1Tim 2:3 - ÎVUKU RÎA ÛVORO MWARO

³ Ûndû ûyû nî mwaro na nîûkenagia Ngai Mûvonokia wetû,

1Tim 2:3 Referencias Cruzadas

Isaia 45:21

Umbûrani na mwîtetere; tigani andû maciire marî vamwe. Nû waririe maûndû mama wa tene? Anga tî nie Ngai-Mûnene? Gûtirî ngai îngî tiga nie, nînie Ngai mûthingu na Mûvonokia; gûtirî ngai îngî tiga nie.

Luka 1:47

na roho wakwa nî ûkenete, nîûndû wa Ngai Mûvonokia wakwa,

Aroma 14:18

Rîrîa andû matungatîra Kristû na njîra ta îno, nîmakenagia Ngai na magetîkîrwa nî andû arîa engî.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Afil 4:18

Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

1Tim 1:1

Nie Paûlo mûtûmwa wa Jesû Kristû na mvetwe wathani nî Ngai Mûvonokia wetû, na Jesû Kristû ûrîa twîrîgîrîrîte,

1Tim 4:10

Ûvoro ûyû nîguo ûtûmaga tûthînîke na tûrute wîra na vinya, nîûndû tûrî na kîîrîgîrîro kûrî Ngai mûtûûra mwoyo ûrîa arî ke Mûvonokia wa andû onthe na makîria arîa metîkîtie.

1Tim 5:4

Nwatî ethîrwa mûndûmûka wa ndigwa arî na ciana kana aa ûcûwe, mbere nîmagîrîrwe nî kûmenya ûrîa magîrîrwe nî gûtethia mûciî wao ta ûrîa mûkristiano agîrîrwe nî gwîka. Na njîra ta îno makaarîvaga aciari ao, nîûndû ûndû ûcio nîguo ûkenagia Ngai.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.

Ahib 13:16

Mûtikariganîrwe nî gwîka waro na gûtethania mûndû na ûrîa wîngî, nîûndû mama nîmo magongoona marîa makenagia Ngai.

1Pet 2:20

Nî umithio ûrîkû mûndû angîgîa naguo rîrîa aûmîrîria ndivo ya kûmûverithia nîûndû wa gwîka naaî? Nwatî mûndû ûrîa ûmagîrîria rîrîa arathînua nîûndû wa gwîka waro, nîarathimagwa nî Ngai.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.