2Maû 1:8 - ÎVUKU RÎA ÛVORO MWARO

⁸ Nake Solomoni nîwacokerie Ngai atîrî, “Nîûronagia vava Daudi wendo ûtathiraga, na nî ûrandwire mûthamaki vuva wake.

2Maû 1:8 Referencias Cruzadas

2Sam 22:51

Ngai-Mûnene nîatûmaga mûthamaki wake agîe na ûvootani mûnene. Nîwonanagia wendo wake ûtathiraga kûrî mûndû ûrîa ke athuurîte, kûrî Daudi na njiarwa ciake tene na tene.

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

1Maû 17:16

Mûthamaki Daudi nîwacokire akîthiî îgemarî rîa Ngai-Mûnene, agîkara nthî na akiuga atîrî, “Nie nîrî û Ngai-Mûnene, Ngai. Mûciî wakwa nî ndûî nîguo ûnginyîrie maûndû mama monthe?

1Maû 28:5

Ngai-Mûnene nîwamvere anake eengî na gatagatîrî kao onthe nîwathuurire Solomoni ekarîre gîtî Kîam ûthamaki wa Ngai-Mûnene nîguo athamakîre Isiraeli.

1Maû 29:23

Kwoguo Solomoni nîwekarîre gîtî Kîam ûthamaki wa Ngai-Mûnene na agîtuîka mûthamaki vuva wa îthe Daudi. Ûthamaki wake nîwevandire na andû onthe a Isiraeli nîmaamwathîkagîra.

1Maû 29:28

Daudi aakwire arî mûthuuri mûkûrû, warî na ûtonga mwîngî na gîtîîo. Mûvîcî Solomoni nîwatuîkire mûthamaki vuva wake.

Thaburi 86:13

Wendo waku ûtathiraga kûrî nie nî mûnene, nîûmvonoketie kuuma ûgwatirî wa gîkuû.

Thaburi 89:49

Mwathani, wendo waku ûtathiraga ûrîa warî naguo mbere, ûrîa werîre Daudi na mwîvîtwa ûrî kû?

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.