JEREMIA 13:24 - Bukuit Ne Tilil

²⁴ Ayestoi anyun icheek, ko uu mobeek che ibei usoonetap surkwen.

BUKUIT NE TILIIL Sireet ne Dutero Kanon

²⁴ Ayestoi anyun icheek, ko uu mobeek che ibei usoonetap surkwen.

BUKUIT NE TILIL

²⁴ Ayestoi anyun ichek, ko u mobek che ibei usonetab ong’atet.

JEREMIA 13:24 Referencias Cruzadas

TIENWOGIKAL 1:4

Ma uu nooto che yaacheen; ago kergei icheek ak meteteek che ibei usoonet.

ISAIAH 17:13

Ruaei pororyosyek ko uu rwaetap peek che chaang', ago kerei kong' ineendet icheek, ak komwei kolooegitu. Ak keon ko uu meteteek che ibei usoonet eng' tuloonook, ak ko uu ye arureni temburyek eng' kipchurchuryet.

ISAIAH 41:16

Iruri, si koip usoonet, ak koyesta kipchurchuryet: ak ibaibaitu eng' Kamuktaindet ne Toroor, ilasunegei Ineendet ne Tiliil ne po Israel.

JEREMIA 18:17

Aseeri icheek eng' taitap puunyoot ko uu ye iseerisyei usoonetap kong'asiis; ageere pataikwak, ma keere togoochikwak, eng' peetuutap nyalildanywa.

JEREMIA 9:16

Ak ayestochi icheek pororyosyek, che ki ma nai icheek anan kwanisyekwak. Ayooktoi rotwetap chok koosup icheek, kot ageesu.”

RIREKAB JEREMIA 1:15

Ki koyai `Kiptaiyat piik tugul che nyigoonen koek puch eng' kwenunnyu; ki koguurcho tuiyet ne ki king'at kole kotuatui neranikyuk. Ki kotyechatyech `Kiptaiyat pergeiyatap Judah ko uu ye kityechei ole kitue sabibuk.

EZEKIEL 17:21

Ak kebare rotwetap chok piikyik tugul che kimweei eng' kweanaikyik tugul, ak kiseerat che ng'etu koba usoonet age tugul: si onai ole aa Kamuktaindet ne Toroor ne koamwa ng'olyoondoniito.

EZEKIEL 5:12

Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

EZEKIEL 5:2

Ak ibeel kebeberta agenge eng' somok eng' kwenutap nganaseet, ye kagosulda peetuusyegap yiemet; ak iip kebeberta age eng' somok ak irarate iep kotuiyo eng' rotwonooto po chok; ak iseerte kebeberta agenge eng' somok koip usoonet, ak ang'usu rotwetap chok asube icheek.

EZEKIEL 6:8

Ago atuuchi che ng'etu, si kobiit onyooru che chilildos eng' rotwetap chok eng' pororyosyek, ye kiseerak obe emotinwek.

HOSEA 13:3

Kergeitu anyun ak poldetap karon, ak rewoot ne sip kobetei, ak ko uu meteteek che ibei kipchurchuryet eng' rwanyut ne kiboorsee, ak ko uu iyeto ne mandoe soiyet.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

SEPANIA 2:2

kotom kosulda ng'atuutyet, kotom kosiirto peetuut ko uu meteteek, kotom kobwanjok nereegek che koroomen che po Kamuktaindet ne Toroor, kotom konyonjok peetuutap nereegegap Kamuktaindet ne Toroor.

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

NG'ATUTIK 28:64

Ak koiyestak Kamuktaindet ne Toroor obe pororyosyek tugul, kobooch tabanda age ne po ng'wony agoi tabanda age. Iote kanamonik eng' olooto che po keetiik ak che po koik, che mengen inyee anan kwanisyeguk.

NG'ATUTIK 32:26

Ki ale, “Aiyestochini ole loo, agoochini kogeskei kabwaatennywa eng' piik.

NG'ATUTIK 4:27

Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.