LUKA 14:13 - Bukuit Ne Tilil

¹³ Ago ye ichop igoorto, iguur kibananook, ak che po mugungon, ak che ing'waldos, ak che koryotiin:

BUKUIT NE TILIIL Sireet ne Dutero Kanon

¹³ Ago ye ichop igoorto, iguur kibananook, ak che po mugungon, ak che ing'waldos, ak che koryotiin:

BUKUIT NE TILIL

¹³ Ago ye ichob igorta, iguur kibananok, ak che bo mugungon, ak che ing’waldos, ak che koriotin:

LUKA 14:13 Referencias Cruzadas

2 SAMUEL 6:19

Kipchechi magatyat, pendo ak magatyatap sabibuk che yamyotiin piik tugul eng' tuiyet tugul ne po Israel, murenik ak kwonyiik. Ki igoochi chii age tugul yeityo kwo chii tugul koonnyi.

2 ATEPTAP PEETUUSYEK 30:24

Amu ki igoochi `Hezekiah laitoryatap Judah tuiyet kiruugik eliphuut ak keechiirek eliphuusyek tisap koek kagoochinoik; ak ki igoochi pounik tuiyet kiruugik eliphuut ak keechiirek eliphuusyek taman. Ki ianyinygei anyun tisiik eng' chaang'indo.

NEEMIA 8:10

Koleenji icheek `Nehemiah, “Oba, oam che akwaen ak oee che anyiny ak oyookyi kebeberwek ineendet ne ma kichopchi kiy, amu tiliil peetuuni eng' Kiptaiyandennyo. Amoaragense, amu kimnateeng'wong' poiboiyetap Kamuktaindet ne Toroor.”

NEEMIA 8:12

Ki pa piik tugul koamis, koeiso ak koyookto kebeberwek ak koboiboitu miising' amu kiga koguiyo ng'aleek che kiga kimwachi icheek.

Kitabuutap JOB 29:13

Ki nyoonjo kaberuretap ineendet ne kimachei kolus: Ak ki agoochi muguleldap mosoget kotyen eng' poiboiyet.

KALEWANAIK 14:31

Iteweeri Yaindennyi ne usei kibananiat, ago konyiti Yaindennyi `ineendet ne riiree ne ma tinyei kiy.

KALEWANAIK 22:9

Kiberuuri chii ne aiyeep, amu igoochin amitwogikyik kibananiat.

ISAIAH 58:10

ak ngot iriiree che amei rubo, ak ibai kobiyo saboondo ne kinyaliili: kochor anyun lapkeiyeng'ung' eng' mesundeito, ak koigei peet kween mesundeitang'ung'.

ISAIAH 58:7

Tos ma kebae amitwogiguk che amei rubeet, ak imutu kibananook che kigetimda, kobwa koong'ung'? Ye igeer ne mi aach ngor, ituch; ameung'egei piik che po oreng'ung'?

MATAYO 15:30

Ki pwanji ineendet tuiyosyek che eecheen komutu salamonik, che koryotiin, che namotin kutuswai, che po mugungon ak alak che chaang', komut ak konde tainnyi; ak ki isap icheek.

MATAYO 22:10

Ki pa anyun otwogichooto ortinwek ak koyum tugul che kinyoor, che myach ak che yaach, ak ki nyi toek kootap katunisyet.

LUKA 11:41

Ogoite kagoochinoik che po tuguuk che mi oriit; ak ogeero, tiliiliitu tuguuk tugul eng' okweek.

LUKA 14:12

Ki mwachi anyun chiichooto kiga kuurso agine, koleenji, “Ye ichop amitwogik che po peet anan che po koskoleny, ko mat iguur choronoguk, anan che otupche, anan tilyonutiguk, anan mogoreek che po kokwet; abeere tos kuurin ak icheek, ak koweegun cheguuk.

LUKA 14:14

si kiberuurin; amu ma tinyei icheeget che weegun: amu tuun kiweegun eng' ng'eetyeetap che po iman.”

LUKA 14:21

Konyo anyun otwogindonooto, ak kotetyi kiptaiyandennyi ng'aleechuuto tugul. Konereech anyun chiitap ko po koot, ak koleenji otwogindennyi, ‘Ui chaakte ortinwek che eecheen ak che mengeechen che po nganaseet, ak imutu yu kibananook, ak che po mugungon ak che koryotiin ak che ing'waldos.’

POISYONIGAP CHE KIYOKTOI 9:39

Kong'eet anyun Petero ak koba ak icheek. Ak kingo kagoit, komut ineendet kwo koot ne po parak. Ak kitonondos mosoogik tugul koriirtos eng' ye neegit ineendet ak koboorchi sumotik ak ngoroik che kinabei Dorkas ye kita komi kobooto icheek.

NG'ATUTIK 14:29

si konyo Lawindet amu ma tinyei kebeberta anan poroteet kobooten. Nyoonei kora toondet ak ne ma tinyei sigiik, ak mosogichooto mi kurgotiguk nyoo koamis ak kobiyong'so, si koberuurin Kamuktaindet ne Toroor Kamuktaindeng'ung' eng' poisyet tugul ne po euneguk.

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

NG'ATUTIK 16:14

Paibaitu eng' igoortang'ung', inyee ak weeriing'ung' ak cheptong'ung', otwogeng'ung' ne muren ak ne tye, Lawindet, toondet, ne ma tinyei sigiik ak mosoget che mi nganasooguk.

1 TIMOTEO 3:2

Kanyolji anyun riibindet koek ne ma kigeerchin ng'olyoo ne ma litit, manong'otyotap osotyot agenge, ne riibegei, ne litit ng'omnateet, ne tebyei komyee, ne taachei toek, ne chepchep koneetis;

1 TIMOTEO 5:10

ne kimwaitae ineendet poisyonik che myach; ngo kigo pai lagok, ngo ki kotaach toek, ngo kigoun keelyegap che tiliileen, ngo ki kotoret che nyalildos, ngo kigogiilgei eng' poisyet age tugul ne myee.

TITO 1:8

ago ne taachei toek, ne chamei che myachen, ne pou kabwaatutikyik, ne po imanda, ne tiliil, ne riibegei;

PILEMON 1:7

Amu ki atinye poiboiyet ne oo ak kagaigaet eng' chamyeng'ung', amu kigonyoor kamuung'et mugulelwegap piik che tiliileen agobo inyee, ne kitupche.

HEBRANIK 13:2

Amoutye oboorchi toek chamyet: amu ki kotaach alak malaikaisyek eng' nooto amaingen.