu twa kûmanyitîrîra.

Rwîmbo rwa Nyîmbo 5:14

Njara ciake ciîkîrîtwe mvang'iri cia thaavu, na ekagîra mathaga ma goro. Mwîrî wake ûnyorokete ta mûguongo, ûgemetue na tûthiga twa goro.

Ezek 1:14

Ciûmbe icio ciathiîcaga na mbere na igacoka na vuva ta rûveni.

Ezek 1:16

Nthugû icio nîciavanene; na ciavenavenagia ta îthiga rîa goro rîa rangi wa erûû. Ûrîa nthugû icio ciathondeketwe ciavanaga ta nthugû îrî ndaarî ya nthugû îngî.

Ezek 1:24

Nînegwire mûgambo wa mathagu ma cio magûrûkîte; mûgambo wamo warî ta wa mûrurumo wa manjî meengî, mûgambo ta wa athigari a mbaara eengî, mûgambo ta wa Ngai. Na rîrîa ciarûngama nîciakûnjaga mathagu mau.

Ezek 1:7

Magûrû ma cio maarî marûngarû, na ciarî na mavûngû ta ma ndegwa na maavenagia ta cuuma ya gîcango îno ntheru.

Ezek 10:9

Nînaroririe na ngîona varî na nthugû inya mwena wa Akerubi, wa nthugû îmwe mwena wa Kerubi ûmwe. Nthugû icio ciavenavenagia ta îthiga rîa goro.

Ezek 40:3

Rîrîa aambirire vau, nînoonire mûndû wavenavenagia ta cuuma ya gîcango. Mûndû ûcio aarûngamîte kîvingorî anyitîte kîthimi gîa kamûkumbû na akanyita kîthimi gîa kamûtî.

Ezek 8:2

Nînacokire ngîroria na ngîona kîndû Kîamrî na mûvuanano ta wa mûndû. Kuuma kîûnûrî Kîam mûvuanano ûcio kûnyûrûrûka na nthî gwakanaga mwaki. Na kuuma kîûnûrî kûthiî na îgûrû gwakengaga ta cuuma ya gîcango îno ntherie mûno.

Mathaayo 17:2

Nake Jesû nîwagarûrûkire ûrîa oonekaga ekariî wa mamûroretie. Ûthiû wake wavenagia ta riûa, na cio nguo ciake ciacerûvîte cûa.

Mathaayo 28:3

Mûraika ûcio aakengaga ta rûveni, nacio nguo ciake ciacerûvîte ta îra.

Luka 9:29

Vîndî îrîa Jesû aavoyaga, ûthiû wake nîwagarûrûkire, na nguo ciake nacio ikîambîrîria gûkengakenga.

Kûguû 10:1

Nînacokire ngîona mûraika wîngî warî na ûvoti akînyûrûrûka kuuma îgûrû. Ke nîwekîrîte îtu rîrî ta nguo na akathiûrûrûkîrua kîongorî gîake nî mûkûnga mbura. Ûthiû wake wekariî ta riûa, namo magûrû make magekara ta itugî cia mwaki.

Kûguû 19:12

Metho make maakanîte ta mwaki mûkengu mûno. Kîongorî gîake nîwekîrîte nthûmbî nyîngî. Mwîrîrî wake nîkwandîkîtwe rîîtwa, nwatî gûtirî mûndû ûngîarîmenyire tiga Ke mwene.

Kûguû 2:18

“Andîka kûrî mûraika wa kanitha ûrîa ûrî Thîatira atîrî: “Îno nîyo ndûmîrîri kuuma kûrî Mûriû wa Ngai, ûrîa ûrî na metho makanîte ta mwaki mûkengu mûno. Nacio nyarîrî ciake ikengaga ta cuuma ya gîcango.