1Tim 1:6 - ÎVUKU RÎA ÛVORO MWARO

⁶ Andû amwe nîmatiganîte na maûndû mama na magetonyia mîariorî îtarî na vata.

1Tim 1:6 Referencias Cruzadas

Mathaayo 18:12

Mûreciria mûndû ûrîa wîthagîrwa na ng'ondu ciake îgana rîmwe, na îmwe ya cio yûre ekaga atîa? Ke nîatiganagîria icio ciîngî mîrongo kenda na kenda nakûu irîmarî na akathiî gûcaria ng'ondu îrîa yûrîte.

1Tim 5:15

Nîûndû aka amwe a ndigwa nîmagarûrûkîte na makarûmîrîra Caitani.

2Tim 2:18

Andû aya nîaumu ûvororî wa ma, nîûndû mavunjagia atî ûvoro wa kûriûka nîwavîtûkire, kwoguo magacûkia wîtîkio wa andû amwe.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.

Tito 1:10

Nama kûrî andû eengî, na makîria arîa maumîte ndinirî ya Ayahudi, arîa makararagia na makaveenia andû na maûndû mao matarî vata.

Tito 3:9

Nwatî îthemage ngarari cia ûrimû, ng'ano ciîgiî mûtaratara mûraca wa methe ma tene, na nyamûkano na mateta ma ûvoro wîgiî Watho. Maûndû mau matirî vata na gûtirî kîndû magunaga.