2Tim 1:10 - ÎVUKU RÎA ÛVORO MWARO

¹⁰ Nwatî rîu nîtûguûrîrîtue guo na njîra ya gûka kwa mûvonokia wetû Kristû Jesû. Ke nîathirîtie vinya wa gîkuû. Na na njîra ya ûvoro mwaro ûrîa aavunjirie, nîatûmenyithîtie ûvoro wa mwoyo wa tene na tene.

2Tim 1:10 Referencias Cruzadas

Isaia 43:3

Nîûndû nie nînie Ngai-Mûnene Ngai wenyu, Ûrîa Mûtheru wa Isiraeli, mûvonokia wenyu. Nîngûvecana îrîvi Misiri nîguo ngûkûûre, nîngûvecana Ethiopia na Seba nîguo mûrekererue.

Isaia 45:15

Nama we wî Ngai ûrîa wîthithîte, Ngai wa Isiraeli, Mûvonokia.

Isaia 45:21

Umbûrani na mwîtetere; tigani andû maciire marî vamwe. Nû waririe maûndû mama wa tene? Anga tî nie Ngai-Mûnene? Gûtirî ngai îngî tiga nie, nînie Ngai mûthingu na Mûvonokia; gûtirî ngai îngî tiga nie.

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

Luka 11:36

Angîthîrwa mwîrî wonthe waku nîmwîcûre nî ûtheri na ndûrî na gîcunjî wana kîmwe kîrî na nduma mwîrî ûcio waku wîthagîrwa ûgîkenga vingo cionthe, wa ta ûrîa ûtheri wa taa ûkûtheragîra.”

Luka 13:7

Kwoguo nîwerire mûruti wa wîra wa mûgûnda ûcio wake atîrî, ‘Rîu mîaka îthatû nî mîthiru wa mbûkaga gûcaria ngûyû mûkûyûrî ûyû, nwatî ndianona wanarî îmwe. Ûteme, nîûndû nîûragînjia mûgûnda wakwa mana!’

Luka 2:11

nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Johana 1:9

Ûyû nîguo warî ûtheri wa ma; ûtheri ûrîa ûkaga gûkû nthî na ûkamûrîkîra andû onthe.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 20:31

Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Johana 4:42

Nao nîmeerire mûndûmûka ûcio atîrî, “Rîu tue nîtwetîkia, tî nîûndû atî nîûtûrutîre ûira, nwatî nîûndû tue ene nîtweîguîra na matû metû na twamenya atî Jesû nîke Mûvonokia wa andû onthe a nthî.”

Johana 5:40

Kûnarî ûguo mue mûtiendaga gûka kûrî nie nîguo mûgîe na mwoyo.

Ciîko 13:23

Kwoguo Ngai nîatuîte Jesû ûrîa wa mbarî ya Daudi Mûvonokia wa andû wa Isiraeli wata ûrîa ke eeranîrîte.

Ciîko 5:31

Ngai nîwamwigire mwena wake wa ûrîo arî Mûtongoria na Mûvonokia. Ngai eekire ûguo nîguo ave andû a Isiraeli kamweke ga kwîrira nîguo moverwa mevia mao.

Aroma 16:26

Na rîu, maûndû marîa mandîkîtwe nî arathi nîmatûmîte ûndû ûcio ûmenyeke. Ngai ûrîa ûtûûraga tene na tene nîwathanire atî ûvoro ûcio ûmenyithue andû onthe a nthî nîguo onthe metîkie na mathîkîre Ngai.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Aroma 3:31

Ûguo nî kuga atî tûte ûvoro wa Watho nîûndû wa gwîtîkia? Naarî. Vandû va ûguo nîkwa tûnyitagia Watho.

Aroma 6:6

Nîtwîcî atî ûmûndû wetû wa tene nîwambirwe mûtharavarî vamwe na Kristû nîguo vinya wa mwîrî ûrîa wîvagia ûthirue na tûtigacoke gûtuîka ngombo cia mevia.

1Akor 15:26

Gîkuû nîkîo gîkethîrwa kîrî nthû ya mûthiia îrîa îkaavootwa.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 5:4

Rîrîa tûrî îgemarî rîîrî rîa nthî, tûvevûkaga tûkîgua tûrî akinyîrîrie. Tî atî nîkwa tûkwenda gûtigana na mîîrî yetû ya gûkû nthî, nwatî tûrenda twîkîrwe mîîrî îrîa ya îgûrû. Na twekîrwa mîîrî îo, mîîrî îrîa îkucaga nî îkaagarûrwa îtuîke ya gûtûûra.

