JOHANA 1:18 - Bukuit Ne Tilil

¹⁸ Ma mi chii ne ki keer Kamuktaindet ole kigoi; kigong'ang'wech Kamuktaindet Weeriit ne ki kisich ineegei, ne mi tegetap Kwanda.

BUKUIT NE TILIIL Sireet ne Dutero Kanon

¹⁸ Ma mi chii ne ki keer Kamuktaindet ole kigoi; kigong'ang'wech Kamuktaindet Weeriit ne ki kisich ineegei, ne mi tegetap Kwanda.

BUKUIT NE TILIL

¹⁸ Mami chi ne kigeer Jehovah ole kigoi; kigong’ang’wech inendet Werit ne kigii inegei, ne mi tegetab Kwanda.

JOHANA 1:18 Referencias Cruzadas

TAUNET 16:13

Ak kitoochi kainet Kamuktaindet ne Toroor ne ki ng'alaaljin ineendet kole “Inyee ko ii Kamuktaindet ne keera” Amu ki mwa kole, “Keero! Kaageer nguno patetap ineendet ne keera ak kota asabe”

TAUNET 18:33

Ye kingo tar anyun Kamuktaindet ne Toroor kong'alaaldos ak Abraham, kwo pandanyi; ak ki week Abraham kwo kaa.

KOMONG'U 23:21

Oriipkei eng' tainnyi ak ogas iit ng'aleekyik; ama ta obistoe ineendet. Amu ma nyochin kaat pistoeng'wong' amu mi kainennyu eng' ineendet.

KOMONG'U 24:10

Ki keer anyun icheek Kamuktaindet ne po Israel. Ki mi keelyekyik keel koita ne keguure sapphire ne uu sengwetyet eng' tiliilindanyi.

KALEWANAIK 8:30

ki kimi tuwai ko uu kiboityot ne ingen poisyet. Ak ki aboiboi ineendet peetuut age tugul, ki abaibai kotugul eng' tainnyi,

ISAIAH 40:11

Paei keechiirekyik ko uu mestowot, iyumi eunnyi aaregap keechiir, ak komute tegeennyi, ak kondochi mutyo che aboen.

RIREKAB JEREMIA 2:12

Riirchin kametwagikwak koleenjin, “Mi ano amitwogik ak divaik?” Ye katanuiso ko uu che kagiguoten eng' ortinwegap nganaseet, ye karoong'jigei saboonwekwak tegetigap kametwagikwak.

KAITOSYEK 12:8

Ki ng'alaaljindos ak ineendet kimni, ma eng' kalewenaik; ak kogeerei ineendet itoondap Kamuktaindet ne Toroor. Kilya anyun si moiywei ochaam kiboityondennyu Musa?”

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

LUKA 10:22

“Ki kogoono tuguuk tugul Abba: ak ma mi chii ne ingen Weeriit kole ng'oo, kobatee Kwanda; ama nai chii Kwanda kole ng'oo, kobatee Weeriit, ak chii age tugul ne chamei Weeriit, kong'aang'jin.”

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 12:41

Ki mwa tuguuchu Isaiah, amu ki keer toroornatennyi; ak ki ng'alaal agobo ineendet.

JOHANA 13:23

Ak ki mi meset agenge ne po kasubikyik ne kitiegei tegetap Jeso ne ki chamat eng' Jeso.

JOHANA 14:9

Koleenji Jeso, Ki kitebi tugul ak okweek peetuusyek che chaang', ak tomo inaa, Philipu? Ineendet ne ki kogeero ko ki kogeer Kwanda: imwae eng' nee anyun, ile, Iboorwech Kwanda?

JOHANA 17:26

Ki ang'aang'ji icheek kaineng'ung', ak ta ang'aang'jini; si kobiit kotebee icheek chamyet ne ki ichamena, ak anee eng' icheek.”

JOHANA 17:6

Ki aboorchi kaineng'ung' piik che ki igoono eng' ng'wony. Ki cheguuk, ak ki igoono; ak ki koriip ng'olyoondeng'ung'.

JOHANA 3:11

Amwaun, iman, iman, ale kimwae ne kingen, ak kebaoryanjini ne kagegeer; amotaache paornatennyo.

JOHANA 6:46

Moleen ki kogeer chii age tugul Kwanda, kobatee ineendet ne ki punu Kamuktaindet, ki kogeer ineendet Kwanda.

2 KORINTOEK 4:4

eng' icheek che katuch kamuktaindetap ng'wonyuni kabwaatutigap che ma iyani, si ma iluuchi icheek lapkeiyetap logoiywek che myach che po toroornatetap Kristo, ne ineendet ko itoondap Kamuktaindet.

NG'ATUTIK 4:12

Ak ki ng'alaalwok Kamuktaindet ne Toroor komi kwenutap maat: ki ogas tweguunetap ng'aleek ak kutit kityo, ago ki ma ogeer itoondo.

KOLOSAIK 1:15

Ineendet itoondap Kamuktaindet ne ma taagu, ineendet ne kisip kesich eng' kiit age tugul ne ki kitoi keyai;

1 TIMOTEO 1:17

Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

1 TIMOTEO 6:16

ne tinyei ineegei saboondap koigeny, ne menyei eng' lapkeiyet ne ma kimuuchi keriikyi; ne tomo kogeer chii, amaimuuchi kogeer: ingobunji ineendet teegisto ak kamuktaet koigeny. Amen.

JOSHUA 5:13

Ye ki neegit koit Joshua Jeriko, ko kitabendo ak ki keer kotononi chiito ko katokyigei ineendet kotinyei rotwetap chok eng' eunnyi ne kang'us. Ki wo Joshua ole miitei ineendet ak koteebe koleenji, “Ii nenyo anan ii po puunikyok?”

1 JOHANA 4:12

Ma mi chii ne ki kogeer Kamuktaindet ole kigoi; ngot kechamdosi, komenyech Kamuktaindet, ak keyaei chamyennyi koek ne ititaat eng' acheek:

1 JOHANA 4:20

Ngot komwa chii kole, “Achame Kamuktaindet,” ago wechei ne tupcho, ko kiplembechwa: amu ineendet ne ma chamei ne tupcho ne ki kogeer, koma imuuchi kocham Kamuktaindet ne tomo kogeer.

1 JOHANA 4:9

Kigeng'aany eng' niito chamyetap Kamuktaindet eng' acheek, keele ki koyook `Kamuktaindet Weeriinnyi ne ki kisich ineegei konyo ng'wony, si kobiit kesapchee eng' ineendet.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.