2Tim 2:3 - ÎVUKU RÎA ÛVORO MWARO

³ Îtîkîra kûnyarirwa vamwe natue ta mûthigari mwaro wa Jesû Kristû.

2Tim 2:3 Referencias Cruzadas

Ciîko 23:31

Kwoguo kûringana na ûrîa athigari maataarîtwe, nîmoocire Paûlo ûtukû wa ûcio na makîmûvira îtûûrarî rîa Antipatirisi.

1Akor 13:7

Wendani nî ûkiragîrîria maûndû monthe. Wendani ndûtigaga gwîtîkia, kwîrîgîrîra na nîûkiragîrîria vîndî cionthe.

1Akor 9:7

Nî mûthigari ûrîkû ûrîvaga matûmîri make ke mwene vîndî îrîa arî mbaararî? Nî mûrîmi ûrîkû ûtarîcaga matunda marîa maumaga mûgûndarî wake wa mîthavibu? Nî mûrîthi ûrîkû ûtanyunyaga îriia kuuma ndîthiarî yake?

2Akor 1:6

Nwatî ethîrwa nîtukûnyamarua, nîtûnyamarua nîguo mûmîrîrue na mûvonokue. Na ethîrwa tûrî aûmîrîrie, wa namue mûrî aûmîrîrie. Ûndû ûyû nî ûmûtethagîrîria kwamûkîra mûkirîrîrîtie mînyamaaro wata îrîa wanatue tûmagîrîria.

1Tim 1:18

Timotheo mwana wakwa, nîrakwatha wîkage maûndû mama nîûndû nîmaringanîte na maûndû marîa maarathirwe makwîgiî. Tûmîra ciugo icio irî ta indo cia mbaara nîguo ûvote kûrûa waro.

2Tim 1:1

Kuuma kûrî Paûlo mûtûmwa wa Jesû Kristû nî ûndû wa kwenda kwa Ngai, ndûmîtwe ngavunjie ûvoro mwaro wa tene na tene ûrîa ûvecanagwa nî Jesû Kristû.

2Tim 1:8

Ndûgaconoke rîrîa ûkumbûra Mwathani wetû, kana wîgue ûgîconoka nîûndû wakwa nie njovetwe nîûndû wa Kristû. Vandû va ûguo, nîwagîrîrwe nî kûgwatanîra nanie mînyamaarorî nîûndû wa ûvoro mwaro, nîûndû Ngai nîke ûtûvecaga vinya.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

2Tim 2:9

Nîûndû wa kûvunjia ûvoro mwaro, nînyariragwa na ngekîrwa mvîngû ta mûgeri ngero. Nwatî ûvoro wa Ngai tî mwove na mvîngû.

2Tim 3:11

Wana nîûrûmîrîrîte kûnyarirwa gwakwa, na mathîna makwa. We nîwîcî ûrîa naanyaririrwe rîrîa naarî Antiokia, Ikonia, Lusitera, na ngîûmîrîria! Nwatî Mwathani nîwandethûrire kuuma mînyamaarorî îo yonthe.

2Tim 4:5

Nwatî nwanginya wîkarage wîîguîte vingo cionthe. Ûmagîrîria mathîna, rutaga wîra wa kûvunjia ûvoro mwaro na ûrutage wîra waku wonthe wa gûtungatîra Ngai.

File 1:2

na kûrî kanitha ûrîa ûtûnganaga gwaku mûciî, na kûrî mwarî wa îthe wetû Afia, na kûrî Arikipo, mûthigari ûrîa tûrutithanagia wîra nake.

Ahib 10:32

Taririkanani ûrîa mwekariî na vau mbere. Mîthenyarî îo, mwarîkia kûthererwa nî ûtheri wa Ngai nîmwathînirue na maûndû meengî mûno, nwatî nîmwaûmîrîrie mathîna mau.

Ahib 11:27

Wîtîkio nîguo watûmire Musa auma Misiri atagwîtigîra marakara ma mûthamaki. Nîwaregire gûcoka na akîthiî na mbere takwa onete Ngai ûrîa ûtonekaga.

Ahib 6:15

Iburahimu nîwekarire etererete, kwoguo nîwamûkîre kîrîa Ngai aamwîrîrîte.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

Atir 3:2

Eekire ûguo nîguo athomithie njiarwa cia Aisiraeli ûvoro wîgiî mbaara, na makîria njiarwa irîa itaarûîte mbererî.