2Maû 4:8 - ÎVUKU RÎA ÛVORO MWARO

⁸ Nîwacokire agîtuma metha îkûmi na agîciga hekarûrî. Nîwaigire metha ithano mwena wa îveti na icio ciîngî ithano agîciga mwena wa rûgûrû. Nîwacokire akîrûtha mbakûri îgana rîmwe cia thaavu.

2Maû 4:8 Referencias Cruzadas

1Atha 7:48

Solomoni nîwarûthire indo cionthe irîa ciarî hekarûrî na thaavu, nacio ciarî: metha ya kîgongoona, metha îrîa yaigagîrîrwa mîgate îrîa yarutagîrwa Ngai-Mûnene,

2Maû 4:19

Kwoguo mûthamaki Solomoni nîwarûthire indo cionthe irîa ciarî hekarûrî na nîcio: Metha ya kîgongoona ya thaavu, metha cia kwigwa mîgate îrîa yamûrîrîtwe Ngai,

Isaia 25:6

Kîrîmarî gîkî gîa Zayuni, nîkuo Ngai-Mûnene mwene vinya wonthe akaavarîrîria andû onthe kîrugo Kîam nyamû noru, ndivei îrîa mbaro ya kûvivwa, nyamû noru irî na maguta mavîndîrî na ndivei îno ntheru îvivîtwe waro.

Ezek 44:16

Magaatonyaga hekarûrî na matungatage metharî ya kîgongoona na matongoragie kûgooca hekarûrî.

Zakaria 14:20

Vîndî îo mbugi irîa ciîthagîrwa ciîkîrîtwe mbarathi nîikaandîkwa “CIAMÛRÎRÎTWE NGAI-MÛNENE,” nacio nyûngû irîa irî hekarûrî ya Ngai ikethîrwa irî nyamûre wata mbakûri irîa irî metharî ya kîgongoona.

Malaki 1:12

Nwatî mue nîmûtûmaga rîîtwa rîa Ngai-Mûnene rîgîa na mûgiro rîrîa mwagwatia metha yakwa ya kîgongoona gîko, na matega marîa mûndutagîra nîmarînyararithagia.

1Akor 10:21

Mue mûtingîvota kûnyuîra gîkomberî Kîam Mwathani na mûcoke mûnyuîre gîkomberî Kîam ndaimono; mûtingîvota kûrîîra metharî ya Mwathani na mûcoke mûrîîre metharî ya ndaimono.