1Tim 1:9 - ÎVUKU RÎA ÛVORO MWARO

⁹ Nîmwîcî atî watho ndwatuirwe nîûndû wa andû arîa aro, nwatî watuirwe nî ûndû wa andû arîa maunaga watho, arîa aganu, arîa matecî Ngai, arîa evia, arîa matavoyaga Ngai na maragia ûcûku wake, arîa maûragaga aciari ao na aûragani.

1Tim 1:9 Referencias Cruzadas

2Sam 16:11

Daudi nîwerire Abishai na ndungata ciake cionthe atîrî, “Ethîrwa mûvîcîwa ke mwene nîarenda kûmbûraga, kinthî Mûbenjamini ûyû ndangîmbîka maûndû macûku makîria? Ngai-Mûnene nîke ûmwîrîte arumane, kwoguo tiganani nake arumane.

2Atha 19:37

Vîndî îmwe akîgooca arî hekarûrî ya Nisiroki, ngai yake, anake ake aîrî: Adurameleki na Sharezeri, nîmaamûragire na mviû na magîcoka makîûrîra vûrûrirî wa Ararati. Nake mwanake wake wetagwa Esarihadoni nîwatuîkire mûthamaki vuva wake.

2Maû 32:21

Nake Ngai-Mûnene nîwatûmire mûraika na nîwathiîre akîûraga athigari arîa maarî njamba, anene a athigari a mbaara na anene onthe arîa maarî kûrîa mûthamaki wa Asîria aambîte magema. Kwoguo mûthamaki wa Asîria nîwacokire vûrûrirî wake aconokete mûno. Rîrîa aathiîre hekarûrî ya ngai yake, amwe a avîcî ake nîmaamûragire na mviû.

Ntha 20:13

“Ndûkaûragane.

Ntha 21:14

Nwatî mûndû angîrakara na aûrage mûndû wîngî, ke nî akaaûragwa wana angîthîrwa nî aûrîte akathiî metharî yakwa ya kîgongoona nîguo ndakaûragwe.

Nthi 20:20

Mûndû ûrîa ûrumaga îthe kana ng'ina, ûtûûro wake ûthiraga ta taa îvorete vîndî ya nduma.

Nthi 28:17

Mûndû ûrîa ûraganîte atûûraga aûrûraga nginya rîrîa agaakua, mûndû ta ûcio ndagîrîrwe nî gûtethua.

Nthi 28:24

Mûndû ûrîa wîaga indo cia îthe kana ng'ina akînauga atîrî, “Mau tî mavîtia;” ndarî ngûrani na aîi arîa engî.

Nthi 30:11

Kûrî andû marumaga methe na maticokagia ngatho kûrî aa ng'ina.

Nthi 30:17

Mûndû ûrîa ûnyararaga îthe, na akarega kwathîkîra ng'ina, akaarîwa nî ikûngûrû na ndiiû.

Jeremia 23:11

Ngai-Mûnene arauga atîrî, “Arathi na athînjîri-Ngai matirî na ûngai, nîrîmwonu magîka maûndû ma waganu nyombarî yakwa.

Ezek 21:25

“Nawe we mûtongoria wa Isiraeli, mûtongoria mwaganu na ûtarî mûtheru, mîthenya yaku ya îverithia rîa mûthiia nîmîkinyu.

Alawi 20:9

Ngai-Mûnene nîwaugire atî, mûndû wa wonthe ûkaaruma îthe kana ng'ina nîakaaûragwa. Gîkuû Kîam mûndû ûcio gîkaaumana na gîîko gîake ke mwene.

Mathaayo 10:21

“Andû nîmakaanenganîra aa mûrwang'ina nîguo maûragwe, namo methe nîmageka wata ûguo kûrî ciana ciao. Ciana nîigaaûkîrîra aciari acio, na imaûragithie.

Aroma 1:30

Nîmagutanaga na makaria ûcûku wa andû arîa engî. Nîmathûrîte Ngai; nî arumani na meciragia wa ûrîa mangîka naaî, nî ecaari na matiathîkagîra aciari ao.

Aroma 4:13

Rîrîa Ngai eerîre Iburahimu na njiarwa ciake atî nthî yonthe îkeethîrwa îrî yake, ekire ûguo nîûndû Iburahimu nîwetîkirie na agîtuwa mûthingu nî Ngai, nwatî tî nîûndû nîwathîkagîra Watho.

Aroma 5:20

Watho wekîrirwe nîguo andû mevie mûno. Nwatî wa ûrîa mevia mongererekaga, wega wa Ngai nîwongererekaga makîria.

Aroma 6:14

Mevia matiagîrîrwe nî kûmwatha nîûndû mûtitûûraga rungu rwa watho, nwatî mûtûûraga rungu rwa wega wa Ngai.

