2Tim 2:7 - ÎVUKU RÎA ÛVORO MWARO

⁷ Ta îcirieni ûvoro ûcio nîrauga, nîûndû Mwathani nîakûmûvotithia gûtaûkîrwa nî maûndû mama monthe.

2Tim 2:7 Referencias Cruzadas

1Maû 22:12

Arokûva ûûgî na ûmenyo nîguo rîrîa agaagûtua mûthamaki wa Isiraeli ûkaathana kûringana na watho wa Ngai-Mûnene, Ngai waku.

1Maû 29:19

Îkîra ngororî ya mûvîcîwa Solomoni wendi wa gûtûûra avingagia maathani maku, kîrîra na watho waku nîguo avote gûtuma nyomba îrîa mvarîrîtie.”

Thaburi 119:125

Nie nî ndungata yaku; mva ûtaûku, nîguo menye matuîro maku ma ciira.

Thaburi 119:144

Matuîro maku ma ciira methagîrwa vîndî cionthe marî ma kîvooto; mva ûtaûku nîguo ndûûre mwoyo.

Thaburi 119:73

Wanyûmbire na njara ciaku na ûkînthondeka ûguo mbîkariî, mva ûtaûku nîguo menye maathani maku.

Thaburi 64:9

Andû onthe nîmagetigîra; nîmakerana maûndû marîa Ngai ekîte, na mecirie ûvoro wîgiî ciîko ciake.

Nthi 24:32

Nînaacokire ngîciria ûvoro wa guo, na ngîthoma ûndû kuumana naguo.

Isaia 1:3

Ng'ombe nîimenyaga mwene cio, na mvunda nîimenyaga rwaga rwa mwathi wa cio; nwatî Aisiraeli matiîcî, andû akwa matitaûkagîrwa.”

Isaia 28:26

Mûndû ûcio nîamenyaga ûrîa agwîka, nîûndû Ngai wake nîamûthomithagia.

Isaia 5:12

Methagîrwa marî na ngita, inanda, tamburini, mîtûrirû na ndivei marugarî mao. Nwatî matiîciragia maûndû megiî ciîko cia Ngai-Mûnene, kana mamenya ûrîa ekîte.

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Luka 24:45

Nake Jesû nîwamavotithirie gûtaûkîrwa nî Mandîko,

Luka 9:44

“Mûtikariganîrwe nî ûvoro ûyû ngeerie kûmwîra! Mûrû wa Mûndû nîakûnenganîrwa nîguo anyitwe nî andû.”

Johana 14:26

Nwatî Mûtethia, na nîke Roho Mûtheru, ûrîa Vava agaatûma na rîîtwa rîakwa, nîakaamûthomithia maûndû monthe na amûvotithie kûririkana ûrîa wonthe namwîra.

Johana 16:13

Rîrîa Roho ûrîa wonanagia ûvoro wa ma wa Ngai agaaûka, nîakaamûtongoria maûndûrî monthe ma ma. Ke ndakaaria maûndû na wathani, nwatî akaaria marîa egucaga na amwîre ûvoro wîgiî maûndû marîa magaaûka.

Ciîko 7:10

na nîwamûtethûrire mathînarî mau make monthe. Josefu aarî mûve ûûgî mwîngî mûno nî Ngai arî mbere ya mûthamaki. Kwoguo mûthamaki wa Misiri nîwamûtuire mûnene wa vûrûri wa Misiri na akîmûva wîra wa kûrûngamîrîra andû onthe a mûciî wake.

1Akor 12:8

Roho nîavecaga mûndû ûmwe ndûmîrîri îcûrîte ûûgî, na Roho wa ûcio akava mûndû wîngî ndûmîrîri îcûrîte ûmenyo.

Gûco 32:29

Kethîrwa maarî na ûûgî nîmaangîamenyire kîrîa gîatûmire mavootwe, nîmangîamenyire ûrîa makaarîkîrîria.

Gûco 4:39

Kwoguo menyani kuuma ûmûnthî na mwige ûndû ûyû ngororî cienyu atî, Ngai-Mûnene nî Ngai wa îgûrû na nthî, gûtirî ngai îngî.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

1Tim 4:15

Thiî na mbere gwîka maûndû mama wîvecanîte viû nîguo ûthiîi waku wa na mbere woneke nî andû onthe.

2Tim 2:6

Mûrîmi ûrîa ûrutaga wîra na kîîo nîke wagîrîrwe kûrîa maciaro ma mbere ma mûgûnda.

2Tim 2:8

Taririkana Jesû Kristû ûrîa wariûkirue na aarî wa rûciaro rwa Daudi, wata ûrîa kûthomithanîtue ûvororî ûrîa mwaro mvunjagia.

Ahib 12:3

Ta îcirieni ûvoro wake ûcio waûmîrîrie rûmena rûnene kuuma kûrî andû evia. Kwoguo mûtikaûrwe nî vinya kana mûkua ngoro.

Ahib 13:7

Ririkanagani atongoria enyu a tene arîa maamûvunjîrie ndûmîrîri ya Ngai. Îcirieni ûrîa maatûûraga na mwîgerekanie nao.

Ahib 3:1

Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.

Ahib 7:4

Mue nîmûrona ûrîa aarî Mûnene. Iburahimu îthe wetû wa tene aamûgaîre gîcunjî gîa îkûmi Kîam indo ciake irîa aatavîte arî mbaararî.

Jakuvu 1:5

Nwatî ethîrwa nîkûrî na mûndû wana ûmwe wa cienyu ûtarî na ûûgî, nîwagîrîrwe nîgwîtia Ngai ûrîa ûvecaga andû onthe arî na ûtaana na ûtugi.

Jakuvu 3:15

Ûûgî ta ûyû tî ta ûrîa ûnyûrûrûkaga kuuma îgûrû, nwatî nî wa gûkû nthî na ndumanîte na Roho wa Ngai, umanîtie na ndaimono.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.