1Tim 2:2 - ÎVUKU RÎA ÛVORO MWARO

² Voyagîrani athamaki na anene onthe nîguo twîkarage tûkirîrîtie, tûrî na thayû, twînyivîtie mbere ya Ngai na tûrî na mîtugo mîaro.

1Tim 2:2 Referencias Cruzadas

2Sam 20:19

Tûrî andû a îtûûra înene gûkû Isiraeli. Tûrî andû arîa mendete thayû na evokeku mûno gûkû Isiraeli. Ûrenda gûcûkangia îtûûra nîkî? Nîndûî kîratûma wenda gûcûkangia kîrîa Ngai-Mûnene ethuurîrîte?”

Ezira 6:10

Maûndû mau nîmekagwe nîguo athînjîri-Ngai marutage magongoona marîa makenagia Ngai wa îgûrû, na mavoyagîre mûthamaki na avîcî ake.

Nehemia 1:11

We Mwathani, thikîrîria mavoya makwa na mavoya ma ndungata icio ciîngî ciaku irîa irenda gûgûkumia ikenete. Ûmûnthî va ndungata yaku ûvootani na ûtûme mûthamaki ambîguîre ntha.” Vîndî îo nînie naarî ndungata yake ya kûmenyerera ndivei.

Thaburi 72:1

Onagîrîria mûthamaki gûtua ciira na kîvooto, we Ngai; na ûmûgaagîre ûthingu waku,

Nthi 24:21

Mwana wakwa îtigîre Ngai-Mûnene na ûtîîe mûthamaki, ndûkanyitanîre na arîa maregaga kwathîkîra Ngai-Mûnene kana mûthamaki.

Jeremia 29:7

Caragiani thayû wa îtûûra rîrîa natûmire mûthamîrue na mûvoyage Ngai-Mûnene nîûndû warîo, nîûndû maûndû mao nîmagûtuîka maro.

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Luka 2:25

Vîndî îo kwarî na mûndû ûmwe wetagwa Simioni na watûûraga Jerusalemu. Mûndû ûcio nîwatûûrîte arî mûthingu, atîîte Ngai mûno na etererete kavinda karîa Ngai angîguîra Isiraeli ntha amavonokie. Nake Roho Mûtheru aarî vamwe nake.

Ciîko 10:22

Nao nîmaamûcokerie atîrî, “Tue nîkwa tûtûmîrwe nî Korinelio ûrîa wîthagîrwa arî mûnene wa athigari îgana. Ke nî mûndû mûthingu, wîtigîrîte Ngai, na ûvetwe gîtîîo nî rûrîrî ruonthe rwa Ayahudi. Mûraika wa Ngai aramwîrire agûtûmanîre ûthiî gwake mûciî nîguo egue ûrîa we ûkuga.”

Ciîko 24:16

Kwoguo vîndî cionthe nie ngeragia gwîka wa ûrîa nîngîvota, nîguo mbîthagîrwe nîrî na thamiri ntheru methorî ma Ngai na ma andû.

Aroma 12:18

Geragiani mûno wa ûrîa mûngîvota gûtûûrania na andû onthe mûrî na thayû.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

1Ath 4:11

Îkaragani mûtarî na înegene, mûkîmenyagîrîra maûndû menyu na mûkîrutaga wîra na njara cienyu nîguo mwîyonagîre kîndû gîa kûrîa wata ûrîa twamwîrire.

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.