Agal 3:19

Watho warî wakî? Watho wongerererwe kûrî kîrîkanîro nîguo wonanie maûndû marîa macûku nginya rîrîa rûciaro rwa Iburahimu rûgaûka, rûrîa rwerîrîtwe kîîranîro kîu. Watho wanenganîrwe kûvîtûkîrîra kûrî Araika na kûrî mûndû ûrîa wegwithanagia andû na Ngai.

Agal 5:18

Ethîrwa mûtongoragua nî roho, mûtirî rungu rwa watho.

Agal 5:21

Rwetho, ûrîu na gwîka ciîko cia gwîkenia nîûndû wa kûrîwa, na gwîka maûndû mengî ma mîthemba ta îo. Nîngûmûkaania wata ûrîa naamûkanirie wa rîngî, atî andû arîa mekaga maûndû ta mau matikagaa ûthamaki wa Ngai.

Agal 5:23

ûvoreri na kwîrigîrîria merirîria ma kîîmwîrî. Gûtirî watho ûreganîte na maûndû ta mama.

Gûco 27:16

“ ‘Kûnyitwa nî kîrumi nî mûndû ûrîa ûtatîîaga îthe kana ng'ina.’ “Nao andû onthe nîmakaauga, ‘Ameni!’

2Ath 2:8

Vîndî îo Mûndû ûcio Mwaganu nîakoonanua. Nwatî rîrîa Mwathani Jesû agaaûka nîakaamûraga na mîruke kuuma kanyuarî gake na amûthirie na njîra ya kwîyumîria arî na riiri.

1Tim 4:7

Ndûkathikîrîrie ng'ano itarî vata na itarî cia Ngai. Îîthomithie gwîkara na mûtûûrîre wa Ûngai.

1Tim 6:20

Timotheo, menyerera kîndû kîrîa Ngai akwîvokerete. Ndûkathikagîrîrie mîario îtarî na ûngai na ngarari cia ûrimû irîa andû amwe maugaga atî nî ûmenyo na tîguo.

2Tim 2:16

Îîthemage mîario îtarî ya ûngai nîûndû nîtûmaga andû maracavanîrîrie na Ngai.

2Tim 3:2

Nîûndû andû nîmagaatuîka eyendi, akorokeru mbeca, egani, arumani, andû matangîathîkîra aciari ao, andû matarî ngatho na matarî ndini.

Tito 1:10

Nama kûrî andû eengî, na makîria arîa maumîte ndinirî ya Ayahudi, arîa makararagia na makaveenia andû na maûndû mao matarî vata.

Tito 1:16

Maugaga atî nîmecî Ngai nwatî ciîko ciao nîireganîte na ûvoro ûcio. Nîmathwîre andû arîa engî, matiathîkaga na matingîvota gwîka ûndû mwaro.

Tito 1:6

nwa nginya mûthuuri wa kanitha ethagîrwe atarî na ûcuke, na ethîrwe avikîtie mûndûmûka ûmwe. Ciana ciake nwa nginya ciîthagîrwe ciîtîkîtie Jesû Kristû, irî na ngumo mbaro na irî mbathîki.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Ahib 11:31

Wîtîkio nîguo wagiririe Rahavu mûndûmûka ûrîa warî mûmaraa aûragwe vamwe na andû arîa maaregire kwathîkîra Ngai, nîûndû nîwanyitire athigani a Isiraeli ûgeni.

Ahib 12:16

Mûndû wana ûrîkû ndakanatuîke mûmaraa kana mûndû ûtarî na Ûngai ta Esaû. Esaû nîwendirie ûrikithathi wake irio cia îrîa rîmwe.

1Pet 2:7

Kûrî arîa mwîtîkîtie îthiga rîîrî nî rîa goro, nwatî kûrî arîa mûtetîkîtie: “Îthiga rîrîa rîaregirwe nî atumi a nyomba, nîrîo rîtuîkîte rîa vata mûno, gûkîra marîa mengî monthe.”

1Pet 3:20

Maaroho mau nî ma andû arîa maaregire kwathîkîra Ngai vîndî îrîa eetererete akirîrîrîtie Nuhu atume thavina. Nî andû anana tu arîa maarî thavinarî maavonokirue na njîra ya manjî.

1Pet 4:18

Wa ta ûrîa mandîko matheru maugîte: “Ethîrwa kûrî na vinya mûndû mûthingu kûvonoka rî; gûgaatuîkîka atîa kûrî arîa matarî na ûngai na mevagia?”

Juda 1:15

gûtuîra andû onthe. Ke nîakaaverithia arîa onthe matarî na ûngai, nîûndû wa ciîko cionthe njûku maneka, na averithie evia arîa onthe manaria ciugo njûku cia gûcambithia Mwathani!”

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.