DANIEL 11:40 - Bukuit Ne Tilil

⁴⁰ Eng' peetuusyek che po let kobookyin ineendet `laitoryatap murot tai. Ago ibookyin ineendet `laitoryat ne po murot kaataam ko uu kipchurchuryet, kobooto kariisyegap lugeet, ak piik che ketei paraisisyek, ak melisyek che chaang'. Ak kwo kochwalda koyom emotinwek ak kobun olooto.

BUKUIT NE TILIL

⁴⁰ Ak koborio ak inendet laitoriatab murot ne bo tai eng’ betusiek che bo let: ak kobokyi inendet laitoriat ne bo murot ne bo katam ko u kipchurjuriet, koboto karisiekab luget, ak bik che lanyei mbartanyisiek, ak melisiek che chang’; ak kwo kochwalda koyom emotinwek, ak kobun oloto.

DANIEL 11:40 Referencias Cruzadas

ISAIAH 21:1

Maonateet agobo ong'ateet ne po nyanjet. Ko uu ye ibuksei kipchurchuryet ne punu murot tai, kobunu kapookyinindet ko uu nooto surkwen, punu emetap kamuiset.

ISAIAH 5:28

Ng'atiben kipchabonikwak, ak ko riigotin kwangokwak tugul; kirogendoi keelyegap paraisisyekwak koik che uueen, ak uu tirookwak kipchurchuryet.

ISAIAH 66:15

Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

JEREMIA 4:13

Ogeero, togosu ineendet ko uu poolik, ak uu kipchurchuryet kariisyekyik che po lugeet. Chepchep paraisisyekyik kosiir kipsichinik. Pwo eng' acheek, amu kageng'emech!

EZEKIEL 38:4

awelelin, ak ande kombook tagilgiliguk, ak amutun kobooto lugeeng'ung' tugul, paraisisyek ak piik che ketei paraisisyek, kolaachi tugul kariik tugul che po lugeet, lugeet ne oo ne tinyei long'onik che eecheen ak che mengeechen, kotinyei tugul rotoogap chok:

EZEKIEL 38:9

Ak itogosu, inyee ko uu usoonet, iige pooldet ne tuchei emet, inyee kobooto lugosyeguk tugul, komi pororyosyek che chaang' kobooten.

DANIEL 11:10

Tuun yaei lugeet weeriikyik ak koyum tuiyet ne oo ne po lugoosyek, che tuun pwoonei, ak kochwalda koyom emet ak kobun olooto, koyai lugeet agoi irimennyi.

DANIEL 11:11

Ak konereech laitoryatap murot tai ak komong' kobargei ak laitoryatap murot kaataam, ak kochop tuiyet ne oo, ne nganda uu nooto, kindo tuiyonooto eunegap puunikyik.

DANIEL 11:13

Ak koweigei laitoryatap murot kaataam kochop lugeet ne oo kosiir ni kabo tai; ak konyo ko kagobata peetuusyek, chooto ko kenyiisyek alak, kobooto lugeet ne oo ak tuguuk che chaang'.

DANIEL 11:22

Ak keisto lugeet ne oo ak keton eng' tainnyi; kobooto pounindetap kayomisutyet agine.

DANIEL 11:25

Ak kong'eet kimnateennyi ak nyiganatennyi kobargei ak laitoryatap murot tai kobooto lugeet ne oo; ak koyai lugeet laitoryatap murot tai kobooto lugeet ne oo miising' ak ko kiim. Ago ma tononi, amu chobei icheek chobutik agobo ineendet.

DANIEL 11:35

Ak kobutyo alak eng' che utaatiin, si kobiit kitiliil, ki anyiny, ak keyai koleelagitu, kot koit peetuut ne po let, amu ta koitu peetuut ne ki king'at.

DANIEL 11:39

Ak konam irimoik che kiimeen miising' eng' toretetap kamuktain ne teer. Tesyin toroornatet age tugul ne chamei ineendet ak kogoochin `ineendet icheek koboi che chaang', ak kopchei emet kobunji kagaigaet.

DANIEL 11:7

Ago mong'u age ne punu temetap tigitikyik ne igeeri ineendet, ne nyoonei ole mi lugeet, ak kochut irimeetap laitoryat ne po murot kaataam, ak kobargei ak pichooto ak koterteer;

DANIEL 12:4

Ago tuch ng'aleechu, ee Daniel, ak ing'ooch bukuit agoi peetuusyek che po let. Tuun rwaati che chaang', ak kotesak naet.

DANIEL 12:9

Ki le ineendet, ui inyee Daniel, amu kagituch ng'aleechuuto ak keng'och kot koit peetuusyek che po kagesunet.

DANIEL 8:17

Ki riik anyun ye ki atonone; ak kingo it ole ami, aiyweisye, ak abut kot kotiiny togeet ng'wony. Ago ki leenjo, “Ee, weeriitap chii, iguiye anyun; amu po ng'ang'utyoniito peetuusyek che po let.”

HABAKUK 3:14

Ki toore `kiplitokyik kandoindetap piikyik che po lugeet: Ki pwa ko uu kipchurchuryet kole koseera: Ki uu poiboindanywa che amei kibananook eng' ung'oot.

SEKARIA 9:14

Ak kotook Kamuktaindet ne Toroor eng' paragunnywa, ak kwo ne kipchabennyi ko uu kalyeleet; ak koguut Kiptaiyat Kamuktaindet ne Toroor iryageet, ak kwo kobooto kipchurchurinik che po murot tai.

NG'ANG'UTYET 16:12

Ak kiroong'ji malaikaiyat ne po lo taabeennyi aineet ne oo, nooto ko Yufrets; ak ki teenyo peekyik, si kobiit kochobok ooreetap laitorinik che punu kong'asiis.

NG'ANG'UTYET 9:16

Ak ki ek koitetap lugoosyek che po piik che ketei paraisisyek million pogol aeng'; ki agas koiitennywa.