DANIEL 9:26 - Bukuit Ne Tilil

²⁶ Ye ibata wigisyek tamanwogik lo ak aeng' keisto ineendet ne iilaat ama kotinyei kiy, ak kobwa piigap pounindet kong'em nganaseet ak ole-tiliil. Nyoonei kagesunennyi kobooto maraneet, ak egu lugeet agoi let; kigeng'at ng'emisyosyek.

BUKUIT NE TILIL

²⁶ Ak ye ibata wigisiek tamanwogik lo ak aeng’ keisto inendet ne iilat ama kotinyei kiy: ak kobwa bikab bounindet kong’em nganaset ak ole tilil; ak nyonei kagesunennyi koboto maranet, ak egu luget agoi let; kigeng’at ng’emisiosiek.

DANIEL 9:26 Referencias Cruzadas

2 SAMUEL 21:5

Koleenji `icheek laitoryat, “Chiichi ki igeswech ak ne kichobei kegirindech kole kebarech kot koma king'etu eng' kiwoteet age tugul ne po Israel;

TIENWOGIKAL 22:15

Kagoyaam kimnateennyu ko uu rokyet; ak kanamgei ng'elyeptanyu ak tagilgilyet; ak kaimutya temburyegap meet.

ISAIAH 28:2

Ogeero, tinyei `Kiptaiyat chiito age ne nyigan ak ko kiim; ko uu usoonetap roptap koik, usoonet ne ng'emisyei, ko uu usoonetap peek che kiimeen, che ing'irtogei, wiirchin ng'wony ko uu nooto eng' eunnyi.

ISAIAH 28:22

Nooto anyun, amat oegu saasiik, si ma kigiich ratuutikwok amu ki agas kagesunet ne kigeng'at, ne punu Kiptaiyat Kamuktaindet ne Toroor ne po lugoosyek eng' ng'wony komugul.

ISAIAH 53:8

Ki kinam eng' suryet ak kirwookyi; ak ng'oo ne ibwaati eng' ibindanyi kole ki kiisto ineendet eng' emetap che saptos: Amu ki kibir agobo pistoetap piikyuk.

ISAIAH 8:7

ara anyun, ipchin Kiptaiyat icheek peegap aineet, che chaang' che kiimeen, nooto ko laitoryatap Assyria kobooto toroornatennyi tugul; ak kotogosyi ineendet ainoosyekyik tugul, ak kosiir ngeguusyekyik tugul;

JEREMIA 46:7

Ng'oo ni ng'eetei ko uu aineet, ne wasegei peekyik ko uu ainoosyek?

JEREMIA 51:42

Kagonyonji nyanjet Babilon: kagotuch ineendet chaang'indap mildaetapkei ne po peekyik.

DANIEL 11:10

Tuun yaei lugeet weeriikyik ak koyum tuiyet ne oo ne po lugoosyek, che tuun pwoonei, ak kochwalda koyom emet ak kobun olooto, koyai lugeet agoi irimennyi.

DANIEL 11:17

Igiilegei konyo kobooto kimnateetap laitornatennyi komugul, ak koyai kasyinet ak ineendet; ak koyai ko uu ye machei. Ak kogoochi ineendet kwony kotun yeityo koboisye kong'em pounateet; ago ma tononi, ama punjin.

DANIEL 11:22

Ak keisto lugeet ne oo ak keton eng' tainnyi; kobooto pounindetap kayomisutyet agine.

DANIEL 11:36

Ak koyai laitoryat ko uu ye machei. Itorooregei ak koeetegei kosiir kamuktain age tugul, ak komwa tuguuk che kikwong'ee agobo Kamuktaindet ne pou kamuktaik. Nyooru ineendet poroteet kot kosulda nereegek, amu agoi keyaei nooto ki keng'at.

DANIEL 9:27

Ak koyomiskei kobooto piik che chaang' eng' kayomiset ne kiim ne po wigiit agenge, ak kogees tiseiywot ak kagoochinetap peek che ng'ootiin eng' kebeberyatap wigiit. Ak konyo age ne ibu ng'emisyet eng' kebepchetap tuguuk che kiwechei; ak keroong'ji ng'emindet nereegek che kigeng'at, agoi kagesunet.

HOSEA 1:9

Ak ki le Kamuktaindet ne Toroor, “Kuuree kainennyi Lo-ami amu ma oo piikyuk, ama aegu Kamuktaindeng'wong'.”

AMOS 8:8

Tos ma potani emet amu niito, ak koriir age tugul ne menyei olooto? Ee, ng'eetei komugul ko uu aineet; ak koiimgei ak koteeny kogeny, ko uu aineet ne po Misiri.

AMOS 9:5

Amu Kiptaiyat Kamuktaindet ne Toroor ne po lugoosyek, ko ineendet ne twaei emet si kochoot, ak koriiryo tugul che menyei olooto; ak ng'eetei emet komugul ko uu aineet; ak koteeny kogeny ko uu aineet ne po Misiri.

NAHUM 1:8

Ak eng' maraneet ne oo, ko igeesu komosato, ak koon puunikyik koba mesundeito.

MATAYO 22:2

“Kiyanie pounatetap kipsengwet laitoryat anum ne ki yachi weeriinnyi igoortap katunisyet.

MATAYO 22:7

Ki nereech anyun laitoryat. Ki iyookto lugosyekyik kobar rumichooto ak kobeel nganasennywa.

MATAYO 23:38

Ogeero, kagebagakwok koonng'wong' koek kipkuubere.

MATAYO 24:2

Ago ki wolji ineendet icheek kole, “Mogeere tuguuchu tugul? Amwaiwok iman ale, ma koi ng'etunee koita age paragutap age, ne ma ki wiirchin ng'wony.”

MARIKO 13:2

Ak ki leenji `Jeso ineendet, “Tos igeere teeksosyechu eecheen? Matun ng'etu koita agenge eng' paragutap age, ne ma ki wiirchin ng'wony.”

MARIKO 13:7

Ak ye tuun ogas agobo lugoosyek ak ng'aleek agobo paretapkei, ko moaragense: kanyool koek ko uu nooto; ago tomo koit kagesunet.

MARIKO 9:12

Koleenji icheek, “Iman, nyoonei Elijah korook si koweech tuguuk tugul ko uu ye kinye. Kitepto ano anyun si kesir agobo Weeriitap chii keele punei nyalilwogik che chaang' ak kiit ineendet koek puch?

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

LUKA 21:6

Eng' tuguuchu ogeere, ko tuun pwoonei peetuusyek, che ma ng'etunee koita agot agenge paragutap age, ne ma tuun ki wiirchin ng'wony.

LUKA 24:26

Ki ma nyoljin Kristo konyalil eng' tuguuchu, si komong'ji toroornatennyi?”

LUKA 24:46

ak ki leenji icheek, Ki kisir ko uu nooto, keele, nyoljin Kristo konyalil, ak kong'eet kogeny eng' che ki kobek eng' peetuutap somok;

JOHANA 14:30

Ma ng'alaalwok miising', amu nyoonei ne oo ne po ng'wony: ama tinyei kiy eng' anee;

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

1 PETERO 2:21

Amu ki kiguurchok niito: amu kinyalil Kristo agine agobo okweek, kobagakwok kaboorunet, si kobiit osup tyegutikyik:

1 PETERO 2:24

ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;