2Maû 2:3 - ÎVUKU RÎA ÛVORO MWARO

³ Solomoni nîwatûmanire kûrî Hiramu, mûthamaki wa Turo na akîmwîra atîrî, “Mindîra mîtî ya mîtarakwe ta ûrîa wekire vava Daudi rîrîa wamwindîre mîtî ya gûtuma nyomba yake.

2Maû 2:3 Referencias Cruzadas

2Sam 5:11

Hiramu mûthamaki wa Turo nîwatûmire anjaama mathiî makavirîre Daudi mîtarakwe, vamwe na mafundi ma mbaû na ma nyomba cia mathiga nîguo mamûtumîre nyomba.

1Maû 14:1

Mûthamaki Hiramu wa Turo nîwatûmire anjaama kûrî Daudi, na agîtûma mîtî ya mîtarakwe, mavundi ma gûtuma na mathiga na mavundi ma mbaû nîguo magatumîre Daudi nyomba.

2Maû 13:11

Nîmarutagîra Ngai-Mûnene matega ma kûvîvua na ma ûbani ûrîa mûnungi waro vîndî cionthe kîraûko na kîvwaî. Nîmarutaga matega ma mîgate îrîa mîamûre na nîmamigagîrîra metharî îrîa ntheru, na nîmaakagia taa irîa irî vandû va thaavu varîa cigagîrîrwa kîvwaî wa kîvwaî. Twîkaga ûrîa Ngai-Mûnene, Ngai wetû athanîte, nwatî mue nî mûmûtiganîrîtie.

2Maû 24:14

Rîrîa wîra wa gûtuma hekarû wathirire, aruti wîra nîmaaretire mbeca irîa ciatigarire kûrî mûthamaki Joashi marî na mûthînjîri-Ngai Jehoiada. Nao nîmaatûmîre mbeca icio kûrûtha indo cia gûtûmîrwa hekarûrî: indo cia matega ma kûvîvua, mbakûri cia gwîkîrwa ûbani na indo cia thaavu na sîlûva. Nao nîmaarutaga matega ma kûvîvua hekarûrî wa mûthenya wa mûthenya mavinda monthe marîa Jehoiada aarî mwoyo.

2Maû 4:19

Kwoguo mûthamaki Solomoni nîwarûthire indo cionthe irîa ciarî hekarûrî na nîcio: Metha ya kîgongoona ya thaavu, metha cia kwigwa mîgate îrîa yamûrîrîtwe Ngai,

2Maû 8:13

Aarutaga magongoona mîthenya îrîa mîamûre kûringana na ûrîa watho wa Musa waugîte. Mîthenya îo nî: thavatû, karûngamo ka mweri, na vîndî ya irugo ithatû cia wa mwaka, na nîcio: kîrugo Kîam mîgate îtarî mîkîre ndawa ya kwimbia, kîrugo Kîam vîndî ya maketha, na kîrugo gîa tûnyomba.

Ezira 6:3

“Mwaka wa mbere Cairasi atuîka mûthamaki nîwathanire atî hekarû îrîa îrî Jerusalemu îgatumwe rîngî nîûndû nîkuo magongoona makaarutagîrwa na matega ma kûvîvua. Hekarû îo îkethîrwa îrî ya wariî wa mita 27 na ûraca na îgûrû wa mita 27.

Nehemia 10:34

Tue, athînjîri-Ngai, Alawi, na andû acio engî, tûgaikagia mîtî wa mwaka nîguo tûmenye mavinda marîa wa mbarî îkaaretaga ngû na matega ma kûvîvua metharî ya kîgongoona ya Ngai-Mûnene, Ngai wetû, wata ûrîa kwandîkîtwe Wathorî.

Ntha 25:30

Nayo metha igwe mbere ya îthandûkû rîa kîrîkanîro. Na îgûrû rîayo vethagîrwe vîndî cionthe varî na mûgate ûrîa nyamûrîrîtwe.”

Ntha 29:38

“Ino nîcio indo irîa ûkaarutaga metharî ya kîgongoona mûthenya wa mûthenya: ndûrûme igîrî cia ûkûrû wa mwaka ûmwe.

Ntha 29:39

Ûkaarutaga ndûrûme îmwe kîraûko na îo îngî kîvwaî.

Ntha 29:41

Rutaga ndûrûme ya kaîrî kîvwaî vamwe na kilo îmwe ya mûtu ûrîa mûvinyu wa ngano, na lita îmwe ya maguta, na lita îmwe ya ndivei wata îrîa ya kîraûko. Mûtararûko wa matega mama nîûkenagia Ngai-Mûnene.

Ntha 30:7

Aroni akaavîvagîria ûbani mûnungi waro îgûrû rîa metha ya kîgongoona iraûko cionthe rîrîa agûka gwakia taa.

Alawi 23:2

“Îra andû a Isiraeli, atî ino nîcio irugo cia Ngai-Mûnene irîa ciamûrîtwe ikûngûagîrwe rîrîa magomanîte vamwe nîûndû wa kûgooca.

Alawi 9:17

Nîwacokire akîvira îtega rîa irio cia mûgûnda, agîkumbata ngundi îmwe îcûrîte na akîivîvîria îgûrû rîa metha ya kîgongoona vamwe na matega marîa maarutagwa iraûko cionthe.

Ndari 28:11

“Kîambîrîria Kîam wa mweri wonthe mûkaarutagîra Ngai-Mûnene îtega rîa kûvîvua rîa ndegwa igîrî itarî ngûrû, ndûrûme îmwe, na tûtûrûme mûgwanja twa ûkûrû wa mwaka ûmwe na tûtarî na wonje.

Ndari 28:9

“Mûthenya wa thavatû mûkaarutaga îtega rîa tûtûrûme twîrî tûtarî na wonje twa ûkûrû wa mwaka ûmwe, kilo igîrî cia mûtu ûtukanîtue na maguta ma ndamaiyû rîrî îtega rîa irio cia mûgûnda, na îtega rîa ndivei.