Danieli 10:1 - ÎVUKU RÎA ÛVORO MWARO

¹ Mwaka wa kathatû Cairasi arî mûthamaki wa Perisi, Danieli, ûrîa watuîrîrwe rîîtwa Beliteshazaru, nîwaguûrîrue ndûmîrîri. Ndûmîrîri îo yarî ya ma, nwatî yarî nyûmû mûno, na ndîereekaga. Danieli nîwereithirue ûrîa ndûmîrîri îo yaugaga na njîra ya kîoneki.

Danieli 10:1 Referencias Cruzadas

Kîam 41:32

Ûvoro ûcio wa gûcokera kîroto maita maîrî nî wa kwonania atî Ngai nîke ûtuîte gwîkare ûguo na agerie kûvingia ûndû ûcio.

2Maû 36:22

Mwakarî wa mbere Cairasi atuîka mûthamaki wa Perisia, nîguo ciugo irîa Ngai-Mûnene aaririe kûvîtûkîra kûrî Mûrathi Jeremia ivinge, Ngai-Mûnene nîwamwathire anîrîre vûrûrirî wake wonthe na andîke atîrî,

Ezira 3:7

Andû nîmaacokire makîvecana mbeca cia kûrîva mavundi ma mathiga na ma mbaû. Na nîmaaveere andû a matûûra ma Turo na Sidoni irio, gîakûnyua, na maguta ma mîtî ya mîtamaiyû îrîa îciaraga matunda nîguo mamaviragîre mîtî ya mîtarakwe îriarî rîa Jopa kuuma Lebanoni. Mûthamaki Cairasi wa Perisia nîke wamaveete rûtha rwa gwîka maûndû mau.

Ezira 4:3

Zerubabeli, Jeshua, na anene a nyomba cia andû a Juda na Benjamini nîmaamacokerie atîrî, “Tûtikwenda ûtethio wenyu wa gûtuma hekarû ya Ngai-Mûnene, Ngai wetû. Nîtûkûmîtuma tue ene, wata ûrîa Cairasi mûthamaki wa Perisia aatwathire.”

Ezira 4:5

Nîmaacokire makîrîva anene a thirikari ya Perisia mbeca nîguo macûkangie mîvango yao. Meekarire magîkaga ûguo îvinda rîonthe rîrîa Cairasi eethîrwe arî mûthamaki wa Perisia nginya îvinda rîa wathani wa Dario.

Ezira 6:14

Nao atongoria a Ayahudi nîmaathiîre na mbere gûtuma hekarû, na nîmeekagîrwa vinya nî arathi arîa aîrî Hagai na Zakaria. Na nîmaarîkirie gûtuma hekarû wata ûrîa maathîtwe nî Ngai wa Isiraeli na ta ûrîa Cairasi, Dario, na Aritakiserikise athamaki a Perisia maavecanîte watho.

Ezira 6:3

“Mwaka wa mbere Cairasi atuîka mûthamaki nîwathanire atî hekarû îrîa îrî Jerusalemu îgatumwe rîngî nîûndû nîkuo magongoona makaarutagîrwa na matega ma kûvîvua. Hekarû îo îkethîrwa îrî ya wariî wa mita 27 na ûraca na îgûrû wa mita 27.

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Danieli 1:21

Danieli aatungatire kwa mûthamaki mûciî nginya mwaka wa mbere Cairasi atuîka mûthamaki.

Danieli 1:7

Nwatî Mûnene wa ndungata cia kwa Mûthamaki nîwavere anake acio marîîtwa ma Babuloni ta û: Danieli eetirwe Beliteshazaru; Hanania eetirwe Shadiraka; Mishaeli eetirwe Mîsheki, na Azaria agîîtwa Abedinego.

Danieli 10:14

Nie naûka gûgûtethia gûtaûkîrwa nî maûndû marîa mageekîka kûrî andû aku mavinda marîa magaaûka. Nîûndû kîoneki gîkî nîkîa mavinda marîa magaaûka.”

Danieli 11:2

Na rîu nîngûkwîra ûvoro wa ma.” Mûraika nîwaugire atîrî, “Athamaki engî athatû nî makaatha Perisi. Nî gûgaaûka mûthamaki wa kana ûrîa ûkethîrwa arî mûtongu mûno gûkîra acio engî. Ûtonga ûcio wake nî ûkaamûvotithia kûtharîkîra ûthamaki wa Ngiriki.

Danieli 12:4

Nwatî we, Danieli, vinga îvuku na ûrîkîre rûtumo, nginya kavinda ka mûthiia wa nthî. Andû eengî nî makaavinyûra ava na vaarîa na nî makoongerera ûûgî.

Danieli 12:9

“Nake nîwanjokerie atîrî, ‘Danieli, ûthiî rîu, nîûndû nwanginya maûndû mama methîrwe marî nthitho nginya îvinda rîa mûthiia rîkinye.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 4:8

Nwatî vîndî wa îo Danieli nîwatonyire mbere yakwa, (ûrîa na rîîtwa rîngî etagwa Baliteshazaru, rîîtwa rîa ngai yakwa. Ke aarî na roho kuuma kûrî ngai irîa ntheru) na nînaamwîrire kîroto gîakwa atîrî,

Danieli 5:12

Ke arî na ûvoti wa mwanya na wara mwîngî wa gûtaûra iroto, gûtaûra ndaî, na arî na ûvoti wa kûthiria mathîna. Rîîtwa rîa mûndû ûcio nî Danieli, nwatî mûthamaki aamwîtire Baliteshazaru. Mwîte na nîagûgûtaûrîra mandîko mama.”

Danieli 5:17

Danieli nîwacokerie mûthamaki Belishazaru atîrî, “Nwa wîkare na iveo ciaku mûthamaki kana ûve mûndû wîngî. Kûnarî ûguo Mûthamaki, nîngûkûthomera mandîko mama na ngûtaûrîre mo.

Danieli 6:28

Kwoguo Danieli nîwekindîrie na akîganîra vîndî ya wathani wa mûthamaki Dario na vîndî ya wathani wa mûthamaki Cairasi wa Perisi.

Danieli 8:16

Nînegwire mûgambo wa mûndûmûrûme wetana kuuma ndeererî cia rûnjî rwa Ulai ûkiuga atîrî, ‘Gaburieli, taûrîra mûndûmûrûme ûyû kîoneki kîrîa wonire.’

Danieli 8:26

Cioneki ciîgiî magongoona ma kîraûko na ma kîvwaî marîa matarîrîtue nîkavinga. Nwatî nîmaigîtwe marî nthithorî, nîûndû nîgûgwîkara kavinda karaca nginya rîrîa magaatuîkîka.’

Luka 1:20

Na nîûndû nîwarega gwîtîkia ûvoro ûcio nakwîra, ndûkaavotaga kwaria nginya mûthenya ûrîa maûndû mama makaavingua mavinda mamo marîa magîrîrîte makinya.”

Kûguû 19:9

Nake mûraika nîwambîrire, “Andîka atîrî: Kûrathimwa nî arîa metîtwe kîrugorî Kîam ûviki wa Gatûrûme.” Mûraika nîwaugire rîngî atîrî, “Ino nîcio ciugo cia ma kuuma kûrî Ngai.”