SEKARIA 14:7 - Bukuit Ne Tilil

⁷ ago peetuut agenge ne naat eng' Kamuktaindet ne Toroor; ma peet, ama kemoi: ago lapkeitu koskoleny.

BUKUIT NE TILIIL Sireet ne Dutero Kanon

⁷ ago peetuut agenge ne naat eng' Kamuktaindet ne Toroor; ma peet, ama kemoi: ago lapkeitu koskoleny.

BUKUIT NE TILIL

⁷ ago betut agenge ne naat eng’ Jehovah; ma bet, ama kemoi: ago lapkeitu koskoleny.

SEKARIA 14:7 Referencias Cruzadas

TIENWOGIKAL 37:18

Ingen Kamuktaindet ne Toroor peetuusyegap che ititaatiin, ak po koigeny porotennywa.

ISAIAH 11:9

Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

ISAIAH 24:23

Ak kotoptoben arawet, ak kolilaan asiista; amu laitorani Kamuktaindet ne Toroor ne po lugoosyek eng' tulweetap Zion ak eng' Jerusalem, ak eng' taitap poisyekyik.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

ISAIAH 45:21

Omwaite, obarte; ee, ingorwoch tugul: ng'oo ne ki iboor ng'olyoondoniito kobooch keny? Ng'oo ne ki mwaita kobooch keny? Tos ma anee Kamuktaindet ne Toroor? Ama mi Kamuktaindet age kobatena; Kamuktaindet ne po iman, ak ko yaindet; ma mi age kobatena.

ISAIAH 58:10

ak ngot iriiree che amei rubo, ak ibai kobiyo saboondo ne kinyaliili: kochor anyun lapkeiyeng'ung' eng' mesundeito, ak koigei peet kween mesundeitang'ung'.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 30:7

Pwo eng' peetuunooto, peetuut ne oo ne ma mi ne kergei: peetuutap nyalilda eng' Jakobo; nga kisaru eng' nyalilato.

DANIEL 12:4

Ago tuch ng'aleechu, ee Daniel, ak ing'ooch bukuit agoi peetuusyek che po let. Tuun rwaati che chaang', ak kotesak naet.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

AMOS 8:9

Mwaei Kiptaiyat Kamuktaindet ne Toroor kole, “Eng' peetuunooto, agoochini kororokto asiista peet kween, ak agoochini emet koimenit eng' peetuut ne churat.

MATAYO 24:36

“Ago ma naei chii age tugul agobo peetuunooto ak sainooto, ma naei agot malaikaisyegap kipsengwet, anan Weeriit, ago Kwanda ineegei.

MARIKO 13:32

“Ago ma mi chii ne naei agobo peetuunooto anan sainooto, agot malaikaisyek che mi kipsengwet, agot Weeriit, kobatee Kwanda ineegei.

POISYONIGAP CHE KIYOKTOI 1:7

Koleenji `Jeso icheek, “Mabootok onai peetuusyek anan kenyiisyek che ki konde Kwanda eng' pounatennyi ineegei.

POISYONIGAP CHE KIYOKTOI 15:18

Mwaei Kiptaiyat, ne yaei tuguuchu si konaak kobooch taunetap ng'wony.’

POISYONIGAP CHE KIYOKTOI 17:26

Ki yai eng' `chiito agenge pororyet age tugul ne po piik si komeny ng'wony komugul, ko kagoboorchi kenyiisyek che ki king'at, ak kiwotosyegap meng'ootennywa;

POISYONIGAP CHE KIYOKTOI 17:31

Amu Ki kochop peetuut ne tuun irwookyine ng'wony eng' imanda eng' chiichooto ki kolewen; ak agobo niito ko ki koboorchi komyee piik tugul ye ki ing'eet ineendet komong' eng' che ki pek.”

1 THESSALONIKEK 5:2

Amu ongen okweeget komyee ole nyoonei peetuutap Kiptaiyat ko uu choriin ne nyoonei kemoi.

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 14:6

Ki ageer malaikaiyat age kotirireni eng' kwenutap kipsengwet, kotinyei logoiywek che myach che po koigeny koamji icheek che menyei ng'wony, ak pororyet age tugul ak ooreet age tugul ak kutit age tugul ak piik alak tugul;

NG'ANG'UTYET 21:23

Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.

NG'ANG'UTYET 21:25

Amagoi kiger kurgotikyik peet amu ma mi kemout olooto.

NG'ANG'UTYET 21:3

Ak ki agas kutit ne oo komang'une ng'echereetap laitornatet kole, “Ogeero, mi emaitap Kamuktaindet ak piik, ak kotebyei kobooto icheek, ak koek icheek piikyik, ak kotebyei Kamuktaindet ineendet ak icheek, ak koek Kamuktaindet nenywa;

NG'ANG'UTYET 22:5

Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.