Danieli 10:16 - ÎVUKU RÎA ÛVORO MWARO

¹⁶ Vîndî wa îo, mûraika ûrîa wekariî ta mûndû nîwavutirie mîromo yakwa na njara yake. Nanie nînamwîrire atîrî, “Mwathi wakwa, kîoneki gîkî nî kîmbîkagîra guoya na ngathirwa nî vinya.

Danieli 10:16 Referencias Cruzadas

Ntha 4:10

Nwatî Musa nîwaugire atîrî, “Ngai-Mûnene, we Mwathani wakwa, ndûkandûme nie. Ndicî kwaria waro kuuma tene, wana kuuma vîndî îrîa wambîrîrie kûmbarîria na nînyenyaga.”

Ntha 4:13

Nwatî Musa nîwacokirie atîrî, “We Mwathani wakwa, nîngûkûthaitha ûtûme mûndû wîngî.”

Mûvunjia 1:18

Wa ûrîa mûndû agîcaga na ûûgî mwîngî, nwaguo agîcaga na maûndû meengî ma kûmûrakaria, na wa ûrîa amenyaga maûndû meengî, nwaguo agîcaga na kîeva ngoro.

Isaia 6:7

Nîwamvutirie mîromo na îkara rîu na akiuga atîrî, “Taroria, îkara rîîrî nî rîavutia mîromo yaku; nîwathengutîrua mavîtia maku na nîwoverwa mevia maku.”

Jeremia 1:9

Ngai-Mûnene nîwacokire agîtambûrûkia njara na akîvutia mîromo yakwa na akîmbîra atîrî, “Taroria, nînekîra ciugo ciakwa kanyuarî gaku.

Ezek 1:26

Îgûrû rîa mûtambarûko ûcio nînonire kîndû gîekariî ta gîtî Kîam ûnene Kîam rangi wa erûû. Na ûrîa wekarîrîte gîtî kîu ekariî ta mûndû.

Ezek 3:27

Nwatî rîrîa ngakwarîria, nîngakûvingûra kanyua na nîûkamera ûrîa nie Ngai-Mûnene mbugîte. Amwe nîmagaakûthikîrîria, nwatî amwe matigakûthikîrîria nîûndû nî andû aremi.”

Ezek 33:22

Kîvwaî mbere ya mûndû ûcio aûka nînagîte na vinya wa Ngai-Mûnene. Kwoguo rîrîa mûndû ûcio waûrîte aûkire kîraûko Kîam mûthenya ûcio warûmîrîrîte, Ngai-Mûnene nîwamûvere ûvoti wa kwaria.

Danieli 12:8

“Nînegwire ûrîa augire, nwatî ndiataûkîrwa. Kwoguo nînaûririe atîrî, ‘Ngai-Mûnene gûkethîrwa gwîkariî atîa?’

Danieli 4:19

Rîrîa Danieli ûrîa wîtagwa Beliteshazaru eeguire ûguo, nîwamakire na agîtangîka mûno meciriarî make. Kwoguo mûthamaki nîwamwîrire atîrî, “Danieli, ndûkathînîke nîûndû wa kîroto, kana nîûndû wa ûrîa kiugîte.” Nwatî Beliteshazaru nîwamûcokerie atîrî, “Mwathi wakwa, kîroto gîkî na ûrîa kiugîte kîroethîrwa kîgiî arîa makûmenete na nthû ciaku.

Danieli 7:15

“Rîrîa nie Danieli noonire cioneki icio, nînavavûkire na ngîthînîka mûno ngororî.

Danieli 7:28

“Ûcio nîguo mûthiia wa maûndû marîa nonire. Nie Danieli, nînathînîkire mûno ngororî na ngîtukia kîthithi, nwatî nînaigire maûndû mau monthe ngororî yakwa.”

Danieli 8:15

“Rîrîa nie Danieli, noonire kîoneki, na rîrîa naageragia gûgîtaûra, wa rîmwe kîûmbe gîekariî ta mûndûmûrûme nîkîaumîrire na gîkîrûngama mbere yakwa.

Danieli 8:17

Gaburieli nîwaûkire na akîrûngama varîa naarî. Nînavavûkire mûno nginya ngîgwa nthî. Nwatî Gaburieli nîwambîrire atîrî, ‘We mûndû ûyû, menya atî maûndû mau wonire megiî mavinda ma mûthiia.’

Danieli 8:18

“Na vîndî îo aambaragîria, nînaagwîre nthî na ngîgirîka, nwatî nîwanyitire akîmbûkîrîria na ngîrûngama na magûrû makwa.

Danieli 8:27

“Nie Danieli nînathirirwe nî vinya ngoro na ngîrwara mîthenya mîngî. Nînaacokire ngîvora na ngîcoka wîrarî ûrîa naveetwe nî Mûthamaki. Nînamakire mûno nîûndû wa kîoneki kîu na ndiavota gûtaûkîrwa nî kîo.

Danieli 9:21

Gaburieli, mûndû ûrîa noonire kîonekirî gîakwa Kîam mbere, nîwaûkire na îvenya nginya varîa naarî. Vîndî îo nîrîo magongoona ma kîvwaî maarutagwa.

Luka 1:64

Vîndî wa îo Zakaria nîwavotire kwaria na akîambîrîria gûkumia Ngai.

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Johana 20:28

Nake Toma nîwamûcokerie atîrî, “Mwathani wakwa na Ngai wakwa!”

Josh 5:14

Mûndû ûcio nîwamûcokerie atîrî, “Naarî, nie nîrî mûnene wa athigari a mbaara a Ngai-Mûnene.” Joshua nîwegwîthirie agîturumithia ûthiû nthî amûgooce na akîmwîra atîrî, “Mwathi wakwa, nie nîrî ndungata yaku mbîra ûrîa ûkwenda mbîke.”

Kûguû 1:13

Gatagatîrî ka yo kwarî kîndû kîoonekaga kîvuana ta mûndû, ekîrîte nguo ndaca yakinyîte nyarîrî. Na kîthûrirî gîake aarî na mûcivi warî na rangi ya thaavu.

Atir 13:8

Nake Manoa nîwavoire Ngai-Mûnene akiugaga atîrî, “Nakûthaitha, Ngai-Mûnene, tiga mûndû wa Ngai ûrîa watûmire aûke rîngî kûrî tue nîguo atwîre ûrîa twagîrîrwe nî gwîka na kavîcî kau rîrîa gagaaciarwa.”

Atir 6:13

Nake Gideoni nîwamwîrire atîrî, “We Mwathi wakwa, ethîrwa Ngai-Mûnene arî vamwe natue rî, nîndûî gîtûmîte maûndû ta mama monthe mekîke kûrî tue? Namo maûndû ma kûgegania marî kû, marîa methe metû maatwîraga ûvoro wamo rîrîa maaugaga ûrîa Ngai-Mûnene aamarutire Misiri? Nwatî rîu Ngai-Mûnene nîatûtiganîrîtie na agatûrekereria kûrî Amidiani.”

Atir 6:15

Gideoni nîwacokirie atîrî, “Mwathani, nîngîvonokia Aisiraeli atîa? Mbarî yetû nîyo îtarî vinya mûvîrîgarî wa Manase, na kûrî andû onthe nyombarî ya vava nie ndirî îgweta.”