1Tim 1:5 - ÎVUKU RÎA ÛVORO MWARO

⁵ Nîrakwatha ûguo nîguo mûrurumûkie wendo ûrîa umaga ngororî ntheru, thamirirî mbaro na wîtîkiorî wa ma.

1Tim 1:5 Referencias Cruzadas

Thaburi 24:4

Nî andû arîa marî ciîko mbaro na marî meciria matheru, arîa matagoocaga mîvuanano, na matevîtaga na ûndû wa maveeni.

Thaburi 51:10

Nyûmbîra ngoro ntheru, we Ngai, na ûmbîkîre ngoro njerû na mbathîki.

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Zefania 3:7

Neîraga atî, nama andû akwa makanîtigîra, na metîkîre ngîmarûnga, nao matikariganîrwa nî ûrîa namaverithîtie. Nwatî andû ake nîmaathiîre na mbere kwîrirîria mûno gwîka maûndû mao macûku.”

Mathaayo 12:35

Mûndû mwaro aragia maûndû maro marîa aigîte ngororî yake. Nake mûndû mûcûku aragia maûndû macûku marîa aigîte ngororî yake.

Mathaayo 5:8

Kûrathimwa nî arîa atheru ngoro, nîûndû nîmakoona Ngai!

Ciîko 15:9

Ngai nîwonanirie atî gûtirî ngûrani gatagatîrî getû nao. Ke nîwamovere mevia mao nîûndû nîmeetîkirie.

Ciîko 23:1

Paûlo nîwaroririe athuuri a Kîamma araûkîtie mûno na akiuga atîrî, “Ariû na aarî a îthe wetû, methorî ma Ngai nie nîndûûrîte nîrî na thamiri ntheru nginya mûthenya ûyû wa ûmûnthî.”

Ciîko 24:16

Kwoguo vîndî cionthe nie ngeragia gwîka wa ûrîa nîngîvota, nîguo mbîthagîrwe nîrî na thamiri ntheru methorî ma Ngai na ma andû.

Aroma 10:4

Nîûndû Kristû nîwathiririe watho nîguo mûndû wa wonthe ûmwîtîkîtie etîkîrîke nî Ngai.

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

Aroma 14:15

Ethîrwa irio irîa ûrîcaga nîitûmaga mûrwanyûkwe egue naaî, we ndûreka ciîko cia wendani. Ndûgetîkîre kîrîa ûkûrîa gîcûkie wîtîkio wa mûndû ûrîa Kristû aakwire nîûndû wake.

Aroma 9:1

Nie nîraria ûma nîrî ndaarî ya Kristû. Thamiri yakwa îrîa yathagwa nî Roho Mûtheru nî mûira wakwa atî ndirathaana.

1Akor 13:1

Nie nwa mbarie nthiomi irîa ciaragua nî andû na irîa ciaragua nî araika. Nwatî ethîrwa ndirî na wendani, mîario yakwa îkariî ta ithaani irîa iringithanagua ikagamba kana ta ngengere îkîgamba.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Gûco 10:12

“Rîu mue andû a Isiraeli, na kinthî maûndû marîa Ngai-Mûnene Ngai wenyu endaga kuumana namue tî kûmwîtigîra, kûrûmîrîra njîra ciake cionthe, kûmwenda, kûmûtungatagîra na ngoro yonthe na mwoyo wonthe,

1Tim 1:18

Timotheo mwana wakwa, nîrakwatha wîkage maûndû mama nîûndû nîmaringanîte na maûndû marîa maarathirwe makwîgiî. Tûmîra ciugo icio irî ta indo cia mbaara nîguo ûvote kûrûa waro.

1Tim 1:19

Îthagîrwa ûrî na wîtîkio na thamiri mbaro. Andû amwe matithikagîrîria thamiri ciao na nîmatete wîtîkio wao.

1Tim 3:9

Nîmaagîrîrwe nî kwîthîrwa mekindîrîtie nthithorî ya wîtîkio na marî na thamiri ntheru.

2Tim 1:3

Nie nînjokagîria Ngai ngatho ûrîa ndungataga na thamiri itarî na ûcuke. Methe metû ma tene nwaguo meekaga. Nînjokagîria Ngai ngatho vîndî îrîa ngûkûririkana mavoyarî makwa thaa cionthe ûtukû na mûthenya.

2Tim 1:5

Nîndirikanaga wîtîkio waku ûrîa ûtarî ûvinga. Wîtîkio wata ûyû nîguo warî na ûcûguo Loisi na nyûkwe Eunîci. Nîrî nama atî wîna wîtîkio wata ûcio wao.

2Tim 2:22

Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.

Tito 1:15

Indo cionthe nî ntheru kûrî andû arîa atheru. Nwatî kûrî andû arîa aganu na matetîkîtie gûtirî kîndû kîtheru nîûndû meciria mao na thamiri ciao nî ino nthûkangie.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 13:18

Tûvoyagîreni. Tûrî nama atî thamiri cietû nî ntheru, nîûndû twendaga gwîka ûrîa kwagîrîrîte mavindarî monthe.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 3:16

Nwatî îkagani ûguo mûrî na ûvoreri na gîtîîo. Îthagîrwani mûrî na thamiri ntheru, nîguo andû arîa maragia ûndû mûcûku ûmwîgiî nîûndû nîmûrûmagîrîra Kristû, maconokage.

1Pet 3:21

Na manjî mau maringithanagua na ûvatithio ûrîa rîu ûmûvonokagia. Ûvatithio tî wa kûthambia mûndû gîko Kîam mwîrî, nwatî nî kîîranîro kûrî Ngai kiumîte thamirirî mbaro. Ûvatithio ûcio ûmûvonokagia na njîra ya kûriûka gwa Jesû Kristû,

1Pet 4:8

Îgûrû rîa maûndû monthe endaga mûndû ûrîa wîngî na ngoro yaku yonthe, nîûndû wendani nîûkunîkagîra mevia mengî.

2Pet 1:7

Ûngairî wenyu mwongagîrîre ûtaana kûrî aarî na ariû a îthe wetû, ûtaanarî wenyu kûrî aarî na ariû a îthe wetû mwongagîrîre wendani.

1Joh 3:10

Îno nîyo ngûrani îrîa îthagîrwa îrî vo gatagatîrî ga ciana cia Ngai na ciana cia Ngoma. Mûndû wa wonthe ûtekaga ûrîa kwagîrîrîte, tî mwana wa Ngai na andû arîa matendete andû arîa engî tî ciana cia Ngai.

1Joh 3:23

Narîo rîathani rîake nî atî; nwa nginya twîtîkie Mûriû wake Jesû Kristû na twendanage mûndû na ûrîa wîngî ta ûrîa Kristû aatwathire.

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.