2Maû 4:6 - ÎVUKU RÎA ÛVORO MWARO

⁶ Mûthamaki Solomoni nîwacokire akîrûtha tûraî îkûmi twa kwîthambîria. Nîwaigire tûraî tûtano mwena wa îveti na tûtano mwena wa rûgûrû. Tûraî tûu twatûvûthagîra na kûthambîria indo cia matega ma kûvîvua, nwatî manjî ma îtangi maavûthagîrwa nî mûthînjîri-Ngai kwîthambia namo.

2Maû 4:6 Referencias Cruzadas

1Atha 7:38

Hiramu nîwacokire akîrûtha iraî îkûmi cia gîcango. Wa kîraî Kîamrî gîtûmîrwe nî gîkaari kîmwe. Wa kîraî Kîamrî na wariî wa mita îmwe na cendimita mîrongo înana na Kîamgîcaga mwîgana ta wa lita magana manana.

1Atha 7:40

Hiramu nîwacokire akîrûtha nyûngû, iciko cia gûtava na mbakûri. Kwoguo Hiramu nîwarîkirie wîra ûcio wonthe aarutagîra Solomoni wa kûmûrûthîra hekarû. Indo icio aarûthire ciarî;

2Maû 4:2

Nîwacokire agîtuma îtangi rîa manjî rîa gîcango. Îtangi rîu rîarî rîa ûrikîru wa mita igîrî na cendimita mîrongo îîrî (2.20), wariî wa mita inya na cendimita mîrongo îna na inya (4.44) na mûthiûrûrûko warîo warî wa mita îkûmi na ithatû na cendimita mîrongo îîrî (13.20).

Thaburi 51:2

Nthambia waganu wakwa wonthe, ûnthambie mevia makwa!

Ntha 29:4

“Ûcoke ûrete Aroni na avîcî ake mûromorî wa îgema rîa Ngai-Mûnene na ûmeere methambie na manjî.

Ntha 30:17

Ngai-Mûnene nîwerire Musa atîrî,

Ezek 40:38

Kîvarorî Kîam mwena wa nja kwarî na kanyomba gaatumîtwe kanyitanîte na gacîra ka gûtonya ka mwena wa ndarî. Mûromo wako waumîrîrîte kanyombarî ka gûtonya kîvarorî. Kanyombarî kau nîkuo kwathambagîrua nyamû irîa ciûragîtwe nîûndû wa magongoona ma kûvîvua.

Alawi 1:13

Mûndû ûcio nîakaathambia mara vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 1:9

Nwatî nîakaathambia mara ma ndegwa îo vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Ahib 9:23

Kwoguo kwarî na vata indo irîa ivuana irîa irî îgûrû itherue na njîra ya magongoona mau. Nwatî indo cio mene irîa irî îgûrû nî ivatarîte mûno kûtherua na magongoona maro gûkîra mau.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.