DANIEL 6:18 - Bukuit Ne Tilil

¹⁸ Ki wo anyun laitoryat oldanyi ne po laitornatet, ak korugutkei kemounooto; ama kiip tuguugap tyenwogik koba tainnyi, ak ma inuuch.

BUKUIT NE TILIL

¹⁸ Kiwa anyun laitoriat gonnyi ne bo laitornatet, ak korugutgei kemounoto: ama kiib tugukab tienwogik koba tainnyi: ak am inuuch.

DANIEL 6:18 Referencias Cruzadas

2 SAMUEL 19:24

Ki choorgei Mephibosheth weeriitap Saulo agine kotorook laitoryat. Ki mata kotil siyoogap keelyekyik anan kocher tamnennyi, anan komwet ngoroikyik kobooch peetuut ne kigawo laitoryat agoi peetuut ne ki weeksei kaa eng' kaalyeet.

1 LAITORINIK 21:27

Kingo kas Ahab ng'aleechooto, kogereer ngoroikyik, kolaach kuniet ak korugutkei. Kisyep kuniet ak koming'ingei.

ESTA 6:1

Ma imuuch laitoryat konuuch kemounooto, ak ki ng'at keip bukuitap siruutik che po ateptap peetuusyek ak ki kisooman eng' taitap laitoryat.

Kitabuutap JOB 21:12

Tyendos eng' sugutit ak ketubet, ak koboiboitu eng' cheetap ndurerut,

TIENWOGIKAL 137:2

Eng' keetiik che po kereruusyegap emonooto ko ki kigartate ketubosyekyok.

TIENWOGIKAL 77:4

Iname konyekyuk kogos: Aiimigei kot koma muuchi ang'alaal.

AMDOINDET 2:8

Ki ayumjige kogeny fedha ak thahabu, ak konoraik che korooron che po laitorinik ak che po emotinwek: ki alewenjigei tyeniik che murenik ak che kwonyiik ak poiboiyosyegap weeriigap piik, chebaigeinik che chaang'.

RIREKAB JEREMIA 3:53

Ki koisto saboondanyu eng' keriinget, ak ki wiirena koik.

DANIEL 10:3

Ki ma am amitwogik che myach, ama am panyeek, ama ee divaik, ama aiilgei, agoi kogeskei wigisyechooto somogu.

DANIEL 2:1

Eng' kenyiitap aeng' ne po laitornatetap Nebukadnezar, korwotyi Nebukadnezar karwotitaosyek che ki yai koimak muguleldonyi ak kobeetyi rwondo.

DANIEL 6:19

Ki ng'eet anyun laitoryat karon miising', ak kwo kochaakta ole mi keriingetap ng'etuunyik.

NG'ANG'UTYET 18:22

Ama kegasei kogeny eng' inyee putigap ketubosyek ak che tyendos ak putigap ndurerusyek ak che kuutei iryagook; ama kenyooru musogindet ne po musoknateet age tugul eng' inyee kogeny agoi; ama kegasei cheetap koitap pai eng' inyee kogeny agoi;