1Tim 2:4 - ÎVUKU RÎA ÛVORO MWARO

⁴ ûrîa wendaga andû onthe mavonoke na mamenye ûvoro wa ma.

1Tim 2:4 Referencias Cruzadas

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Isaia 55:1

Ngai-Mûnene arauga atîrî, “Mue muonthe arîa anyondu ûkani mûnyue manjî! Ûkani, wanamue mûtarî na mbeca, gûrani irio mûrîe! Ûkani! Gûrani ndivei na îriia, mûtarî na mbeca na mûtarî kîndû!

Ezek 18:23

Mûreciria nwa ngenerere gîkuû Kîam mûndû mwîvia? Ûguo nîguo Ngai-Mûnene araûria? Naarî. Kinthî tîkava agarûrûke atige njîra îo atûûre mwoyo.

Ezek 18:32

Nie ndikenagîra gûkua kwa mûndû wa wonthe, ûguo nîguo Ngai-Mûnene augîte. Kwoguo garûrûkani nîguo mûtûûre mwoyo.”

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Habakuku 2:14

Nîûndû nthî yonthe nîgecûra ûmenyo wa riiri wa Ngai-Mûnene, wata ûrîa manjî mecûraga îriarî.

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Maariko 16:15

Nake Jesû nîwamerire atîrî, “Thiîni nthî yonthe mûkavunjîrie andû onthe ûvoro mwaro.

Luka 1:77

Nîûkaamenyithia andû ake atî nî makaavonokua, na njîra ya kwoverwa mevia mao.

Luka 14:23

Mûnene wa ndungata îo nîwamîrire atîrî, ‘Thiî varavararî wa na tûcîrarî tûrîa tûrî nja ya îtûûra rîîrî ûringîrîrie andû maûke nîguo nyomba yakwa îcûre.

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 17:17

Mamûre matuîke aku ûvororî wa ma. Ciugo ciaku nî cia ma.

Johana 6:37

Andû onthe arîa Vava amvete nîmagûka kûrî nie. Na nie ndirî vingo ngeengata mûndû wa wonthe ûrîa ûûkaga kûrî nie.

Aroma 11:14

nîguo ndûme andû a rûruka rwakwa na nîo Ayahudi megue wîru, na na njîra îo, ndethie amwe kûvonoka.

1Tim 4:10

Ûvoro ûyû nîguo ûtûmaga tûthînîke na tûrute wîra na vinya, nîûndû tûrî na kîîrîgîrîro kûrî Ngai mûtûûra mwoyo ûrîa arî ke Mûvonokia wa andû onthe na makîria arîa metîkîtie.

2Tim 2:25

Nîwagîrîrwe nîkwîthîrwa ûrî mûvoreri rîrîa ûgûtaara andû arîa magûkararagia, nîûndû Ngai avota kûmava kamweke ga kwîrira na makamenya ûvoro wa ma.

2Tim 3:7

Aka aya nîmageragia kûthoma maûndû nwatî matingîmenya ûma.

Tito 1:1

Kuuma kûrî Paûlo ndungata ya Ngai na mûtûmwa wa Jesû Kristû. Nie naathuurirwe na ngîtûmwa ngatethererie andû arîa athuure nî Ngai ûvororî wa gwîtîkia na nîmamenyithie ûvoro wa ma, ûrîa ûthomithanîtue nî ndini yetû.

Tito 2:11

Ngai nîwonanîtie wega wake ûrîa ûretagîra andû onthe a nthî ûvonokio.

Ahib 10:26

Ethîrwa nwa twîvie na rûtûrîko vuva wa kûmenya ûvoro ûrîa wa ma, gûtirî îgongoona rîngîvota kûrutwa rîa kûthengutia mevia.

Jakuvu 3:14

Nwatî ethîrwa ngororî cienyu mûrî na wîru, ûrûrû na wîyendi, mûtigetîîe na ûûgî wenyu, nîûndû mweka ûguo nî mûreganîte na ûma.

2Pet 3:9

Mwathani ndavingagia ciîranîro ciake arî na ûtururu ta ûrîa andû amwe meciragia. Vandû va ûguo nîamûkiragîrîria nîûndû gûtirî mûndû wana ûmwe endaga akaaûra, nwatî endaga andû onthe merire mevia mao.

2Joh 1:1

Nie mûthuuri nîrandîkîra mûndûmûka mûtîîe wa vamwe na ciana ciake arîa mendete mûno. Twa nie nienga nîmwendete, nwatî nîmwendetwe nî arîa onthe mecî ûma.

Kûguû 14:6

Nie nînaacokire ngîona mûraika wîngî agûrûkîte îgûrû rîerarî. Mûraika ûcio aarî na ûvoro mwaro wa tene na tene wa kûvunjia kûrî andû arîa matûûraga nthî, kûrî iruka cionthe, mbarî, nthiomi, na mavûrûri monthe.