Agal 5:4

Mue arîa mûgeragia gûtuuwa athingu na njîra ya kûrûmîrîra watho, nîmûthengutîrîte Kristû na nîmumîte wegarî wa Ngai.

Aefeso 1:18

Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.

Aefeso 1:9

nîwatûmenyithirie nthitho ya wendi wake. Ûguo nîguo eendete na nîguo aavangîte nîagwîka na njîra ya Kristû.

2Ath 2:8

Vîndî îo Mûndû ûcio Mwaganu nîakoonanua. Nwatî rîrîa Mwathani Jesû agaaûka nîakaamûraga na mîruke kuuma kanyuarî gake na amûthirie na njîra ya kwîyumîria arî na riiri.

2Tim 1:1

Kuuma kûrî Paûlo mûtûmwa wa Jesû Kristû nî ûndû wa kwenda kwa Ngai, ndûmîtwe ngavunjie ûvoro mwaro wa tene na tene ûrîa ûvecanagwa nî Jesû Kristû.

2Tim 1:8

Ndûgaconoke rîrîa ûkumbûra Mwathani wetû, kana wîgue ûgîconoka nîûndû wakwa nie njovetwe nîûndû wa Kristû. Vandû va ûguo, nîwagîrîrwe nî kûgwatanîra nanie mînyamaarorî nîûndû wa ûvoro mwaro, nîûndû Ngai nîke ûtûvecaga vinya.

2Tim 4:1

Nîrakûthaitha nîrî mbere ya Ngai na ya Jesû Kristû ûrîa ûgaatuîra andû arîa marî mwoyo na arîa akuû, na nîûndû nî araûka kwathana arî mûthamaki atî:

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.

Tito 2:11

Ngai nîwonanîtie wega wake ûrîa ûretagîra andû onthe a nthî ûvonokio.

Tito 2:13

Nîtwagîrîrwe nîgwîkaraga ûguo wa tûgîetagîrîra mûthenya ûrîa mûrathime twîrîgîrîrîte. Mûthenya ûcio nîguo riiri wa Ngai ûrîa mûnene na mûvonokia wetû Jesû Kristû ûkoonekana.

Tito 3:4

Nwatî rîrîa Ngai Mûvonokia wetû atwonirie wendo na ûtugi wake,

Ahib 10:32

Taririkanani ûrîa mwekariî na vau mbere. Mîthenyarî îo, mwarîkia kûthererwa nî ûtheri wa Ngai nîmwathînirue na maûndû meengî mûno, nwatî nîmwaûmîrîrie mathîna mau.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

2Pet 1:11

Na njîra îno nîmûkaamûkîrwa na ûtaana ûthamakirî wa tene na tene, wa Mwathani na Mûvonokia wetû Jesû Kristû.

2Pet 1:3

Vinya wa Ngai nîûtûvete indo cionthe irîa tûvatarîte nîguo tûtûûre tûrî na ûngai ûrîa wa ma. Tûrî na indo icio nîûndû nîtûmenyete Jesû ûrîa watwîtire nîguo tûkaagaa riiri na wega wake.

2Pet 2:20

Maavonokirue kuuma maûndûrî marîa macûku ma gûkû nthî na njîra ya kûmenya Mwathani na Mûvonokia wetû Jesû Kristû. Nwatî ethîrwa nîmagûcoka maûndûrî mau macûku na mavotwe nîmo, nîmethîrwa marî acûkîre mûno gûkîra ûrîa gwekariî vîndî yao ya mbere.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

2Pet 3:2

Nîrenda mûririkane ciugo irîa ciarirue tene mûno nî arathi arîa atheru na rîathani rîrîa mwaveerwe nî atûmwa enyu riumîte kûrî Mwathani na Mûvonokia.

1Joh 1:2

Rîrîa Mwoyo ûyû waguûranîrue nîtwawonire. Kwoguo nîtwaragia ûira waguo na tûkamwîra ûvoro wîgiî mwoyo wa tene na tene ûrîa warî na Îthe na ûrîa twamenyithirue.

1Joh 4:14

Tue nîtwonete na nîtumbûraga atî Îthe nîwatûmire Mûriû wake atuîke Mûvonokia wa nthî.

Kûguû 18:1

Vuva wa ûndû ûyû nînoonire mûraika wîngî akînyûrûrûka kuuma îgûrû. Mûraika ûcio aarî na vinya nyîngî. Riiri wake nîwatûmire nthî yonthe îgîe na ûtheri.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 20:14

Nakîo gîkuû na îcua nîciaikirue îriarî rîa mwaki. (Îria rîîrî rîa mwaki nî gîkuû gîa kaîrî.)

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.