2Tim 1:1 - ÎVUKU RÎA ÛVORO MWARO

¹ Kuuma kûrî Paûlo mûtûmwa wa Jesû Kristû nî ûndû wa kwenda kwa Ngai, ndûmîtwe ngavunjie ûvoro mwaro wa tene na tene ûrîa ûvecanagwa nî Jesû Kristû.

2Tim 1:1 Referencias Cruzadas

Johana 10:28

Nie nînîivecaga mwoyo wa tene na tene, na itigaakua rî kana rî. Gûtirî mûndû ûngînjuna cio.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Johana 6:40

Nîûndû wendi wa Vava nî atî mûndû wa wonthe ûrîa wonaga Mûriû na akamwîtîkia nîwagîrîrwe nî kûgîa na mwoyo wa tene na tene. Nanie nîngaamûriûkia mûthenya wa mûthiia.”

Johana 6:54

Mûndû wa wonthe ûrîcaga mwîrî wakwa na akanyua nthakame yakwa, arî na mwoyo wa tene na tene na nîngaamûriûkia mûthenya wa mûthiia.

Aroma 1:1

Kuuma kûrî nie Paûlo, ndungata ya Jesû Kristû na mûtûmwa ûrîa wîtîtwe na akamûrwa nî Ngai nîguo avunjagie ûvoro mwaro wake.

Aroma 5:21

Kwoguo wata ûrîa mevia maathamakire na njîra ya gîkuû, nwaguo wega wa Ngai ûthamakaga na njîra ya ûthingu na ûgatûma tûgîe na mwoyo wa tene na tene na njîra ya Jesû Kristû Mwathani wetû.

Aroma 6:23

Nîûndû mûcara wa mevia nî gîkuû, nwatî kîveo kîrîa Ngai avecanaga nî mwoyo wa tene na tene mûrî rûmwe na Jesû Kristû Mwathani wetû.

1Akor 1:1

Nie Paûlo, ûrîa wetirwe atuîke mûtûmwa wa Jesû Kristû na njîra ya wendi wa Ngai tûrî na Sosithene mûrû wa îthe wetû,

2Akor 1:1

Nie Paûlo, mûtûmwa wa Kristû Jesû nîûndû wa wendi wa Ngai na kuuma kûrî mûrwaiya Timotheo. Tûramwandîkîra mue kanitha wa Ngai ûrîa ûrî Korinitho, na kûrî andû onthe a Ngai arîa marî Akaia kuonthe:

2Akor 1:20

nîûndû nîke wîthagîrwa arî “Ii” kûrî ciîranîro cionthe cia Ngai. Ûndû ûyû nîguo ûtûmaga tuge na njîra ya Jesû Kristû “Ameni” rîrîa tûgûkumia Ngai na njîra ya Jesû Kristû.

Agal 3:26

Muonthe mûrî ciana cia Ngai nîûndû wa kwîthîrwa mûrî ûrûmwe na Kristû na njîra ya wîtîkio.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Aefeso 3:6

Nayo nthitho nî atî na njîra ya ûvoro mwaro, andû a Ndûrîrî nî ciîga cia mwîrî ûmwe na nîmanyitaga kîrîa Ngai eeranîre na njîra ya Jesû Kristû.

1Tim 6:19

Na njîra ta îno nîmakwîthîrwa meigîrîte mûthithû wao wî ta mûcingi wî na vinya wa vîndî îrîa îgaûka. Nao nîmagaacoka magîe na mûtûûrîre ûrîa wa ma.

2Tim 1:10

Nwatî rîu nîtûguûrîrîtue guo na njîra ya gûka kwa mûvonokia wetû Kristû Jesû. Ke nîathirîtie vinya wa gîkuû. Na na njîra ya ûvoro mwaro ûrîa aavunjirie, nîatûmenyithîtie ûvoro wa mwoyo wa tene na tene.

2Tim 1:13

Rûmagîrîra waro maûndû marîa wîguîte maumîte kûrî nie marî kîonereria kûrî we ûrî na wîtîkio na wendo irîa tûgwataga kuuma kûrî Jesû Kristû.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.

2Tim 2:1

Kwoguo, we Timotheo mwana wakwa gîa na vinya nîûndû wa wega wa Ngai ûrîa twîthagîrwa tûrî naguo tûrî ndaarî ya Jesû Kristû.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

2Tim 2:3

Îtîkîra kûnyarirwa vamwe natue ta mûthigari mwaro wa Jesû Kristû.

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Tito 1:4

Kûrî Tito, mwana wakwa wa ma wîtîkiorî ûrîa tûgwatanîrîte. Ûrogîa na wega na thayû kuuma kûrî Ngai Vava na kuuma kûrî Jesû Kristû mûvonokia wetû.

Ahib 9:15

Kwoguo Kristû nîke ûthondekaga kîrîkanîro gîcerû, nîguo arîa onthe metîtwe nî Ngai mamûkîre irathimo cia tene na tene irîa Ngai aameerîre. Ûndû ûyû wîkîkaga nîûndû nîkwîthîrîtwe kûrî na gîkuû gîa gûkûûra andû kuuma meviarî marîa meekire vîndî îrîa maathagwa nî kîrîkanîro Kîam mbere.

1Joh 2:25

Kîveo kîrîa Kristû aatwîrîre nî mwoyo wa tene na tene.