2Maû 4:2 - ÎVUKU RÎA ÛVORO MWARO

² Nîwacokire agîtuma îtangi rîa manjî rîa gîcango. Îtangi rîu rîarî rîa ûrikîru wa mita igîrî na cendimita mîrongo îîrî (2.20), wariî wa mita inya na cendimita mîrongo îna na inya (4.44) na mûthiûrûrûko warîo warî wa mita îkûmi na ithatû na cendimita mîrongo îîrî (13.20).

2Maû 4:2 Referencias Cruzadas

2Atha 25:13

Andû a Babuloni nîmoomomorire itugî cia cuuma ya gîcango irîa ciarî hekarûrî vamwe na inyamû irîa ciekariî ta ikaari na îtangi rîa cuuma ya gîcango, na makîvira cuuma cionthe cia gîcango Babuloni.

1Maû 18:8

Kuuma îtûûrarî rîa Tibuhathi na rîa Kuni, matûûra marîa maathagwa nî Hadadezeri, Daudi nîwatavire gîcango kîngî mûno. Gîcango kîu nîkîo Solomoni aavûthîre gûtuma îtangi (rîrîa rîetagwa Îria), itugî na indo cia hekarû.

2Maû 4:3

Ngurumo ya rûrengerero rwa îtangi mwena wa nja kwagemetue na mîvari îîrî ya mîvuanano ya ndegwa îrîthiûrûrûkîrîtie. Mîvari îo ya ndegwa yanyitanîte vamwe na îtangi.

Ntha 38:3

Nîwarûthire indo cionthe cia metha ya kîgongoona na indo icio ciarî: nyûngû, indo cia kûng'ara, mbakûri, mînyoge, na ngîo cia mwaki. Indo icio cionthe ciarûthîtwe na gîcango.

Ntha 38:8

Bezaleli nîwarûthire kîraî na vandû va gûkigîrîra. Cionthe ciarûthirwe na gîcango îrîa yarî ya aka arîa maatungataga mûromorî wa îgema rîa Ngai-Mûnene.

Zakaria 13:1

Ngai-Mûnene augîte atîrî, “Vîndî îrîa kavinda kau gagaakinya, karûnjî nîgakaavingûrwa ga kûthambia nyomba ya Daudi na andû arîa matûûraga Jerusalemu mevia mao na maûndû mao marîa macûku.

Tito 3:5

nîwatûvonokirie. Tûtiavonokirue nîûndû wa ûrîa twekîte ciîko mbaro, nwatî nîûndû wa ntha ciake. Aatûvonokirie na njîra ya Roho Mûtheru ûrîa watûtheririe, agîtûciara rîngî na agîtûva mwoyo mûcerû.

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.