2Maû 5:2 - ÎVUKU RÎA ÛVORO MWARO

² Mûthamaki Solomoni nîwacokire akîgomania atongoria onthe a mîvîrîga na a mbarî cia andû a Isiraeli kûu îtûûrarî rîa Jerusalemu; nîguo magîre îthandûkû rîa kîrîkanîro Kîam Ngai-Mûnene kuuma Zayuni, îtûûra rîa Daudi.

2Maû 5:2 Referencias Cruzadas

2Sam 5:7

(Nwatî Daudi nîwacunanire îtûûra rîu rîao rîa Zayuni, rîrîa rîairigîrîtwe na nthingo cia vinya mûno na rîgîcoka gwîtwa “Îtûûra rîa Daudi.”)

2Sam 6:12

Mûthamaki Daudi nîwegwire, atî Ngai-Mûnene nîarathimîte Obedi-edomu na kîrîa kîonthe arî nakîo vamwe na andû onthe a mûciî wake nîûndû wa îthandûkû rîa kîrîkanîro. Kwoguo nîwathiîre akîruta îthandûkû rîa kîrîkanîro mûciî kwa Obedi-edomu na akîrîvira îtûûrarî rîa Daudi na gîkeno kînene mûno.

1Maû 15:1

Daudi nîwatumire nyomba ciake îtûûrarî rîa Daudi. Nîwacokire akîrûtha vandû va kwiga îthandûkû rîa kîrîkanîro Kîam Ngai na agîtuma îgema rîarîo.

1Maû 15:12

Nake nîwamerire atîrî, “Mue mûrî anene a mbarî cia Alawi. Îtherieni na mûtherie andû enyu nîguo mûvote kûreta îthandûkû rîa kîrîkanîro Kîam Ngai-Mûnene, Ngai wa Isiraeli rîvirwe vandû varîa nîrîvarîrîtie.

1Maû 15:25

Mûthamaki Daudi, atongoria a Isiraeli na anene a athigari a mbaara nîmaathiîre makenete nyomba kwa Obedi-edomu kûgîra îthandûkû rîa kîrîkanîro Kîam Ngai-Mûnene.

1Maû 15:3

Daudi nîwagomanirie andû onthe a Isiraeli kûu Jerusalemu nîguo mavire îthandûkû rîa kîrîkanîro Kîam Ngai-Mûnene varîa aarîtumîrîte.

1Maû 16:1

Andû arîa maakuuîte îthandûkû rîa kîrîkanîro Kîam Ngai-Mûnene, nîmaarîtonyirie îgemarî rîrîa Daudi aarîtumîrîte. Nîmaacokire makîrutîra Ngai matega ma kûvîvua na matega ma thayû.

1Maû 24:31

Nao maagaîrwe mawîra ma mwanya na njîra ya gwikîrua mîtî wata ûrîa andû ao arîa maarî athînjîri-Ngai na maarî njiarwa cia Aroni meekire. Maaikîrue mîtî mbere ya mûthamaki Daudi, Zadoku, Ahimeleku, na anene a nyomba cia athînjîri-Ngai na Alawi.

1Maû 24:6

Shemaia mûvîcî wa Nethaneli wa kuuma mûvîrîgarî wa Lawi nîke warî mwandîki na nîwandîkire marîîtwa mao onthe. Mûthamaki, ndungata ciake, mûthînjîri-Ngai Zadoku, Ahimeleku mûvîcî wa Abiatha, na atongoria a nyomba cia athînjîri-Ngai na Alawi nîmaatuîkire aira.

1Maû 26:26

Shelomothi na andû a mûciî wao nîo maarî amenyereri a indo cionthe irîa ciamûrîrîtwe hekarû nî mûthamaki Daudi, na atongoria a mîciî, anene a athigari ngiri îmwe (1,000) anene a athigari îgana rîmwe (100) na anene engî a athigari.

1Maû 28:1

Mûthamaki Daudi nîwathanire anene onthe a Isiraeli magomane Jerusalemu. Nao anene onthe a mîvîrîga, anene a ikundi cia andû arîa maarutaga wîra wa mûthamaki, anene a athigari ngiri îmwe, anene a athigari îgana, atongoria arîa maamenyagîrîra indo na ndîthia ya mûthamaki, avîcî ake, anene a mûciî wa mûthamaki na athigari na andû arîa maarî îgweta nîmaagomanire Jerusalemu.

2Maû 1:4

(Kûnarî ûguo, îthandûkû rîa kîrîkanîro rîarî Jerusalemu rigîtwe îgemarî rîrîa mûthamaki Daudi aatumîte vîndî îrîa aarîretire kuuma Kiriathi-jearimu.)

2Maû 5:1

Ûguo nîguo mûthamaki Solomoni aarîkirie wîra wonthe wa hekarû. Nîwacokire akîrete indo cionthe irîa îthe Daudi aamûrîrîte Ngai-Mûnene na agîciga tûnyombarî twa hekarû twa kwigwa indo. Indo icio ciarî sîlûva, thaavu na indo cionthe cia hekarû.

2Maû 5:12

Alawi arîa maarî aini a nyîmbo na nîo Asafu, Hemani, Jeduthuni, anake ao vamwe na andû ao nîmaarûngamire mwena wa îrathîro wa metha ya kîgongoona mekîrîte nguo mbaro. Nîmaavûraga indo cia kwina ta: ithaani irîa iringithanagua na ngita. Athînjîri-Ngai îgana rîmwe rîa mîrongo îîrî (120) nîmaarûngamire vamwe nao makîvuvaga tûrumbeta.

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 87:2

Ngai-Mûnene nî endete îtûûra rîa Zayuni mûno, gûkîra matûûra marîa mengî ma Jakovu.

Alawi 9:5

Andû nîmaavirire mûromorî wa îgema rîa Ngai-Mûnene nyamû irîa Musa aathanîte, nao andû onthe a Isiraeli nîmaaûnganire vo nîguo magooce Ngai-Mûnene.

Ndari 10:33

Kwoguo andû a Isiraeli nîmaaumire kîrîmarî kîrîa kîtheru gîa Sinai, na makîthiî rûgendo rwa mîthenya îthatû. Îthandûkû rîa kîrîkanîro Kîam Ngai-Mûnene nîrîamatongorerie nîguo rîmacarîrie vandû va kwamba magema.

Ndari 10:36

Îthandûkû rîa kîrîkanîro rîarûngama, Musa nîwaugaga atîrî, “Ngai-Mûnene, coka kûrî andû ngiri makûmi meengî a Isiraeli!”