1Tim 3:7 - ÎVUKU RÎA ÛVORO MWARO

⁷ Agîrîrwe nî kwîthîrwa arî mûtîîe nî andû arîa matarî a kanitha, nîguo ndagaconorwe nîo na ndakagwe mûtegorî wa Ngoma.

1Tim 3:7 Referencias Cruzadas

Maariko 4:11

Nake nîwamacokerie atîrî, “Mue mûrî aguûrîrie nthitho ya ûthamaki wa Ngai. Nwatî andû arîa engî megucaga maûndû na ngerekano, nîguo,

Ciîko 10:22

Nao nîmaamûcokerie atîrî, “Tue nîkwa tûtûmîrwe nî Korinelio ûrîa wîthagîrwa arî mûnene wa athigari îgana. Ke nî mûndû mûthingu, wîtigîrîte Ngai, na ûvetwe gîtîîo nî rûrîrî ruonthe rwa Ayahudi. Mûraika wa Ngai aramwîrire agûtûmanîre ûthiî gwake mûciî nîguo egue ûrîa we ûkuga.”

Ciîko 22:12

“Na kûu îtûûrarî rîu nîkwarî na mûndû wetagwa Anania. Ke nîwathîkagîra Watho wa Musa mûno na nîwavetwe gîtîîo mûno nî Ayahudi onthe arîa maatûûraga kûu Damesiki.

Ciîko 6:3

Kwoguo, ariû na aarî a Îthe wetû gatagatîrî kenyu thuurani arûme mûgwanja marî na ngumo mbaro, mecûrîtwe nî Roho Mûtheru na marî na ûûgî mwîngî. Tue nîtûkûmava wîra ûcio marute.

1Akor 10:32

Tûûrani na njîra îtangîtûma kûgîa na thîna kûrî Ayahudi kana Angiriki kana kanitha wa Ngai.

1Akor 5:12

Wîra wakwa tî wa gûtuîra arîa marî nja ya kanitha. Nwatî mue mwagîrîrwe nî gûtucagîra andû arîa marî ndaarî ya kanitha.

2Akor 6:3

Tue nîtûgeragia mûno tûtigatuîke mûvînga kûrî mûndû nîguo gûtikagîe mûndû ûngîona wîra wetû ûrî mûcûku.

2Akor 8:21

Mûvango wetû nî gwîka ûrîa kwagîrîrîte mbere ya Mwathani na mbere ya andû.

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.

1Ath 4:12

Mweka ûguo, mûkaavecagwa gîtîîo nî andû arîa matetîkîtie na mûtikeevokaga mûndû wana ûrîkû amûve kîrîa mûvatarîte.

1Ath 5:22

na mûragîre maûndû monthe macûku.

1Tim 3:6

Mûtongoria wa kanitha agîrîrwe nî kwîthîrwa arî mûndû ûtarî mwîthî wîtîkiorî, nîguo ndakagîe na mwîtîîo mwîngî na atuîrwe wata ûrîa Ngoma aatuîrîrwe.

1Tim 5:14

Kwoguo nîrona kwagîrîrîte aka a ndigwa arîa ethî mavike, magîe na ciana na mamenyerere mîciî yao. Meka ûguo, nthû cietû itikaagîa na kamweke ga gûtûruma.

1Tim 6:9

Nwatî andû arîa meriragîria gûtonga nîmagûcaga mageriorî na mûtegorî wa kwîrirîria maûndû ma ûrimû na ma kûmacûkangia.

2Tim 2:26

Na njîra ta îno nwa mecokere na makaûrîra mûtego wa Ngoma ûrîa wamagwatire na agîtûma mekage ûrîa ke akwenda.

Tito 2:5

Nîmagîrîrwe nî kwînyitagia maûndûrî na kwîthagîrwa marî atheru, na marî aka aro a mûciî. Nîmagîrîrwe nî kwathîkîra arûme ao, nîguo arûme matikagîe na ûndû ûngîcambithia ndûmîrîri ya Ngai.

Tito 2:8

Aragia ûvoro wa ma ûrîa ûtangîrutwa mavîtia nîguo arîa mareganaga nawe maconokage nîûndû matirî na ûndû mangîtûthitanga naguo.

3Joh 1:12

Andû onthe maragia maûndû maro megiî Demetirio. Ûma guo mwene nîwaragia ûvoro mwaro ûmwîgiî. Wanatue nîtwaragia maûndû maro mamwîgiî na nîmwîcî atî maûndû marîa twaragia nîma ma.

1Sam 2:24

Tigani gwîka maûndû mau rîngî anake akwa! Nîûndû ûvoro ûcio nîregua andû a Ngai-Mûnene makîaria îgûrû rîenyu tî mwaro!